二人世界食乜鬼 - 2014年9月尾 + 10月份 (超長! 附食譜)

La Cuisine De Veronica
加為朋友

Hunger is the best seasoning~ ♥

二人世界食乜鬼 - 2014年9月尾 + 10月份 (超長! 附食譜)

二人世界食乜鬼 - 2014年9月尾 + 10月份 (超長! 附食譜)

二人世界食乜鬼 - 2014年9月尾 + 10月份 (超長! 附食譜)

點煮網贊助

二人世界食乜鬼 - 2014年9月尾 + 10月份 (超長! 附食譜)

2014-10-30 |

天氣轉涼除咗唔願出街之外,煮飯意欲反而高漲! ^^

9月25日: Duck Breast with Diane Sauce (戴安汁鴨胸)

戴安汁鴨胸係62餐館名菜來! 早排學識咗依個戴安汁秘方但一直未煮過........


上枱後Mr.T 急不及待"不"咗一匙羹戴安汁來試味後: Honhon~ 好正呀! 係依個味嘞!! 以後唔洗去餐館攞嘞!!!

* 有時阿V懶煮飯,會去62餐館攞外賣! =P


燒鴨胸方法:

- 白鑊(不下油)以中火加熱,先煎鴨胸有皮的一面至金黃,再煎肉的一面至金黃。

- 鴨胸放在焗爐烤架上,下墊焗盆,放入已預熱200C 的焗爐烤熟。(粉紅: 10分鐘; 5成熟: 15分鐘; 全熟:18分鐘)

- 取出鴨胸,以鍚紙蓋著保溫,放10分鐘讓鴨胸肉質放鬆後再切片上碟。


食前淋上煮好既戴安汁......正! 依個戴安汁用來撈飯一樣咁正!!

不過唔好意思.......Mr.T 下令62餐館戴安汁唔可以分享食譜啊~
戴安汁做法可以參考另一篇食譜: Reindeer Steak Diane


9月26日: Piri Piri Pulled Chicken Salad (葡萄牙雞絲沙律)

最近先知道原來葡萄牙既燒雞辣汁Piri-piri sauce 中文原來叫做"霹靂霹靂"!
哈哈~~~~

Piri Piri Pulled Chicken Salad 食譜click here~


9月28日: Chilli Con Carne (墨西哥辣肉醬)

想自己試吓煮chilli 已經N年! 但唔知點解一直無的起心肝煮....... =P


第一次煮已經好成功! Mr.T 勁鍾意,佢話好食過餐廳呢~ ^^

Chilli Con Carne 食譜click here~


10月1日: 瑞士汁雞肶; 韭菜炒蜆肉; 清炒菜心

連續好多晚食碟頭西餐,中國人要食返中菜!


瑞士汁雖然係現成野,不過一樣好好味! 而且簡單又方便~


韭菜炒蜆肉食譜click here~


10月3日: 瑞士汁五花腩; 焗蠔砵; 清炒西蘭花


開咗瑞士汁只煮一次太浪費! 今次唔整雞,試吓用來煮五花腩肉,勁好送飯!


第一次整焗蠔砵,Mr.T 讚不絕口!
Whatsapp 張相比V媽媽睇,佢都話好靚~ ^^


V媽媽見我無乞衣砵,特登買咗一大一細比我~

焗蠔砵食譜click here~


10月7日: 節瓜肉片湯螺絲通粉

是晚天氣特別凍~~~~~ 食一碗有湯既熱辣辣通粉,食完成身暖哂! ^^


我超級鍾意食依隻螺絲通粉! 但好可惜最近發現Tesco 已經唔再賣依隻粉!!
而家食緊既係存貨........(哭~~~~)


節瓜肉片湯螺絲通粉食譜click here~


10月16日: 西芹雲耳炒魚餅; 霹靂霹靂燒雞槌


早排手痕自製咗枝Piri-piri sauce,Mr.T 食過後叫我以後唔好再買N牌! ^^
坦白講我自己都覺得枝汁好好味! 用來醃又得當沾汁又得~

(做法click here~)


是晚先用自製Piri-piri sauce 略醃雞槌,再用AirFryer 叮熟...攪掂!
就係咁簡單,已經好好味~ ^^


西芹雲耳炒魚餅食譜click here~


10月17日: 洋蔥豬扒; 氣炸月亮蝦餅; 蝦醬西蘭花炒鮮魷

依餐煮得有點失手.........


依個Mr.T 最愛,幸保不失....... 

洋蔥豬扒食譜click here~


依味...界界吓魷魚花,走去聽個死人junk call,返來唔記得咗塊魷魚底面...所以有幾塊捲唔起! 

蝦醬西蘭花炒鮮魷食譜click here~


至失敗係依個月亮蝦餅! 蝦膠剁得唔夠碎又唔記得落蛋白.....散哂咁滯! :'(
超級唔滿意!!!!!!!!! 下次再整先出食譜~


10月18日: 打邊爐

蘇格蘭天氣啱啱開始涼,我已經等唔切要打邊爐!
喺屋企打又平又好味,食到飽飽可以即時攤喺梳化,唔洗等埋單 + 渣車返屋企~ ^^


睇吓我地兩丁友打邊爐幾豐富!


10月20日: Smoked Mackerel Carbonara (煙鯖魚芝士蛋黃汁筆尖粉)

同Mr.T 一齊睇電視,Jamie Oliver 示範煮依個,Mr.T 話好想食...無問題!
的確係好好食! 煮法又簡單快手~ ^^

Smoked Mackerel Carbonara 食譜click here~


10月21日: 花旗參粟米煲響螺頭; 氣炸檸檬胡椒雞翼; 客家小炒; 清炒西蘭花

好耐無煲過湯嘞........ =P


依個湯集合咗響螺頭既鮮甜、粟米既清甜 + 花旗參既甘甜...好滋潤啊~

花旗參粟米煲響螺頭食譜click here~


越來越鍾意個AirFryer! 睇吓雞翼炸得幾靚~ ^^

氣炸檸檬胡椒雞翼食譜click here~


第一次整客家小炒~ 真係每個經驗都係學習...因為依碟客家小炒,我發現切乾魷魚時要打橫切! 否則就好似相中一炒就捲起來! =_="

台灣客家小炒食譜click here~


10月23日: 客家小炒; 蒜蓉蒸白飯魚乾; 清炒菜心


佳因依味太好送飯,Mr.T 要求encore~ (今次乾魷魚絲無捲起嘞! ^^)


中秋前V媽媽寄來一大包白飯魚乾,收埋咗唔記得一直無蒸過來食! =P
最近V媽媽成日催我蒸來試吓好唔好食........


白飯魚乾浸軟瀝乾,淋少少生油 + 剁少少蒜蓉撈勻,蒸10分鐘........
哇~~~~~~~ 好食到不得了!!!!!!! 一兜仔唔需要其他餸,
我已經可以吞兩大碗白飯! 正~~~~


仲有兩日就哈囉喂,又係時候玩刻南瓜嘞~ ^^ 今年d南瓜好似特別大隻! @@
最大果2隻係Mr.T 個staff 買來...請我 + Mr.T 做槍手,
幫佢囝囝刻來參加學校比賽! XDDDD


我刻咗個人狼.........


Mr.T 刻咗個科學怪人~


請槍既作品竟然攞咗第一名! XDDDDDD

萬聖節刻南瓜教學click here~


刻完南瓜當然唔少得美味既炒南瓜籽啦! ^^

金黃炒南瓜籽做法click here~




點煮網贊助

回應

loading
點煮網贊助

二人世界食乜鬼 - 2014年9月尾 + 10月份 (超長! 附食譜)