隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼燒味
  • 鹵水拼盤

    2008-10-23 | ♥ V乜鬼燒味

     1. 預備鹵水汁: 鹵水料、生抽、老抽、紹酒、冰糖和水,煲滾後用小火滾15分鐘至材料滲出香味。亦可用現成鹵水汁代替~ 2. 肉類材料如: 牛腱、雞翼 (材料任意~),汆水後放入鹵水汁內,大火回滾後轉小火炆30分鐘。 3. 內臟材料如: 豬脷、豬心,汆水後過冷河,沖淨剩餘滲出的血水並瀝乾; 豬脷要用刀刮去表層厚皮,沖淨瀝乾,放入鹵水汁內炆約30分鐘。 4. 肉類和內臟炆完後,可隨個人喜好或視乎上色程度,熄火後肉類和內臟可繼續浸在鹵水汁更入味 + 上色。 5. 雞蛋烚熟後去殼,待所有肉類和內臟炆好熄火後,才放入鹵水汁浸至上色及入味。因雞蛋已烚熟,如放入鹵水汁來煲,會令蛋黃過熟而變瘀黑。 6. 取出所有材料待涼,切片上碟,食時再煲滾鹵水汁,淋少許在上面即成。 NOTE - 做好的鹵水汁,待涼後存放在乾淨的容器內,再放入雪櫃保存。每星期煮滾一次,重覆待涼和儲存的步驟, .... (更多)
  • 自製燒鴨

    2008-08-15 | ♥ V乜鬼燒味

    1. 鴨1隻(中)去除pat pat 附近的肥膏,洗淨並用廚房紙抹乾內外。 2. 將丁香1茶匙、拍碎蒜頭和八角放入鴨肚內。 3. 五香粉1湯匙、沙薑粉1湯匙、鹽1/2 湯匙、玫瑰露酒少許混合拌勻成醃料,將全部醃料放入鴨肚,用手搽勻整個鴨肚,再用鴨針(圖)將鴨肚縫埋合。 4. 200ml 清水加入同等份量(200ml)的米醋,燒滾後再加入麥芽糖100g 拌勻。 5. 水一定要大滾,淋在整隻鴨上,至鴨表面微黃,將鴨掛起在通風處風乾。(最好過夜!) 6. 預熱焗爐180C 約15分鐘,放入鴨 (鴨胸朝上~),焗約1小時至鴨全熟 + 鴨皮金黃,取出待涼斬件即成。 P.S. 食譜參考咗Mucky Wellingtons Blog http://www.wretch.cc/blog/shar05lee/7864235 + UKTV Food .... (更多)
  • 自製脆皮燒肉

    2008-07-10 | ♥ V乜鬼燒味


    1. 豬腩肉一塊連皮刮毛洗淨後抹乾水份,用燒肉插刺穿豬皮。
    2. 玫瑰露酒、五香粉、沙薑粉、糖和鹽拌勻,用手均勻地抹在整塊豬腩肉上。
    3. 將醃好的豬腩肉放在鋼架上,用食物傘蓋好,放在通風位置風乾最少8小時。(最好過夜!)
    P.S. 天氣太熱既話就要放喺有冷氣既地方風乾!
    4. 用鍚紙包住豬腩肉底部和圍緊四邊,豬皮向上不用覆蓋。
    5. 豬腩肉放在烤架上,放入已預熱的焗爐220C,焗45至55分鐘至豬皮鬆化香脆,取出待涼斬件上碟即成。
     
          .... (更多)
  • 泰式燒豬頸肉

    2008-07-10 | ♥ V乜鬼燒味

    依個係N年前壹週刊搵返來既食譜~ 個人唔太鍾意小茴香既味道! 我又發現網上好多其他泰式燒豬頸肉既食譜 - 係冇用小茴香既 ........而原來食譜個汁完全唔掂 - 一d "泰味"都冇!!!! 所以我自己求其撈咗個汁出來 - 好味過佢果個多多聲!  不過依度比較難買到豬頸肉~ 所以我用普通梅頭肉代替! 但做法一樣...... 1. 豬頸肉洗淨瀝乾,用調味料醃好備用。(最好醃過夜~) 2. 調味料: 黑胡椒粉1茶匙、小茴香粉1茶匙、蜜糖4茶匙、鹽1/4茶匙、蒜茸和薑茸各2茶匙、魚露2湯匙和青檸汁1個拌勻。(調味料既材料 + 份量經我"改善"過! ) 3. 將肉放入預熱焗爐 (200C)內焗20至30分鐘至熟 (一半時間反轉~),取出切片上碟。 4. 沾汁 (自創): 紅辣椒1隻切碎、莞茜1大棵切碎、魚露2湯匙、青檸汁半個、蜜糖1茶 .... (更多)
  • 自製蜜汁叉燒

    2008-06-10 | ♥ V乜鬼燒味

    1. 醃料: 將叉燒醬或海鮮醬4湯匙、生抽3湯匙、玫瑰露半湯匙、紅糖2茶匙、海鹽半茶匙拌勻備用。(份量可隨自己口味調較~) 2. 枚頭肉放入(1)醃料內醃過夜。 3. 先預熱焗爐180C; 焗盆內放清水再放入烤架,將醃好的枚頭肉放在烤架上,先焗20分鐘,反轉再焗20分鐘。 4. 蜜糖1茶匙加清水適量開稀,取出焗好之叉燒,掃上蜜糖水後切件即成。     .... (更多)
  • 玫瑰豉油雞

    2008-04-27 | ♥ V乜鬼燒味

    今次我唔再用李錦記~ 而參考咗網友samchi 媽所提供既自製豉油雞汁食譜 (thanks 啊~),加上自己見解改良咗少少...果然係好食過李錦記多多聲!!!!! 由於我改良過食譜 - 改過吓份量 + 加咗d"玫瑰露酒" - 所以叫玫瑰豉油雞!!!! 所以依家變咗係我自己個食譜嘞!!! 呵呵~~~~~ 1. 豉油雞汁: 水5碗、生抽和老抽各半碗、片糖1又1/2塊、玫瑰露酒1湯匙,薑3片和蔥1條,放入鍋中煮滾備用。 2. 雞洗淨瀝乾,放入煮好之豉油雞汁內煮至回滾,煮5至10分鐘後熄火,再浸20分鐘 3. 取出斬待涼斬件即成。 P.S. 將剩下之豉油雞汁煲滾,存於清潔的樽內放入雪櫃,可再次使用數次。       .... (更多)