隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼素菜
  • 蜜糖豆銀杏煮齋鮑魚

    2011-11-12 | ♥ V乜鬼素菜


    1. 蜜糖豆洗淨瀝乾,摘去頭尾和撕去粗筋備用。
    2. 罐頭銀杏(白果)1罐隔清水備用。
    3. 齋鮑魚1罐隔去汁備用。
    4. 燒熱油爆香薑絲,下蜜糖豆炒至半熟,下銀杏兜勻。
    5. 注入少許清水兜勻,蓋上鑊蓋焗1至2分鐘。
    6. 下齋鮑魚炒勻,用少許海鹽或香菇粉調味即成。
    P.S. 罐頭齋鮑魚湯汁本身調味幾濃,調味隨自己口味增減~
      .... (更多)
  • 素蠔油炆上素

    2011-09-28 | ♥ V乜鬼素菜

    材料當然可隨自己口味自行配搭啦! 今次我就用咗腐竹、冬菇、竹笙、木耳、罐頭銀杏 + 紅蘿蔔~ 1. 腐竹、冬菇、竹笙和木耳浸軟。 P.S. 竹笙既網狀好容易藏有沙泥,所以浸軟前要先仔細清洗~ 浸軟後先洗的話會好容易會洗爛架! 2. 浸軟後既腐竹和竹笙切段; 冬菇去蒂視乎大小切半; 木耳撕成小塊備用。 3. 紅蘿蔔1條去皮後刨絲; 罐頭銀杏瀝乾水備用。 4. 燒熱油爆香薑2片,先下紅蘿蔔絲炒一會。 5. 加入其餘材料,下糖和香菇粉調味兜拌再炒一會。 6. 下素蠔油適量及加入少許清水兜勻煮滾,蓋蓋中火炆5分鐘。 7. 勾粟粉水芡至汁稠,兜勻即成。     .... (更多)
  • 唐芹枝豆炒五香豆乾

    2011-07-16 | ♥ V乜鬼素菜

    1. 唐芹(即芹菜)去葉,洗淨瀝乾,切段備用。  2. 五香豆乾抹乾,切條備用。 3. 枝豆(即毛豆)汆水2分鐘,沖凍水並取出豆備用。 4. 紅蘿蔔洗淨去皮,切絲備用。 5. 燒熱油先下唐芹和紅蘿蔔絲兜勻,下1湯匙清水炒至唐芹和紅蘿蔔開始軟身。 6. 下五香豆乾兜勻,用糖和素食蠔油調味炒勻。 7. 加入枝豆炒勻,熄火後灑上少許麻油兜勻即成。       .... (更多)
  •     初一十五食花齋屬於食佛教素~   食佛教素係指戒吃食葷腥: 腥係指動物肉; 而葷就指五辛,即五種帶有辛味之蔬菜 - 蔥、蒜、洋蔥、韭及興渠。   雖然五辛都係植物,不過因帶有刺激性,所以佛家認為會助長人之利慾心與淫念。   如果只純為健康而食素就無咩所謂,不過如果食宗教素既話,除咗食材之外,調味料方面都一樣留意成份啊!       我食咗花齋剛剛好2個月......   雖然我算不上係佛教徒,不過我相信佛教道理~   既然開始咗初一十五食齋,我會盡量做到足喺齋期連五辛都唔食!       我平時炒菜會用雞粉......    因為食花齋既關係,我特別買咗樽蔬菜調味粉~ .... (更多)
  • 臘八豆炒黃芽白

    2011-05-20 | ♥ V乜鬼素菜

    1. 黃芽白洗淨瀝乾水,切塊備用。 2. 燒熱油鑊爆香薑片,下黃芽白炒至開始軟身。 3. 下適量臘八豆快手兜勻,用鹽調味即成。  臘八豆 - 一種加入辣椒、香料和調味的發酵黃豆~       .... (更多)
  • 台灣素食品

    2011-04-13 | ♥ V乜鬼素菜

    舊年我發現Glasgow 既中式超市越來越多台灣食品賣! 原來因為舊年英國開咗一間based 喺倫敦既台灣食品入口公司 - Taipec 台沛; 而Glasgow 有好幾間中式超市成為咗台沛蘇格蘭既分銷處,所以近依一年多咗好多我以前未見過既台灣食品!    早排我買咗枝西螺名產大同蔭油膏~ 台灣西螺水質 + 氣候都好適合釀造醬油,所以西螺既醬油膏特別出名! (出名牌子e.g. 丸莊、大同、瑞春、華泰......) 大家買醬油膏記住認清要係西螺出產喎!    早2星期見到依樽叫做"台灣香椿醬"既野......  有個好勁 + 好有代表性既英文名叫做"Taiwan Sauce"! 之前聽都未聽過香椿醬,亦唔知點用~ 於是返屋企上網搵搵香椿醬究竟用來點食......原來可 .... (更多)