幸福滿載

La Cuisine De Veronica
加為朋友

Hunger is the best seasoning~ ♥

幸福滿載

幸福滿載

幸福滿載

點煮網贊助

幸福滿載

2015-09-02 |

每次返親香港,阿V必定滿載而歸,除咗因為我喺香港期間喪買之外,
仲有好多好鍚我既人送禮物比我幫手塞爆我個喼 XDDDD


依個鑽石鏈墜係V媽媽送既......


一年前烏龍既V媽媽帶住依個鏈墜,突然發現成條鏈唔見咗,
佢去返當日所有去過既地方搵過都搵唔到,當佢唸住放棄唔再搵既時候,
突然見到隱閉處bling 光一閃...竟然搵得返個鏈墜!! 不過條鏈就離奇失蹤......


今次返香港,V媽媽將依個曾經失而復得既鏈墜送咗比我......


不過V媽媽話我原本帶緊果條鏈唔夠secure,於是帶我去相熟珠寶店,
送我一條新白金頸鏈.......


去到珠寶店,V媽媽又送埋依對碎石耳環比我~


一位auntie 送我一盒叫做"地漿水"既韓國面霜,阿V孤陋寡聞聽都未聽過 =P

根據維基所講......
地漿水是一種傳統中藥成份,其製作方法是掘地三尺左右,
在黃土層里注入新汲的水,攪混,等澄清後取出的水就是地漿水。
地漿水性寒味甘,據《本草綱目》記載: 地漿解中毒煩悶,
解一切魚肉果菜藥物諸菌毒,及蟲蜞入腹,中暍卒死者。
據說還可用來治療跌打損傷以及食物相剋中毒~
(功效勁到好神奇! @@ 只係爭在未起死回生啫.......)


第一次用對我來講感覺有少少太潤! 
之後減少份量 + 搽完10零分鐘後吸收哂,都唔錯唔會立~


6月25日去機場接Mr.T 之前,約咗Mami 阿四Shirley 喺花園餐廳把扒談心 ^^


阿四送我一份重量級大禮! 有食既、有用既、有玩既、有扮靚靚既,連我d鼠鼠都有份~


好鍾意依個鴨鴨鏡頭蓋 可愛 + 低B,附合哂我既喜好 + 性格 XDDDD


蘇太既素菇醬,好香又好味,用來撈麵好正~ ^^


阿四去完泰國旅行後,我地再相約茶聚,又送我一咋手信.......


舊年啱啱喺香港返到來英國,就喺Francfranc 官網見到依套豬豬茶壺 + 咖啡杯,
揼心口揼咗足足一年......完全無唸過今年仍然有得賣,仲要清貨大減價!!!!


阿四某日喺Francfranc 血拼完,佢知道我鍾意豬豬,
即時影咗依個豬茶壺whatsapp 報料過我知......


佢怕我無時間去買 / 賣哂,仲特登返轉頭幫我買,一壺一杯,又唔肯收返我錢......


阿四送我既Pikachu 防蚊手環; 艾莉送我既羊毛墊波波工具 + cute cute 花邊帶~


雖然今年台灣既林家歐巴桑Gaile 無來香港見面,不過佢都越洋寄我一份禮物.......


花咗2小時26分鐘砌好既台北101 ^^


Andrea 百忙中抽時間約我食早餐見面........


手工精緻又好可愛既手工黏土花


仲有Gloria 送我既Francfranc 甜品模 ^^

每一份禮物我都好鍾意,
但我最鍾意既係禮物背後果份滿滿既愛~ 




點煮網贊助

回應

loading
點煮網贊助

幸福滿載