隱藏
保存
取消

網誌標題

介紹

主題顏色

  • 士多啤梨蛋糕
  • 西西里披薩
  • 薄荷朱古力
  • 摩卡星冰樂
  • 迷迭香麵包
  • 山莓雪糕

背景圖

上傳相片

封面圖

上傳相片

社交網

自訂圖片

  • 上傳相片
  • 上傳相片
  • 上傳相片

La Cuisine De Veronica
加為朋友

Hunger is the best seasoning~ ♥
    網誌類別: ♥ V乜鬼牛羊
  • 沙茶菠菜炒羊肉

    2015-11-10 | ♥ V乜鬼牛羊

    簡單快手,非常惹味好送飯又營養豐富既一道菜~ ^^
    1. 菠菜洗淨瀝乾,切成段備用。
    2. 羊柳切薄片,用胡椒粉、糖、生抽、少許麻油和清水撈勻醃最少1小時。
    3. 燒熱油鑊爆香薑絲和拍碎的蒜頭,(2)的羊肉下少許粟粉撈勻後,下鑊爆炒至開始變金黃色。
    4. 灒少許紹興酒,下蠔油和糖調味炒勻。
    5. 將羊肉撥在鑊的一邊騰出空位,下適量沙茶醬炒香後,再和羊肉一同炒勻。
    6. 下菠菜快手和羊肉兜勻即成。(菠菜炒至開始放軟就可以上碟,不用炒得太熟!)
    .... (更多)
  • 孜然炒羊肉

    2015-02-09 | ♥ V乜鬼牛羊


    1. 羊冧肉(Lamb Rump)約300g 切片,用糖、生抽和孜然粉適量醃最少1小時。
    2. 西芹2條洗淨抹乾,打直切半後再切成菱形備用。
    3. 乾蔥頭4粒去皮切半; 蔥2條切段; 紅辣椒1隻切片; 薑3片和拍扁蒜頭3粒備用。
    4. 燒熱油鑊,下薑片、蒜頭和乾蔥頭爆香至金黃。
    5. 下(1)的羊冧肉炒至八成熟灒紹興酒。
    6. 加入西芹、蔥段和紅辣椒片,再下少許生抽調味炒勻,上碟即成。
    .... (更多)
  • 蕃茄免治牛肉炒蛋

    2013-07-29 | ♥ V乜鬼牛羊


    1. 免治牛肉約120g,用胡椒粉、糖、生抽、紹酒、少許雞粉、粟粉和水拌勻醃好備用。
    2. 蕃茄2個洗淨抺乾,切角備用。
    3. 雞蛋4隻弄穿蛋黃煎熟,盛起備用。
    4. 燒熱油鑊,下免治牛肉炒散灒紹酒,炒至約八成熟盛起。
    5. 原鑊再下少許油爆香拍扁蒜頭數粒,下蕃茄角爆至開始變稔。
    6. 下糖、茄汁和少許兜勻煮滾,雞蛋和免治牛肉回鑊。
    7. 用鑊剷將雞蛋切成塊,下少許海鹽調味全部材料兜勻炒熟,上碟即成。
    .... (更多)
  • 鹹酸菜炒牛肉

    2013-07-08 | ♥ V乜鬼牛羊


    損友睇完某套戲,
    同我講話想返香港,順道去大陸試試"牛歡喜".......
    我同損友講: "牛歡喜"洗乜上大陸食? 香港都有得食!
    仲有要預埋我.......因為我都想試!!
    In the meantime,炒碟"假牛歡喜"來頂住檔先! 哈哈~~~~
    1. 牛肉眼切薄片,用胡椒粉、生抽、糖、雞粉、麻油、少許清水和粟粉撈勻醃最少30分鐘。
    2. 鹹酸菜用清水浸20分鐘,沖淨搾乾水份,切小塊備用。
    3. 青紅椒切絲; 預備薑片、蒜蓉和蔥段。
    4. 燒熱白鑊,下鹹酸菜炒至乾身,盛起備用。
    5. 下油燒熱鑊,爆香薑片和蒜蓉,下牛肉炒至7成熟灒紹興酒。
    6. 鹹酸菜回鑊,下糖調味炒勻,再下青紅椒絲和蔥段兜勻。
    7. 勾粟粉芡,上碟即成。
    .... (更多)
  • Reindeer Steak Diane 戴安馴鹿扒

    2013-04-26 | ♥ V乜鬼牛羊


    早在聖誕期間見到英國某超市有急凍馴鹿扒賣,
    (即係幫聖誕老人拉車d0靚! )
    當時已經好想試吓~ 不過賢妻嫌太貴唔捨得買.......
    早幾日再去依間超市入鹹豬手,
    見到馴鹿扒半價,承機入2盒試吓!
    因為未食過更加無煮過,
    我怕會有好大陣game味(野味味),
    所以煮前參考咗好多唔同食譜!
    芬蘭人好常食用馴鹿肉,常以juniper berries (杜松子)作調味~
    我未食過杜松子,不過超市有得賣,
    聞起上來有陣較胡椒粒更強既"胡椒味".......
    見網上好多人對馴鹿肉食味意見眾說紛云,
    有人話好正; 有人話好難食;
    有人話似牛肉; 但又有人話好大陣味........
    連煮法都好多種,有人調味好重手; 有人調味好輕手........
    既然係咁......我最後決定都係 .... (更多)
  • Leftover Shepherd's Pie (英式牧羊人批)

    2013-04-04 | ♥ V乜鬼牛羊


    Leftover Shepherd's Pie - 顧名思義係剩菜羊肉來做既~
    復活節食剩既燒羊腿肉來做依個就啱哂!
    1. 預熱焗爐190C。
    2. 吃剩的燒羊腿約600g切成丁。(剁幾碎隨自己喜好!)
    3. 洋蔥和紅蘿蔔各1個切丁備用。
    4. 薯仔2-3個去皮切丁,放入滾水中煮10至15分鐘至熟,瀝去水份,加入牛油、牛奶、海鹽和黑胡椒搗成蓉,放涼備用。
    5. 鍋中燒熱油,下洋蔥和紅蘿蔔,以中小火慢慢炒至變軟。
    6. 下(2)的羊腿肉丁和蔬菜兜勻; 再下3湯匙麵粉兜勻。
    7. 下Tomato Puree 3湯匙、李派林喼汁1.5湯匙、牛肉清湯400ml和紅酒120ml拌勻煮滾。
    8. 蓋上鍋蓋轉小火煮15至20分鐘。
    9. 將(8)放入焗盆內。
    10. 將(4)的薯仔蓉放入唧袋內,在(9)上唧出花紋薯仔蓉 .... (更多)

上一頁

123456

下一頁