火腿國南部Malaga 曬到燶之旅2015: Day 2 (4月21日) Part 1

La Cuisine De Veronica
加為朋友

Hunger is the best seasoning~ ♥

火腿國南部Malaga 曬到燶之旅2015: Day 2 (4月21日) Part 1

火腿國南部Malaga 曬到燶之旅2015: Day 2 (4月21日) Part 1

火腿國南部Malaga 曬到燶之旅2015: Day 2 (4月21日) Part 1

點煮網贊助

火腿國南部Malaga 曬到燶之旅2015: Day 2 (4月21日) Part 1

2015-05-20 |

無論酒店張床幾大幾舒服都好,阿V總係唔習慣喺陌生地方瞓陌生既床!
是日尚未夠鐘食早餐,日出前阿V就醒咗去洗手間,
去完洗手間望出大露台見晨曦雲彩,即時立相機影返幾張~


天濛光氣溫得10C以下凍凍地,捐返入被竇篤咗一陣電話,無幾耐就見到日出嘞! ^^


彈起身梳洗過後落去酒店餐廳食自助早餐~ =P


任食助早餐選擇好多! 蛋都有3種~ 肉類有凍有熱(d煙肉勁正! )
仲有新鮮熱辣西班牙油炸鬼 - Churros~


天氣好好啊! ^^ 食完早餐返上房攞手袋...準備向市集出發~~~~~~


由酒店行去市集大約20分鐘,天氣咁好,而且市集仲未夠鐘開檔,
我 + Mr.T 慢慢行過去.......


沿途我發現Fuengirola 同羅馬一樣 - 周街都種滿哂橙樹!


樹上結滿密密麻麻既大橙,有好多樹上過熟跌落行人路或跌出馬路,比車碌到爛哂........


是日係星期二,Fuengirola 位於Recinto Ferial 既星期二市集非常出名,
係太陽海岸地區最大規模既跳蚤市場!


時間啱啱好,無遲又無早!


市集啱啱開,好多檔仲擺緊貨出來未完全準備好,暫時遊客稀少........


賣衫賣鞋賣玩具賣手袋既...我一律都無興趣! 因為女人街貨式味濃.........


我有興趣既緊係依d啦...........
充滿西班牙特色既廚具餐具,花多眼亂啊~~~~~


我既婆仔性格真係累事! 市集好大有好多依類廚具檔攤,
我一心唸住行哂成個市集,睇吓邊檔最靚先幫襯.........

不過越行...遊人開始越多........


越來越多人,加上市集又大...最後想回頭搵返之前想買野既檔攤......蕩失路搵唔返!


唔知點解Fuengirola 好興依樣野...火機、開瓶器、就咁一碌既裝飾品......
塑膠、軟膠、木、有花紋、色彩繽紛,任君選擇........ =_="


市集有一邊係賣新鮮蔬菜水果.........


雖然我對水果麻麻地,不過我到1歐元1kg 紅卜卜半隻手板咁大粒既士多啤梨(右),
我都興奮到哇哇聲! XDDDD


乾淨整齊,水果蔬菜都係最新鮮!
令我唸起英國Birmingham Bullring Outdoor Market
不過依度種類 + 選擇都多好多,新鮮好多!!


見到BB仔頭咁大,紅如紅寶石既石榴,即時流哂口水~~~~~~


原來Mr.T 未食過石榴! 咁就買一隻啦...肥佬老闆行埋去檔攤後面磅隻石榴......
€5.86 ($52HKD)!!!!!!! 我絶對相信佢搵我地笨,因為我地係遊客(好明顯係!)


仲有當然唔少得西班牙出名既橄欖........


同埋香料啦! 不過我兩樣都無買,因為英國有大把~ =P


接近中午時份,市集越來越多人,天氣越來越熱,我地越來越肚餓 + 頸渴!
雖然搵唔返之前既我鍾意既廚具檔,但我都有少少收穫........

好鬼死重既具型魚魚碟 (好彩有Mr.T 喺度! ^^)


依塊唔係口水肩! 而係一塊火腿布~


係咁用既! ^^


打道回酒店先放低隻巨型魚魚碟.......

途經一個類似屋苑既休憩處,見到有個阿伯一路篤手機一路做gym! @@


唔止阿伯玩緊既踩單車,仲有其他gym 器材.......


我忍唔住又玩埋一份露天gym! XDDDD


不過我發現依咋野無乜料到! 同真既gym 分別好大!!
Mr.T 不停催我走: 妳唔係好肚餓咩? 以前比哂錢入哂會妳又唔做.......


天氣越晏越熱...行到返酒店一身汗又勁肚餓...放低野我換咗條裙後咋咋淋去醫肚!
酒店對面過條馬路就有一咋酒吧餐廳........


我地求其揀咗一間Bar Freiduria Fran~


好有大排檔風味呢! ^^


喺Fuengirola 既第三餐我地終於figure out - 你去任何餐廳一坐低,無論你有無點橄欖麵包都好,佢地都會自動奉上! 你掂都唔掂無食既話,佢地埋單時就會扣返唔洗比~
不過我地好肚餓...而且佢地d麵包都係熱辣辣,橄欖又好好味! =P


等食無聊同麻雀仔分甘同味.......


依咋雀仔應該喺度蒲慣,完全唔驚人又老實不客氣 XDDDD


終於有野食! 依餐都係專攻海鮮~


海鮮湯魚肉貝類好足料,不過湯底稍淡唔夠濃~


依種蜆仔雖然細細粒,不過異常鮮甜!


炸魚塊...魚肉大大舊,粉漿薄又脆,唔會搶走魚肉既鮮味! 好食~


炸小龍脷魚...咪睇佢地細細條呀,其實好好肉地架!

依餐本來仲點咗一碟野(唔記得係乜......),不過我地食哂以上果咋野,
果碟野仲未上菜! 好明顯條友漏咗單........




點煮網贊助

回應

loading
點煮網贊助

火腿國南部Malaga 曬到燶之旅2015: Day 2 (4月21日) Part 1