隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼小菜
  • 腐乳蒸茄子

    2010-07-27 | ♥ V乜鬼小菜

    依味簡單易整兼好送飯既小菜,係網友Lee 提供比我既,多謝Lee 慷慨分享佢媽媽既食譜!  (希望唔好介意我擅自更改咗少少做法啦! ) 1. 茄子洗淨,略略批去少許皮(令口感更滑! ),切幼條備用。 2. 茄子蒸10至15分鐘至熟透。 3. 腐乳適量、糖和雞粉各少許拌勻備用。 4. 取出已蒸熟的茄子,用湯匙壓爛,加入(3)之腐乳醬一同拌勻。 5. 燒滾少許油,將滾油灒在茄子上拌勻,灑上蔥花即成。       .... (更多)
  • 菜脯炒蛋

    2010-05-27 | ♥ V乜鬼小菜

    1. 雞蛋數隻用少許胡椒粉調味打勻。  2. 炒蛋菜脯粒用清水清洗2次,洗去多餘鹹味,搾乾水份備用。 P.S. 另可用普通菜脯粒洗淨後切碎~ 3. 青蔥切碎,加入蛋液內拌勻。 4. 燒熱少許麻油下菜脯炒香。 5. 下蔥花蛋液,煎香成蛋餅即成。       .... (更多)
  • 魚香茄子 (V媽媽做法酒樓味道版)

    2010-05-13 | ♥ V乜鬼小菜

    點解我講明係"V媽媽做法酒樓味道版"呢? 因為其實魚香茄子依個餸我之前已經整過無數咁多次! 不過以前一直都係整"李X記魚香醬版",加上以前喺蘇格蘭好難買到梅香鹹魚,所以整出來味道始終爭d~ 上次返香港V媽媽整過比我食,同出街食到既味道一模一樣!   而家依度又可以買到梅香鹹魚,所以今次用咗V媽媽既方法來煮......果然係正!   1. 柳枚肉剁碎,用胡椒粉、生抽、紹酒、糖、清水少許、雞粉少許、麻油少許和粟粉撈勻醃好備用。 2. 梅香鹹魚1片去清骨後將肉切小粒備用。 3. 茄子2個洗淨,去蒂和切粗條; 燒熱油放入茄子段炸約20秒後撈起,放在廚房紙上吸去多餘油份。或可燒熱3湯匙油將茄子段炒至開始軟身,再盛起瀝油備用。(炒時可加入少許清水,比較易炒!) 4. 燒熱油鑊爆香薑絲和蒜蓉,下豬肉碎炒一會後灒酒。 5 .... (更多)
  • 香菇鱈魚蒸滑蛋

    2010-05-11 | ♥ V乜鬼小菜

    依個係我意外自創,好好送飯且令老公食到唔停口既蒸水蛋! 1. 冬菇浸軟後搾乾切絲; 鱈魚柳去皮去清骨刺,洗淨抹乾後切片。 2. 冬菇絲和鱈魚片用胡椒粉、紹酒、糖和雞粉各少許拌勻調味。 3. 雞蛋數隻打勻,加入和雞蛋同等份量的清雞湯拌勻。 4. 將2/3的冬菇絲和鱈魚片加入清湯蛋液內拌勻,隔水大火蒸約10分鐘至蛋液凝固取出。 5. 芡汁: 蠔油、糖、胡椒粉、粟粉和清水拌勻。 6. 鑊中燒熱少許油,爆香薑絲,先加入餘下冬菇絲炒約1分鐘,再下鱈魚片略炒。(因鱈魚片比冬菇絲易熟且易散,所以要先下冬菇絲,再下鱈魚片!) 7. 倒入芡汁和冬菇絲鱈魚片兜勻煮滾,淋上已蒸好的滑蛋上,灑上蔥花即成。   蒸水蛋小秘技 同大家分享1個蒸水蛋包滑滑既方法...... 經常見網友話蒸水蛋好難蒸得靚蒸得滑,咁不如試試依個蛋液和雞湯比例為1:1既方法吖! 依個方法方便之處除 .... (更多)
  • 炒上海年糕

    2010-04-23 | ♥ V乜鬼小菜

     1. 上海年糕乾用冷水浸超過24小時至軟備用。(千其唔可以用熱水!!!  會黐埋一pat 架!!!) 2. 豬肉切絲,用胡椒粉、生抽、糖、麻油、和少許雞粉醃好。 3. 冬菇浸軟洗淨,搾乾水去蒂切絲; 白菜或黃芽白洗淨瀝乾。 4. 豬肉絲加入少許粟粉拌勻; 燒熱油鑊爆香蒜蓉,豬肉絲下鑊炒一會。 5. 加入冬菇絲炒勻後灒酒。 6. 加入白菜炒熟後,加入瀝乾的上海年糕片兜勻。 7. 芡汁: 蠔油、糖、粟粉,少許麻油和清水拌勻。 8. 加入芡汁煮滾,略煮一下再兜勻即成。       .... (更多)
  • 菠菜炒雞肝

    2010-03-18 | ♥ V乜鬼小菜

    1. 雞肝沖淨血水瀝乾; 菠菜洗淨瀝乾。 2. 雞肝汆水1分鐘至約三成熟撈起切小塊,用胡椒粉、糖、少許雞粉和麻油拌勻備用。 3. 爆香蒜蓉和薑數片,下雞肝炒一會後灒酒。 4. 下菠菜和辣椒絲炒勻,至雞肝熟透即成。     .... (更多)