隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼素菜
  • 松子車厘茄黑橄欖意粉

    2013-05-18 | ♥ V乜鬼素菜


    依個意粉其實係齋版"妓女意粉",
    不過將anchovies既鹹香,換成松子既酥脆nutty,
    一樣好好味啊!
    1. 意粉煮熟,瀝乾及過冷河備用。
    2. 車厘茄洗淨,瀝乾切半; 罐頭片裝水浸黑橄欖瀝乾水備用。
    3. 酸豆 (Capers)用水略沖,瀝乾切碎備用。
    4. 松子白鑊烘香變金黃,盛起備用。
    5. 鑊中燒熱橄欖油,下黑橄欖、酸豆和車厘茄炒香炒腍,下少許Cayenne Pepper 辣椒粉兜勻煮數分鐘。
    6. 加入煮好之意粉炒勻熄火,下(4)的松子兜勻上碟即成。
    .... (更多)
  • 素餃子 (附包餃子video)

    2013-04-11 | ♥ V乜鬼素菜


    今次第一次自己包餃子,
    雖然包得唔係好靚,不過總算有個餃子樣!
    全素餃子,餡料根據自己喜好隨意~
    我今次勁貪心地用咗好多材料.........
    1. 小棠菜洗淨後以廚房紙抹乾水份。
    2. 以食物處理器打碎。
    3. 鮮冬菇、蠔菇和蟹味菇以微濕廚房紙抹乾淨,同樣以食物處理器打碎。
    P.S. 記住鮮菇菌唔可以直接用水清洗!
    鮮菇如經水洗會吸入大量水份,經烹煮後水份釋出,口感變腍 + 令餸菜變得水汪汪~
    4. 雲耳、金菇乾 + 竹笙浸發後搾乾水份; 紅蘿蔔去皮切件,全部放進食物處理器內打碎。
    5. 拌勻打碎的材料,再加入薑蓉(約2片)拌勻成餡料。
    6. 燒熱少許油,下(5)炒熟,以少許麻油、糖和鹽調味,盛起待全涼備用。
    7. 以厚身餃子皮包成餃子。
    8. 碟子灑上少許麵粉,防止餃子底部黐著碟底。
    9. .... (更多)
  • 素炒粒粒

    2013-01-28 | ♥ V乜鬼素菜


    屋企現成既材料就地取材既快手小炒素食!
    1. 燒滾一鍋水,下生腰果煮至回小滾,,轉小火小滾3分鐘,撈起腰果完全瀝乾水份。
    2. 小火燒熱油(剛足夠蓋過所有腰果就夠! ),下腰果邊炸邊輕輕用鑊剷翻兜。
    3. 5至8分鐘後腰果開始變輕身及轉金黃色,熄火撈起腰果,用廚房紙吸去多餘油份備用。
    4. 豆腐切丁,炸至表面微微金黃,撈起瀝去多餘油份備用。
    5. 菜脯以清洗搾乾水份後切粒; 秋葵洗淨抹乾後切粒。
    6. 燒熱油先下薑片和菜脯粒爆香,再下豆腐丁和腰果兜勻,以蔬菜調味粉調味。
    7. 最後加入秋葵兜勻炒熟即成。
    .... (更多)
  • 素鍋燒烏冬

    2012-10-31 | ♥ V乜鬼素菜


    天氣凍凍地想食打邊爐......
    不過撞正初一十五食齋既日子,咁點算好呢?
    邊個話食齋唔可以打邊爐架? (自言自語......)
    其實齋既打邊爐材料都可以好豐富,而且仲好好味呢!
    齋火鍋材料隨意,如果食蛋牛奶素既話,
    仲可以加雞蛋或玉子豆腐~
    今次我整既係花齋全素,
    材料有: 菠菜、花菇、竹笙、木耳、豆腐卜、煎豆腐、金菇......
    仲有上次食過依隻全素水餃......
    再加包烏冬落去,食完暖笠笠又飽肚!
    1. 花菇、木耳和竹笙洗淨浸軟,搾乾水份備用,保留浸冬菇的水。
    2. 菠菜洗淨切段; 豆腐卜切半; 實豆腐切成適當大小,煎至金黃備用。
    3. 燒熱鍋爆香薑片,下花菇、木耳、竹笙和豆腐卜炒一會,下糖和素蠔油調味兜勻。
    P.S. 素味道比較清淡,先將部份材料加調味略炒,可將味道餵入材料中~
    4. .... (更多)
  • 素菜腐皮卷

    2012-07-04 | ♥ V乜鬼素菜


    1. 冬菇、木耳、竹笙和金針洗淨浸軟後搾乾水份; 金針去掉硬的部份,其他切絲備用。
    2. 紅蘿蔔刨絲備用。
    3. 燒熱油鑊,下所有材料和清水少許爆炒一會,用蔬菜調味粉和糖調味炒勻,盛起待涼備用。
    4. 用軟身腐皮將餡料包成長條狀,腐皮收口放底。
    5.  燒熱油鑊,以中小火將腐皮卷煎至兩面金黃盛起。 
    6. 素蠔油芡汁: 素蠔油3湯匙、清水4湯匙、糖1茶匙和麻油少許拌勻試味,再加入粟粉1茶匙拌勻煮滾至稠即成。
    7.  將煎好的腐皮卷排在蒸碟上,淋上煮好的素蠔油芡汁,隔水大火蒸5分鐘即成。
    .... (更多)
  • 紅燒豆腐

    2011-11-26 | ♥ V乜鬼素菜


    1. 豆腐切片抹乾水,煎至兩面金黃備用。
    2. 隨自己喜好預備配料。
    3. 燒熱油鑊爆香薑絲,下(2)的配料兜勻炒一會。
    4. 下煎好的豆腐略略兜勻。
    5. 下素蠔油、生抽、糖和少許老抽,加清水至剛蓋過所有材料。
    6. 煮滾後改以中小火炆煮至汁收乾試味。
    7. 勾粟粉水芡後即可上碟,灑上少許麻油即成。
      .... (更多)