CATCH - 高貴炸魚薯條 (2016年5月18日)

La Cuisine De Veronica
加為朋友

Hunger is the best seasoning~ ♥

CATCH - 高貴炸魚薯條 (2016年5月18日)

CATCH - 高貴炸魚薯條 (2016年5月18日)

CATCH - 高貴炸魚薯條 (2016年5月18日)

點煮網贊助

CATCH - 高貴炸魚薯條 (2016年5月18日)

2016-05-23 |

最近越來越少煮飯,因為我越來越唔企得耐,
而且我有咗BB後經常打爛野.......已經打爛咗好多碗 + 杯~ =P

因為要食得定時,又要少食多餐,成日只煮少少都真係好鬼麻煩!
咁又唔係完全無煮既,只係少咗煮 + 好常出街食~
有咗BB依大半年試咗唔少新餐廳,不過都無一一紀錄......
今日心血來潮就寫一篇我最愛既seafood 啦! ^^


話說早排99生日,姑仔帶佢去食fish & chips,99食完後讚口不絶!
炸魚薯條有咩咁特別呀?


仲竟然係米芝蓮推介!!?!?!
Well...阿V一向唔多buy 米唔米芝蓮依家野,
尤其係佢地評中菜,我更加覺得只係得啖笑! 不過佢地評西方食物都OK既~
但始終我都係覺得 - 只要自己鍾意食,理得佢米唔米芝蓮!


咁CATCH 同一般fish & chips 有咩分別呢?

首先,如果你唔係買外賣帶走的話,你最好先訂枱;

第二,推門入到去,當然裝修比普通炸魚薯條店靚好多~
一邊係客人座位,另一邊係一大排開放式油煲,店員不停炸緊薯條或魚,
不過好神奇地客人座位 + 大排油煲之一條飛機走廊咁上下之隔,
但你係完全聞唔到炸魚薯條店正常會有既油煙味! 可想而知通風系統做得好好!

第三,你打開餐牌之後,除咗見到£11一份既炸魚薯條之外,
你仲會發現有龍蝦、帶子、大蝦、龍脷魚...依類普通炸魚薯條店無既高價海鮮.......
你就會恍然大悟 - 其實依間根本唔係炸魚薯條店,而係一間有炸魚薯條賣既海鮮餐廳!

可能你會覺得: 唓~ £11一份炸魚薯條唔係好貴啫! 香港閒閒地百幾蚊一份啦......
但請你記住 - fish & chips 係英國最大眾化最普遍既street food,
喺英國平均£6 - £7已經有一份,唔係人人肯比£11既!


坦白講,£11食炸魚薯條我地唔會囉!
既然有其他海鮮,咁緊係點其他野啦...雖然我地點既仲貴過£11~ XDDD


我既頭盆 - CATCH Fishcakes with Lemon Mayo
食過好多fishcakes 都係薯蓉多過乜,不過依份竟然係掉轉!
真材實料勁多魚肉,幾乎完全食唔到有薯仔,而且仲係幾種魚肉混合,
就算無蛋黃醬,齋唧檸檬汁都已經好好食! 讚~


Mr.T 既頭盆 - Cullen Skink (蘇格蘭煙魚濃湯)
依個有點失望! 雖然魚肉超多 + 好新鮮,不過就稀了了完全唔夠香濃,
食過好多其他海鮮餐廳比CATCH 做得好~


我既主菜 - Grilled Whole Lemon Sole
由於我仲未卸貨,所以今次忍痛唔點龍蝦,咁食魚啦!
雖然唔係點炸魚,但原來每道主菜都會配一份薯條 + 沙律~
原條烤新鮮龍脷肉質嫩滑,簡簡單單香草檸檬汁牛油已經好好味! ^^


Mr.T 主菜 - Mac "N" Cheese with Lobster
我暫時唔食得龍蝦啫,但Mr.T 食得嘛! 不過阿V都忍唔住黐咗一啖 =P
其實依個出街食一定唔抵,因為自己一定整到! 等我卸咗貨後一定來個老翻!


其實自從阿V大肚後,食量已大不如前,但Mr.T 仍然多口鍾意點多d野!
少咗我個黑洞胃,就當然食唔哂啦........
不過依個洋蔥圈又確係幾好食喎! 佢用既batter 唔係一般洋蔥圈batter,
而係類似天婦羅果種好light 得來又食得出有調味既batter...好食!


天花有句slogan "Tomorrow's fish are in the sea"~
意思係話佢地d魚新鮮到,聽日賣既魚,今日仲喺海裡面! XDDD

我 + Mr.T 都認同CATCH 既海鮮非常新鮮,以一間海鮮餐廳既角度合格以上~
不過可能佢地想走高級 + 健康路線,若作為一間fish & chips 來睇,
薯條完全唔合格! 佢地強調"炸兩次"既薯條,唔香兼唔脆亦唔金黃白哂哂,
估計佢地用健康油 + 經常換走舊油...始終好多時健康 + 美味係唔可以共存既!

作為一間海鮮餐廳尚算高分,不過我 + Mr.T 都認為,好~ 但又唔係最好!
我地試過其他海鮮餐廳比佢更好~
作為炸魚薯條,薯條部份唔合格,而且價錢貴,所以我地將來未必會再幫襯.......

http://catchfishandchips.co.uk





點煮網贊助

回應

loading
點煮網贊助

CATCH - 高貴炸魚薯條 (2016年5月18日)