隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片
網誌社群
登入
註冊

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼小菜

  • 魚香茄子

    2008-06-13 | ♥ V乜鬼小菜

    1. 茄子2個洗淨，去蒂和切段。燒熱3湯匙油將茄子段炒熟 (炒時可加入少許清水，比較易炒~)，盛起瀝油備用。 2. 免治豬肉用胡椒粉、生抽、紹酒、糖、雞粉少許和粟粉醃好備用。 3. 燒熱油鑊，炒香蒜茸和薑茸，加入免治豬肉炒散後灒酒。 5. 加入魚香醬適量炒勻，茄子回鑊，用生抽、糖和雞粉調味兜勻。 6. 勾芡後灑上蔥花即成。     .... (更多)
    0 回應

  • 鮮蘆筍炒三色蛋

    2008-06-10 | ♥ V乜鬼小菜

    1. 鹹蛋1隻烚熟去殼切角; 皮蛋2隻去殼切角; 雞蛋4隻打勻備用。 2. 調味料: 生抽1茶匙、糖和雞粉各半茶匙、粟粉2茶匙、水1/4 杯、胡椒粉和麻油各少許拌勻。 3. 將鹹蛋角和皮蛋角加入已打好之蛋液內，再加入調味料拌勻備用。 4. 鮮蘆筍約80克 (5至6條~ 視乎大小粗幼)，洗淨放入滾水內烚熟，切粒備用。 5. 燒熱油鑊，下蛋液快手兜炒至蛋液輕微凝固，下鮮蘆筍粒略炒後上碟，灑上少許醬油即成。 P.S. 依個食譜係參考Kannis Yeung 著既食譜"百搭雞蛋Cook 得起"，加入我自己少許改良而成既~~~ .... (更多)
    0 回應

  • 瑤柱蒸水蛋

    2008-04-24 | ♥ V乜鬼小菜

    我係用清雞湯來替清水蒸蛋既~ 慳番調味......... 1. 先將瑤柱或蝦米浸軟，如用瑤柱撕成絲瀝乾備用。 2. 雞蛋數隻打勻，盡量唔好打到出泡! 3. 加入同等份量的清雞湯和已浸軟的瑤柱絲或蝦米拌勻。 4. 隔水大火蒸約8至10分鐘至蛋液凝固取出，淋上豉油熟油 (係熟油~ 唔係滾油!)，洒上蔥花即成。 P.S. 蒸蛋時留意唔好比鑊蓋上既"倒汗水"滴落蛋液之中~ 如果唔係蒸出來唔靚架!!! .... (更多)
    0 回應

  • 蕃茄炒蛋

    2008-04-05 | ♥ V乜鬼小菜

    我既蕃茄炒蛋做法有少少唔同~ 為免炒到太一"pat pat"，我會先將蛋煎至半熟...... 1. 蕃茄4個洗淨切成角; 雞蛋5至6隻用油煎至半熟(穿黃~)，盛起備用。 2. 油鑊爆香拍碎蒜頭，加入蕃茄角炒至開始變稔，然後加入糖2茶匙和茄汁約2湯匙拌勻煮滾。 3. 加入已煎至半熟的雞蛋炒勻，用鹽調味即成。 P.S. 炒好蛋後，我有時會加入罐頭沙甸魚一罐，成為"蕃茄炒蛋沙甸魚"~ .... (更多)
    0 回應

  • 瑤柱扒豆苗 / 瑤柱扒西蘭花

    2008-03-11 | ♥ V乜鬼小菜

    1. 豆苗洗淨瀝乾水，瑤柱浸軟撕碎備用。
    2. 油鑊爆香蒜茸，下豆苗用大火炒熟，用少許鹽和雞粉調味兜勻，取出隔淨水盛上碟。
    3. 芡汁: 水半杯、生抽和蠔油各1湯匙、糖1茶匙、粟粉3/4湯匙、麻油和胡椒粉少許拌勻。
    4. 油鑊爆香薑兩片，加入芡汁和瑤柱絲煮滾至汁稠，淋在豆苗上即成。    變化 - 瑤柱扒西蘭花~ 洗淨洗西蘭花汆水片刻，取出西蘭花過冷河後，煮法同上步驟(2)至(4)即成。    
    .... (更多)
    0 回應

  • 豆角炒火腿

    2008-03-11 | ♥ V乜鬼小菜


    1. 豆角洗淨瀝乾，火腿扒2塊切粗絲備用。
    2. 油鑊爆香蒜茸，下火腿扒絲爆炒一會，加入豆角和水1湯匙炒勻至豆角熟，用少許蠔油調味即成。
      .... (更多)
    0 回應

上一頁

1 ... 34567891011

下一頁