隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼海鮮
  • 薑蔥白灼鮮魷

    2015-10-30 | ♥ V乜鬼海鮮

    原汁原味白灼原隻韓國急凍大魷魚,
    只以蔥絲、薑絲、熟油 + 生抽帶出魷魚既鮮甜味! Yum~
    最近喺中超見到依種韓國入口急凍大魷魚..........
    足足35cm 咁長! @@ 每隻大約325g~
    1. 大魷魚1隻(約320g)解凍; 鍋中注入清水,加入薑片和紹興酒煮滾。
    2. 魷魚放入滾水中,待水回滾後開始計時繼續煮10分鐘。
    3. 預備大量蔥絲和薑絲; 紅辣椒切片(optional)。
    4. 撈起魷魚去掉骨、眼和內臟及切成圈,魷魚鬚切開。
    5. 魷魚上碟,鋪上蔥絲、薑絲和辣椒粒。
    6. 淋上燒滾的油和生抽即成。
    .... (更多)
  • 蘇太柑桔滿堂醬荷蘭豆炒蝦球

    2015-09-13 | ♥ V乜鬼海鮮

    英國既中國超市並非只賣中式食品調味料,日韓星馬泰越印既產品...都有!
    所以每次見到有來自香港既新貨品,阿V就會特別覺得有親切感,
    仲會仆到去買來試...事關唔知件貨只係one off 定長期都有得賣.......
    返香港前發現泗和行入咗咋蘇太名醬,記得上年返香港時喺City Super 見過,
    即時買咗一樽柑桔滿堂醬 + 一樽秘製川椒醬~ 今次用咗柑桔滿堂醬.......
    所謂"柑桔滿堂"...材料有欖角、蒜頭、乾蔥、柑桔、指天椒 + 陳皮,
    真係齋睇材料都覺得惹味~~~ ^^
    1. 大蝦開背挑出沙線,抹乾水份,用胡椒粉、紹興酒、少許鹽和粟粉抓勻備用。
    2. 荷蘭豆撕去筋,洗淨瀝乾備用。
    3. 燒熱油鑊爆香拍扁蒜頭,下大蝦快炒至開始變色。
    4. 加入荷蘭豆炒勻,灒少許紹興酒,下少許糖調味。
    5. 最後下適量蘇太柑桔滿堂醬兜 .... (更多)
  • 西芹海蓬子炒蝦球

    2015-05-08 | ♥ V乜鬼海鮮

    好耐無見過有海蓬子賣嘞! ^^
    之前喺Asda 買過海蓬子來炒蛋(食譜),不過洋人唔多鍾意試新野,
    可能唔係好受歡迎,已經好耐無賣......
    今次比我喺Waitrose 再見到,貴價超市確係唔同d!
    Asda 果d trim 得唔乾淨,食落有點硬梗; 
    Waitrose 既trim 得乾乾淨淨,洗吓就食得,價錢貴少少都值得~
    1. 大蝦開背挑出沙線,抹乾水份,用胡椒粉、紹興酒、少許鹽和粟粉抓勻備用。
    2. 西芹洗淨抹乾,打直切半後再切成菱形備用; 紅蘿蔔花數片(optional)。
    3. 海蓬子適量,略洗後用廚房紙抹乾備用。
    4. 燒熱油鑊爆香薑片和拍扁蒜頭,下大蝦快炒至變色。
    5. 再下西芹和紅蘿蔔花炒勻後灒紹興酒,以少許糖調味,最後下海蓬子略略兜勻,上碟即成。
    海蓬子,英文名Samphire,又名海人參、 .... (更多)
  • 泰國 - 泰式香辣蕃茄魚煲

    2015-03-31 | ♥ V乜鬼海鮮

    舊年年尾買咗隻Denby 上火碟,足足4個月先攞來開光用來整魚煲....... =P
    1. 鮮魚1條 - 基本上你鍾意咩魚都可以! 最好係厚肉少骨e.g. 烏頭或鱸魚,我今次用咗生猛游水福壽魚(即台灣既吳郭魚)。
    2. 黃芽白洗淨瀝乾及切塊; 大蕃茄2個,每個一開六切開。
    3. 香茅2枝切小段後略拍; 指天椒3隻切粒; 蔥2條切段。
    4. 黃芽白先鋪在上火碟底,再加入(2) + (3)其餘材料、清雞湯約600ml、青檸汁1.5個和糖2.5湯匙,煮滾後試味。
    5. 湯煮滾後放入鮮魚,灑上莞茜,煮至魚熟透即成。
    6. 魚沾上辣椒蒜蓉魚露同食。
    (指天椒切粒、蒜蓉、乾蔥蓉、魚露、熱水 + 糖,全部材料拌勻後試味)
    湯底酸酸甜甜辣辣好惹味! 一邊滾一邊可加入其他食材~ ^^
    .... (更多)
  • 香煎巨型大鬼蝦

    2015-01-04 | ♥ V乜鬼海鮮

    越新鮮既海鮮,以最簡單既方法去烹調,就最能食出海鮮獨特既鮮甜味! ^^
    N年前阿V喺巴黎一間百貨公司超市第一次見到依種巨型大蝦,由於長度粗度都有返咁上下,自此我一直叫佢做"BB手臂蝦"~
    近年間中見中超海鮮檔有得賣,得知依種巨型蝦有個好盞鬼既名叫做"大鬼蝦",不過因為價錢都有返咁上下,阿V一直唔捨得買來食......
    洋人新年又比我喺海鮮檔見到佢地...新年應該食好d既! 買咗2隻,2隻都足足28cm,承惠£13~
    1. 大蝦洗淨,用較剪剪去頭尖部份和蝦腳,切開一半,用牙籤挑去黑腸,用廚房紙抹乾水份備用。
    2. 燒熱平底鑊煮溶牛油,放入大蝦(殼向上),以中火煎1分鐘至殼邊變紅。
    3. 反轉大蝦(殼向下)。
    4. 用鍚紙蓋著平底鑊繼續以中火煎2分鐘。
    5. 盛起上碟,灑上少許*香草花海鹽(或普通海鹽)即成。
    依隻香草花海鹽除咗顏色繽紛之外 .... (更多)
  • 打拋辣醬炒鮮魷

    2014-12-17 | ♥ V乜鬼海鮮

    打拋又名甲拋或金不換,英文Thai Basil / Sweet Basil~
    顏色較一般普通basil (羅勒)深綠;
    用於沖製飲品既蘭香子就係Sweet Basil 既種子來嘞! ^^
    泰菜有一道叫"打拋豬肉",主要材料有依種打拋辣醬(金不換辣醬)~
    但其實依隻辣醬同海鮮都合夾架!
    1. 鮮魷去衣去腸臟洗淨,劏開攤平,在肚的一面打斜界花及切塊,用少許紹興酒抓勻略醃。
    2. 青椒和紅椒切塊備用; 預備薑片和拍扁蒜頭。
    3. 煮滾一大鍋水,魷魚塊汆水至捲起,撈起瀝乾備用。 
    (如果你界花方法正確,魷魚塊一下滾水就會即時捲起!)
    4. 燒熱油鑊爆香薑片和蒜頭,下青椒紅椒炒一會。
    5. 加入(3)的魷魚塊和打拋辣醬,下糖和少許魚露調味,快手炒勻即成。
    .... (更多)

上一頁

1 ... 2345 ... 17

下一頁