隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼素菜
  • 蘇太山珍素菇醬雜菌素雞炒烏冬

    2015-09-14 | ♥ V乜鬼素菜

    全素無葷既香噴噴炒烏冬,滋味絶不遜於真雞肉炒烏冬啊! ^^
    用既係依樽蘇太山珍素菇醬~
    1. 素雞粒適量解凍; 四季豆適量洗淨切粒,汆水1分鐘後浸凍水備用。
    2. 雜菌(我用啡蘑菇 + 金菇),啡蘑菇用微濕廚房紙抹乾淨後切片; 金菇洗淨瀝乾切去根部及弄散備用。
    3. 罐頭粟米粒適量; 烏冬先弄散備用。
    4. 燒熱油鑊下素雞粒、啡蘑菇片和四季豆,炒勻至素雞粒開始金黃和蘑菇變軟。
    5. 再加入金菇、粟米粒和烏冬一同炒勻。
    6. 下素蠔油和少許清水炒勻,炒至汁液收乾熄火。
    7. 下蘇太山珍素菇醬適量兜勻,上碟即成。
    .... (更多)
  • 雲耳秋葵白味噌炒茄子

    2015-02-07 | ♥ V乜鬼素菜

    我有一個情意結...炒茄子一定要先走油~
    "炒時加d水..."..."蒸軟佢..."..."茄子吸油太肥..."......
    我通通都唔care! 總之就係要走油!!
    1. 雲耳洗淨浸發,搾乾水份備用。
    2.  茄子切粗條 (我知道我張相係切大丁...咁我煮完先發現最好都係切條嘛! XDDD)
    3. 秋葵洗淨抹乾切粒備用。
    4. 燒熱油後放入茄子炸20至30秒,撈起放在廚房紙上吸去多餘油份備用。
    5. 燒熱油鑊爆香薑片,下白味噌適量和清水少許煮溶。
    6. 加入(4)的茄子和雲耳炒勻,下少許糖調味。
    7. 最後加入秋葵粒兜勻即成。
    .... (更多)
  • 原來自製豆腐比我想像中容易得多! 
    第一次就成功做出嫩嫩滑滑兼充滿豆香既豆腐,
    咁以後真係唔洗再買中超既白色無味野咯~ ^^
    早前整豆腐花,買咗包熟石膏粉.......
    之後又買咗2包鹽滷.......
    整豆腐花...無論用熟石膏粉或鹽滷,每次份量都只係用好少~
    咁多石膏粉 + 鹽滷...要整幾多次豆腐花先用得哂? 不如索性整埋豆腐!
    整豆腐要成型,所以需要一個模具! 其實任何可以瀝水既器皿都可以.......
    不過反正有咁鬼多石膏粉 + 鹽滷,無論成功或失敗,都唔會整一次就收檔,
    所以一向貪靚姿整既阿V好恨要一個木豆腐模!
    淘寶幾十人仔一個木豆腐模,喺英國閒閒地要£30 - £40一個!
    有d價錢無咁貴,但加埋郵費要£50!! @@
    實在太貴唔捨得被鋸到一頸血,但我真係好恨要一個!!!
    於是萬能既M .... (更多)
  • 素家常豆腐

    2014-12-05 | ♥ V乜鬼素菜


    之前喺Cardiff 一間中菜館食過一味家常豆腐,我話過要老翻! (網誌)
    中菜館既版本裡面有五花肉~ 但我依個版本係純素,食齋既日子都可以煮! ^^
    雖然係純素版,但味道似足9成以上!中超買到依隻台灣入口既富記辣豆瓣醬~
    味道唔錯兼無蔥無蒜!
    1. 雲耳浸軟,搾乾水備用。
    2. 雜菌(蠔菇、雞肶菇 + 蟹味菇)用濕廚房紙抹乾淨備用。
    3. 燒熱油鑊先下炸豆腐炒至金黃。
    4. 將炸豆腐撥開一邊騰出空間,下適量辣豆瓣醬炒香。
    5. 加入雲耳和雜菌炒勻,下少許素蠔油和糖調味。
    6. 加入少許清水兜拌煮滾,上蓋焗1至2分鐘即成。
    .... (更多)
  • 雲耳味噌豆腐

    2014-05-14 | ♥ V乜鬼素菜


    1.雲耳適量洗淨,浸發後搾乾水份備用。
    2. 豆腐切件,抹乾水份,煎至兩面金黃後盛起,用廚紙吸去多餘油份。
    3. 燒熱油鑊爆香薑絲,下雲耳炒一會。
    4. 下適量味噌和清水(我用白味噌),和雲耳一同炒勻。
    5. 下煎豆腐,用少許糖和生抽調味,煮至汁稍為收乾即成。
    .... (更多)
  • 麻醬菠菜

    2014-05-09 | ♥ V乜鬼素菜

    1. 整棵菠菜洗淨瀝乾。
    2. 煮一大鍋水至大滾,放入菠菜川燙20秒。
    3. 撈起菠菜以冷水沖泡。(蘇格蘭自來水可以直接飲用~ 否則就要用攤涼咗既凍滾水啊!) 
    4. 洗淨雙手,將菠菜水份擠乾,切除根部並切開成段排好在碟上,放入雪櫃1小時。 
    5. 芝麻醬汁: 將芝麻醬、生抽、糖、蒜蓉和凍滾水拌勻試味,淋在菠菜上,在灑上少許芝麻即成。
    .... (更多)

上一頁

12345

下一頁