繼蛇蟲鼠蟻...蜂蛹蠍子和味龍...之後

La Cuisine De Veronica
加為朋友

Hunger is the best seasoning~ ♥

繼蛇蟲鼠蟻...蜂蛹蠍子和味龍...之後

繼蛇蟲鼠蟻...蜂蛹蠍子和味龍...之後

繼蛇蟲鼠蟻...蜂蛹蠍子和味龍...之後

點煮網贊助

繼蛇蟲鼠蟻...蜂蛹蠍子和味龍...之後

2015-09-22 |

好多人都知道阿V + Mr.T 鍾意試另類食物 (當然一定要合法既!)
蛇、蜂蛹(昆蟲即係蟲啦)、鼠依d一早已試過 (網誌); 
之後又試咗蠍子、和味龍、竹蟲 (網誌)......


再之後連蟻都試埋! 係時候升呢挑戰一下極限嘞!!


網上order 咗4款昆蟲零食,今次依4款我 + Mr.T 都未試過........


想試好耐好耐既蠶蛹~ 
當年同V媽媽遊首爾,見到好多人渣住一杯杯拮來食已經好想試,
可惜同V媽媽一齊,佢係唔會比我食依d野既.......


今次得償所願,雖然係乾品,不過味道nutty 真係幾好味呢!
稍嫌細粒咗d,打算再order 韓國既蠶蛹罐頭~ ^^


另一種我想試好耐既碩莪蟲,之前睇電視介紹過生猛既,個樣都幾嚇得人,
想像到咬落去仲會爆漿,唔知點解我覺得味道會似肥豬肉 LOL


乾品已經變到乾爭爭,賣相無乜改善,但已無哂肉肉既質感,
不過味道鹹鹹香香都幾好味~ 希望將來有機會試新鮮生猛既碩莪蟲啦! ^^


依個係bonus 來! 一直唔知道原來昆蟲寵物界既大阿哥獨角仙都會有人食......


個樣好靚...不過味道實在令人太後悔! 真係好難食!!!!!!!!!!!!!


阿V食蟲都叫做有d資歷,從未試過"0趙"到一半想累出來!
獨角仙係第一次唔想吞落肚...Yuck~~~~~


主角出場嘞...登登登凳 - Tarantula 大蘭多毒蜘蛛~~~~~~~


先來一個close up...其實阿V好怕蜘蛛,間中見到d屎咁大隻都會嚇到尖叫!
雖然依隻死咗,不過想像到佢在生時有幾大隻,就咁望住其實都有d怯.........

記得以前睇紀錄片,d土人喺森林活捉依種大蜘蛛,用大塊樹葉包住用火煨熟,
熟咗後去毛然後食腳裡面既肉,形容似蝦蟹既味道,再搣開蜘蛛個大蘿柚,
裡面充滿白色既"膏"(?)...土人邊食邊讚,最後用大蜘蛛既毒牙當牙簽撩牙,
睇到阿V流哂口水~~~~~~


預咗乾品同土人煨生猛蜘蛛好有分別! d腳仍然有大咋毛...可照食~


至於味道方面.......
藍色既前半身,同蜘蛛腳口感味道一樣 - 乾到脆卜卜,只有類似蝦蟹既香味但淡而無味;
紅色既下半身唔脆,口感 + 香味有點似菱角,仲有少少鹹鹹地,幾好味~

我知道柬埔寨有小販販賣生猛炸蜘蛛,
都係果句 - 希望將來有機會試一下生猛! ^^




點煮網贊助

回應

loading
點煮網贊助

繼蛇蟲鼠蟻...蜂蛹蠍子和味龍...之後