明天仍要繼續...敗~

La Cuisine De Veronica
加為朋友

Hunger is the best seasoning~ ♥

明天仍要繼續...敗~

明天仍要繼續...敗~

明天仍要繼續...敗~

點煮網贊助

明天仍要繼續...敗~

2016-05-03 |

一邊整理緊屋企唔要既立雜野...但一邊買BB野又買自己野......
結果d野好似完全無少到! XDDD

一向好少用細手袋,我大部份手袋都係大大隻既tote,
貪方便唔洗執乜都掉哂入去就出得街~
不過依隻"inspired by"某名牌子款式既玩野品牌膠手袋確實係幾靚,
價錢又平幾舊水,抵玩! ^^


4月頭透過FB代購order 咗,Paypal 過完數後隔日就快手出貨!
袋既價錢已埋包順豐送香港; 如果郵寄英國的話,郵費係超過半個袋既價錢.....
阿V咁孤寒就緊係唔制啦! 順豐咗V媽媽處,反正姑仔當時返香港一星期,
回英時可以幫我帶返來! 依嘻嘻~~~~


殊不知姑仔一返到來英國就同未婚夫去咗西班牙旅行! 等到4月尾先攞到個袋!!
一攞上手都未打開個盒我忍唔住哇一聲...原來依個袋都幾重!
未放野齋袋都900g+ @@ 不過唔緊要啦~ 反正個袋咁細都唔會放到好多野!


我不是冒牌! 雖然只幾舊水貨仔,但用料手工都好好,幾百蚊好抵玩呢~ ^^


有朋友都買咗依個手袋,佢話係佢個落雨天專用袋來! LOL
阿V第一日揹出街落過陣小雨,果然相當防水! 讚~


英國3月尾已經轉咗夏令時間,天氣慢慢開始暖,可以開始著鞋唔著襪~
雖然阿V已經有超多鞋,不過依對實在好舒服...... =P


已經29w 個肚好大行動有點笨拙,除咗少咗躝街之外,
雖然出入有Mr.T 車我,但出街時手袋都盡量帶少d野~ 
而我發現我手袋裡面最有份量既係我個相機!!

但我出街又鍾意影相喎...尤其係食野既時候,依個時候唯有用手機影啦......
不過喺一d唔夠光既地方e.g. 懶有情調既餐廳,通常用手機好難影到靚相,
如果用手機閃燈多數都會太光...甚至反哂光!
依個時候依個野就大派用場了~~~~~ ^^


手機用既LED燈~ 你鍾意夾喺邊個位都得,有2個唔同光度,
叉滿電既話用第一個光度已經好夠照! USB叉電,又輕又細,唔容易跌壞跌爛~


一向好想要一個類似Cath Kidston 既針黹工具箱,
不過CK一係太貴,一係個款/間格/大小唔啱我心水........


都話咗刻意去搵一樣野通常唔會搵到啱心水! 唔去搵就比我撞到又平又靚~ ^^


早前無意中睇到咋YouTube video 好多人step by step 咁教基本鉤針編織,
睇落一d都唔難,其中一個教學仲話佢以前都係睇YouTube 自學呢!
攪到阿V心思思又想自學埋一份,即時上網order 咗套22枝鉤針 ^^


連冷都買埋隨時可以開工! 睇到全部都係粉色就知我想鉤BB野啦...希望會成功啦! ^^


唔知係咪潛意識想買新野? 最近成日唔小心整爛野...... =P

之前都有一對差唔多款既字母咖啡杯,不過舊年年尾Mr.T 用凍水洗完佢隻A字,
即刻走去沖茶,隻A字個底即裂~~~~~ 剩返隻V字一直配唔返......
早輪比我見到依款,不過因為同之前果隻字體唔一樣,索性買過對新既! ^^


某日下午我口痕用竹蒸籠蒸幾隻急凍高麗菜齋包做下午茶,
因為只蒸10分鐘,所以費事開Miele 啦...點知蒸到最後1分鐘,
個蒸籠蓋慢慢自我毁滅成個散哂...... =_="
依個蒸籠我買咗10年+,但用就應該唔過20次,
後來我發現原來係我買咗返來後無處理好,
買返來後應該要先浸水再齋蒸吓個蒸籠,咁先會襟用........


手快買返個新既返來! 今次一定要做足功夫~ ^^


有一晚Mr.T 開焗爐整野比我食,但佢撻錯咗其中一個hotplate 爐頭!!
兩個叠埋一齊既爐頭蓋、一個LOQI 環保袋、
環保袋裡面一盒新買既得力素葡萄糖粉因此報銷,
個爐頭仲燒到黑忟忟省餐死! (唉~) 咁整爛我d野就緊係要賠啦.......

爐頭蓋依家野,燒燶2個就要賠返成套4個!


至於環保袋,我今次買咗另一個牌子,依個d公仔勁cute~


同爛咗果個LOQI一樣 - 依個一樣可以放20kg 重既野! ^^


不過依個牌子無外袋,要咁樣捲埋~ 但最緊要方便帶出街啫! ^^


依個唔關Mr.T 事! 純粹係我自己想買~ =P
我對量杯既要求係 - 一個杯要有齊多個不同容量單位e.g. 毫升、安士、品脫、杯...etc,仲要唔可以太大隻 + 阻訂!

其實我唔介意用膠量杯,不過膠既實在唔襟用,用得上一段日子刻度會變糊睇唔清楚!
有考慮過Pyrex 玻璃量杯,但容量單位唔符合我要求,而且好鬼重......
依隻超市貨仔就完全啱哂我心水嘞! 同一隻水杯差唔多大小重量兼多單位~ ^^





點煮網贊助

回應

loading
點煮網贊助

明天仍要繼續...敗~