香港素菜餐廳: 大自然素食@始創中心 + 素食一家@太子 (2014年6月27日)

La Cuisine De Veronica
加為朋友

Hunger is the best seasoning~ ♥

香港素菜餐廳: 大自然素食@始創中心 + 素食一家@太子 (2014年6月27日)

香港素菜餐廳: 大自然素食@始創中心 + 素食一家@太子 (2014年6月27日)

香港素菜餐廳: 大自然素食@始創中心 + 素食一家@太子 (2014年6月27日)

點煮網贊助

香港素菜餐廳: 大自然素食@始創中心 + 素食一家@太子 (2014年6月27日)

2014-09-05 |

是日齋期,為咗唔想V媽媽就我一日半日特登煮齋,
午餐晚餐都係素食餐廳攪掂! 是日兩餐分別去咗兩間唔同既素食餐廳........

午餐去咗位於始創中心既大自然素食...我點咗依個吉列豬扒湯麵,
吉例豬扒 + 湯麵分開上.......

湯麵係蕃茄雜菜湯底好濃非常好味!配料有磨菇、番茄 + 芹菜,
好大碗麵既份量又多,其實就咁一碗湯麵都夠飽~


素吉列豬扒熱辣辣香香脆脆,味道亦唔錯!
我發現碟上竟然有一小pat 唔知沙律醬定蛋黃醬...無沙律醬好蛋黃醬好...都有蛋果喎!!!!!!!!!!
反正塊素豬扒本身已經好好味,所以我無沾醬~


陪阿V食齋既V爸爸點咗依個素翅炒飯......
我一睇...炒飯裡面夾雜咗一d類似蛋白既物體! @@ 所以我無試,不過V爸爸話好食~

於是我問阿姐: 請問你地係蛋奶素定全素?
阿姐比我反應係一頭霧水! 完全唔知我想問乜......
於是我改變問題再直接問一次: 依個炒飯有無蛋?
阿姐: 有架! 用蛋白炒~

明哂! 大自然素食只係純粹食素,非食齋既餐廳!!
分分鐘我個湯麵係蛋麵來........唉~~~~
佢地既食物味道唔錯,但價錢唔平,而且上菜極極慢!!!!!!!!!
當時已經過咗lunch 高峰時間,店亦非滿座爆棚,
只點2樣野竟然等咗40分鐘先上菜,服務絕對係超超級慢!!!!!!!!!!


晚餐又係去返同V爸爸提早慶祝父親節既太子既素食一家! (網誌)
So far 食過咁多次都係好好食既~ ^^

3個人先來兩客必點既爽口彈牙素鮑魚刺身~


一品素鮑魚翅羹...加少少大紅浙醋仲好味~ (可以問阿姐攞醋架!)


好好味既素春卷! 之後再encore 點多一份~


咕嚕肉...素肉像真度算高,味道唔錯!


台式鹽酥雞...當然同真既鹽酥雞分別好大,不過酥酥脆脆鹹鹹香香,送飯一流!


蕃茄魚柳...同上次咕嚕魚柳用既素魚柳一樣,不過上次咕嚕煮法比依個蕃茄煮法好味!


上湯溫室豆苗...芡汁味道唔錯,溫室豆苗勁索汁都唔會太鹹!


南乳蓮藕煲...韓國石鍋上菜,依個平平無奇,蓮藕爽口唔粉好好食,不過完全無南乳香味,食唔出係南乳......


泰式通菜...一個椰汁味既炒通菜! 雖然我唔鍾意椰汁,不過我覺得係OK 好味既~
但V媽媽覺得好難食...好明顯佢比我更憎椰汁味......

上一次返香港時齋期已去過幾次素食一家,
當時佢地既餐牌菜式未似而家咁多款式~
今次返香港第一次去係一個人去食lunch,一打開餐牌,
全部都係甚麼XO醬豬扒...沙嗲牛肉...日式鰻魚...雪菜火鴨絲......
我仲以為自己入錯餐廳! 問清楚阿姐先確定全部都係素菜來!
大鄉里既我唔知道原來素菜可以咁變化無窮!! @@

於是我放心地點咗個"韓式雞扒拉麵"下午茶餐,賣相同味道都好得! ^^

佢地既餐牌菜式花款超多! 難得既係有咁多款式,但上菜速度好快~
食物水準高,客人多選擇得來又唔洗等太耐,價錢合理...出街食飯都係想咁啫!




點煮網贊助

回應

loading
點煮網贊助

香港素菜餐廳: 大自然素食@始創中心 + 素食一家@太子 (2014年6月27日)