點煮網贊助
淮山杞子花膠粟米煲鵪鶉 (先蒸後浸發花膠方法)
2015-02-16 | ♥ V乜鬼湯水
以前一直用熱水焗既方法來發花膠，雖然可以發得厚身又大隻，
不過我發現有時發完花膠，容器底部會沉澱咗一層透明態似啫喱既膠質，
唔洗問阿貴...咁d膠質緊係來自花膠架啦! 好嘥料啊~~~~~
最近無意中從網上睇到一個先蒸後浸既發花膠方法，聲稱可以解決溶膠依個問題，
我就即管試一試啦!! (其實可能好多人已經知道依個方法....... =P )
我用蒸Miele 蒸咗30分鐘，蒸好既花膠，用凍水浸一晚，
我發現比起用焗熱水既方法，先蒸後浸發出來既花膠較硬身，所以我另外浸多一晚.....
1. 花膠適量浸發好，切成塊備用。
2. 鵪鶉2隻去頭去去毛去內臟 (可請檔主代勞!)，汆水沖淨備用。
3. 瘦肉汆水，沖淨備用。
4. 粟米2條洗淨一開二; 淮山、杞子和蜜棗適量，洗淨瀝乾備用。
5. 水大滾後先放入瘦肉和鵪鶉，再放入其他材料煲至回大滾。
6. 轉慢火煲3小時，以海鹽調味即成。
點煮網贊助
回應
點煮網贊助
社交網