自製手工豆腐 - 熟石膏版 (自製豆腐模)

La Cuisine De Veronica
加為朋友

Hunger is the best seasoning~ ♥

自製手工豆腐 - 熟石膏版 (自製豆腐模)

自製手工豆腐 - 熟石膏版 (自製豆腐模)

自製手工豆腐 - 熟石膏版 (自製豆腐模)

點煮網贊助

自製手工豆腐 - 熟石膏版 (自製豆腐模)

2014-12-09 |

原來自製豆腐比我想像中容易得多! 
第一次就成功做出嫩嫩滑滑兼充滿豆香既豆腐,
咁以後真係唔洗再買中超既白色無味野咯~ ^^


早前整豆腐花,買咗包熟石膏粉.......


之後又買咗2包鹽滷.......

整豆腐花...無論用熟石膏粉或鹽滷,每次份量都只係用好少~
咁多石膏粉 + 鹽滷...要整幾多次豆腐花先用得哂? 不如索性整埋豆腐!


整豆腐要成型,所以需要一個模具! 其實任何可以瀝水既器皿都可以.......
不過反正有咁鬼多石膏粉 + 鹽滷,無論成功或失敗,都唔會整一次就收檔,
所以一向貪靚姿整既阿V好恨要一個木豆腐模!

淘寶幾十人仔一個木豆腐模,喺英國閒閒地要£30 - £40一個!
有d價錢無咁貴,但加埋郵費要£50!! @@
實在太貴唔捨得被鋸到一頸血,但我真係好恨要一個!!!
於是萬能既Mr.T 親手整咗一個比我......


喺B&Q買咗2塊untreated 松木板,承惠£7~ (其實只用咗一塊! 買多一塊做後備)


參考網上店賣既豆腐模具設計,電鋸鋸鋸鋸...電鑽鑽鑽鑽...沙紙磨磨磨......
2粒鐘左右Mr.T 就變出一個靚靚豆腐模! (P.S. d字係我刻架! ^^)


15cm(W) x 10cm(L) x 9cm(H)


蓋剛好可以放到模底~


有咗豆腐模,可以開始整豆腐嘞~~~~~~~~~~

1. 黃豆300g 浸水過夜搓洗乾淨,盡量去掉黃豆皮。


2. 對清水2L放入blender 打成生豆漿。


3. 生豆漿倒入棉紗濾布過濾第兩次,隔清豆渣。


4. 生豆漿放鍋中煮滾,除去浮面泡沫,調低火力保持小滾煮10分鐘後熄火。


5. 熟石膏粉10g和清水120ml 倒入一個較高身的煲內拌勻,待(4)的豆漿降溫至大約85C,捧起豆漿從高處(大約50-60cm)沖入煲中。(要快手! 因為熟石膏粉好快沉澱~ 但都要小心啊!!)


6. 沖豆漿後先蓋一塊棉布,再蓋上煲蓋,不要移動煲身,靜待15分鐘。


7. 預備豆腐模裝置。
(P.S. 市售木豆腐模,蓋 + 底都係活動既,底部又會架高方便瀝水~ 不過為方便存放,唔想左一塊木右一塊木,我要求Mr.T 釘實模底; 我另外再用焗盆 + 烤架墊高豆腐模來瀝水~)


8. 弄濕棉紗濾布,鋪入豆腐模內,輕輕弄散(6)焗好的豆腐花(不要弄太碎啊!),將豆腐花盛入模內。


9. 蓋好濾布,再壓上豆腐模蓋。


10. 再在豆腐模蓋上壓上重物,待30分鐘。(越壓得耐,豆腐質感越結實!)


11. 小心揭開濾布,豆腐可以即時做菜,或將豆腐浸在清水中,放入雪櫃普通格可保存。


12. 木豆腐模用後要即時用冷水清洗乾淨(不能用熱水~ 木會爆啊!!),放在通風處晾乾。




點煮網贊助

回應

loading
點煮網贊助

自製手工豆腐 - 熟石膏版 (自製豆腐模)