隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片
網誌社群
登入
註冊

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼亞洲特色

  • 日本 - 相撲火鍋 Chanko Nabe

    2015-10-07 | ♥ V乜鬼亞洲特色

    顧名思義係日本相撲手食既火鍋! ^^就咁睇相材料同普通火鍋完全無分別......
    (事實上都係自己鍾意食乜就落乜，反正我又唔係相撲手! 呵呵~~~)
    傳統正宗既相撲火鍋材料主要係蔬菜、豆腐 + 雞肉，
    並唔會有四腿著地既肉類e.g. 豬牛，原因係相撲比賽中相撲手雙手著地就輸，
    時移世易，而家唔會再拘泥依d舊傳統，所以相撲手火鍋都好常見雞以外既肉類~
    而相撲火鍋有一個好重要又好好味既關鍵，少咗佢就會完全失色.......
    佢就係 - 雞~~ 肉~~~ 丸~~~~~~~
    1. 雞肉丸做法:
    a. 雞上肶肉(去皮去脂肪)約350g，用食物處理器攪成免治雞肉。
    b. 免治雞肉加入雞蛋(打勻)1/2隻、日本醬油1.5茶匙、味醂、味噌和新鮮磨薑蓉各1茶匙、粟粉2茶匙和蔥花適量，全部材料拌勻，以筷子向同一方向攪約5分鐘至呈黏性糰狀，包好放入雪櫃最少1 .... (更多)
    0 回應

  • 日本 - 秋葵納豆生雞蛋拌飯

    2015-08-14 | ♥ V乜鬼亞洲特色

    高木直子最新既圖文書"一個人好想吃"裡面有講納豆飯，睇完之後口水大流忍唔住整返個!
    納豆係經枯草桿菌發酵過既黃豆，最初知道納豆依樣日本食品係因為"蠟筆小新" XDDD
    後來見Glasgow 既中超有得賣，好奇買來試吓，一食就愛上咗! ❤
    好多人覺得納豆黏黏滑滑好核突，有d人仲話好臭......
    不過阿V覺得納豆好香，而且我就係鍾意佢微鹹滑滑既味道 + 口感! ^^
    另一樣阿V好鍾意既滑滑就係秋葵 ❤ (原來香港多叫毛茄!)
    高木直子既納豆飯版本除咗納豆、秋葵生雞蛋之外，仲有魚生、山藥等材料，
    不過我依個簡化版已經夠料夠哂好味嘞! ^^
    日本人正宗既做法係最後喺飯 + 材料上打上一個生雞蛋......
    不過之前都講過依度買唔到日本人專用來拌飯既雞蛋(網誌)，
    為安全計我既做法會先將蛋焗至半熟~
    1. 秋葵適量洗淨後，放入一鍋滾 .... (更多)
    0 回應

  • 韓國 - 紫菜飯卷 Gimbap

    2015-05-12 | ♥ V乜鬼亞洲特色

    一直都有個疑問 - 韓國紫菜飯卷同日本壽司卷究竟有乜分別呢?
    疑問還疑問，但又無的起心肝去搵答案，
    直至早前喺FB見到朋友食gimbap 食得津津有味，順口問吓......
    主要分別在於飯既調味方面 - 壽司飯用米醋調味; 而紫菜飯卷既飯用麻油 + 鹽調味~
    1. 米1杯煮熟後放入大鋼盆，趁熱下麻油和海鹽調味拌勻試味(飯微鹹即可!) 略蓋保濕，待入味放涼備用。
    韓式飯卷無特定用咩品種米! 
    我就鍾意用黏性較高既日本越光米~ ^^
    2. 紅蘿蔔1/2條切幼絲; 韓式醃蘿蔔切粗條; 午餐肉1罐先切片，略煎後切粗條備用。
    韓式醃蘿蔔
    3. 菠菜數棵，整棵洗淨後放入滾水中川燙20秒，撈起菠菜以冷水沖泡，擠乾菠菜水份，切去菠菜根部，用少許麻油、海鹽和糖拌勻調味備用。
    4. 壽司蓆上放上紫菜片。(紫菜片有一面比較光滑，光滑一面向下~ .... (更多)
    0 回應

  • 台灣 - 大腸蚵仔麵線

    2015-04-11 | ♥ V乜鬼亞洲特色

    第一次食麵線喺台北士林夜市，當時根本唔知麵線係咩來，
    只係樣樣夜市小食都試吓......結果一試麵線就愛上咗! ❤
    晚晚都要去夜市整一碗先安樂，食到連檔主都認得我 + Mr.T，
    檔主問我地: 你們每晚都來不厭嗎? XDDDD
    好味既食物，當然多多都唔會厭! ^^
    1. 豬大腸1條反轉，用粗鹽和粟粉擦勻內外，用清水洗淨。
    2. 燒滾一鍋水，加入酒和薑片，放入豬大腸汆水5分鐘，取出沖淨白泡。
    3. 台灣滷包1個、薑2片和片糖1/4片，加入清水適量(e.g. 足夠蓋過豬大腸)，煲滾後轉小火小滾10分鐘至出味。
    4. 放入(2)的豬大腸煮至回滾，蓋鍋蓋小火續煮30分鐘，熄火後不要打開煲蓋焗2小時。
    5. 取出滷好的豬大腸切片備用。(怕麻煩的話可以買市售滷水豬大腸!)
    6. 台灣紅麵線70g，用清水浸10分鐘。
    7. 瀝乾水份，剪成 .... (更多)
    0 回應

  • 台灣 - 烏魚子炒飯

    2015-03-11 | ♥ V乜鬼亞洲特色

    朋友之前送比我既烏魚子一直放喺冰格深處，
    早幾日冰格搵食材時摷咗一孖出來解凍，
    孤寒鬼阿V唔捨得咁奢侈就咁成塊燒來食...咁用來炒飯啦! ^^
    烏魚子一孖2瓣真空包裝，今次炒飯一人份我只用咗1瓣~
    1. 剪開包裝撕下1瓣烏魚子，放在淺碟，倒入紹興酒浸至烏魚子一半厚，先浸一面5分鐘，反轉另一面再浸5分鐘。 (有指應用高粱酒，但我屋企中式酒只有紹興酒 + 玫瑰露......)
    2. 撕去烏魚子薄膜。
    3. 將烏魚子切成小塊備用。
    4. 椰菜數片洗淨瀝乾切絲; 預備蒜蓉2瓣、薑米約1湯匙和蔥花適量。
    5. 燒熱油鑊，先下椰菜絲炒熟，盛起備用。
    6. 鑊中再下油燒熱，下(3)烏魚子小塊炒香，隔油盛起備用。
    7. 鑊中剩餘的油繼續燒熱，打入雞蛋1隻，隨即加入隔夜冷飯2碗、蒜蓉和薑米一同炒勻。
    8. 加入(5)的椰菜絲 .... (更多)
    0 回應

  • 日本 - 自製醬油麴 Homemade Shoyu-Koji

    2015-03-04 | ♥ V乜鬼亞洲特色

    早前V媽媽寄來半打鹽麴 + 半打米麴，用咗1包米麴自製味噌，
    鹽麴只食咗1包，仲有5包暫時唔需要自家製，咁今次整醬油麴啦! ^^
    我用咗萬字出品既溜醬油~
    溜醬油係一種用純大豆釀造，有獨特香味且比一般醬油更甘濃既日式醬油......
    做醬油麴當然唔一定要用溜醬油啦! 其他日式醬油都可以~ 
    (溜醬油的確非常香濃! ❤ 價錢雖然比普通萬子醬油貴一半，不過我打算以後轉用溜醬油!!)
    醬油麴做法參考自: http://item.rakuten.co.jp/shibamatagreat/10130001?s-id=sd_browsehist_search
    (阿V其實唔識日文 =P 依個做法係我辛辛苦苦逐粒日文字打出來，用咗3個唔同翻譯website 譯出來既成果! ^^)
    材料:
    - 米麴       .... (更多)
    0 回應

上一頁

12345678910

下一頁