我們的哈囉喂2013 Part 2: 刻南瓜 (附教學)

La Cuisine De Veronica
加為朋友

Hunger is the best seasoning~ ♥

我們的哈囉喂2013 Part 2: 刻南瓜 (附教學)

我們的哈囉喂2013 Part 2: 刻南瓜 (附教學)

我們的哈囉喂2013 Part 2: 刻南瓜 (附教學)

點煮網贊助

我們的哈囉喂2013 Part 2: 刻南瓜 (附教學)

2013-12-12 |



今年哈囉喂我 + Mr.T 玩咗樣新野 - 刻南瓜是也~

我來英多年都無玩過刻南瓜,
但我有點意外喺蘇格蘭出世長大既Mr.T 竟然都無玩過!
Mr.T: 好出奇咩? (不屑地......)

刻南瓜依個玩意...係會上癮既!
初時只係因為哈囉喂前超市南瓜好鬼平買隻來試吓~
點知一玩我同Mr.T 都上咗癮......

依個哈囉喂足足刻咗5個南瓜!


刻南瓜首要...當然係個南瓜啦;
其次就係刻南瓜工具套組...如果你想刻得靚的話;
最後要有tealight 蠟燭~


刻南瓜工具好cheap 既啫!
只係玩具來,超市、£1店均有售~
成套野最有用其實只係個刮 + 把小鋸!


準備好南瓜 + 工具,就可以開始嘞......

1. 先打印出你想刻既圖案。
(上網搜尋"pumpkin carving stencils"會搵到大把!)


2. 用生果刀圍住南瓜蒂切開一個"蓋"(要保留!)。


3. 打開"蓋",會見到纖維狀既瓜肉夾雜住大量南瓜籽。


4. 利用膠刮將瓜肉 + 瓜籽刮乾淨。(保留瓜肉 + 瓜籽啊!)


5. 要刮得好乾淨! 否則好容易發霉架!!


6.選你認為南瓜最平坦的一面,將先前打印好既圖案用膠紙貼好。(咁始終南瓜係圓既,圖案摷咗好正常,依點要自行執生!)


7. 如圖用尖錐沿住圖案刺上小孔。(要有耐性啊!)


8. 撕去打印圖案,在南瓜上抹上少許麵粉,再用乾布抹去多餘麵粉,就會清楚見到圖案初型,可以開始刻南瓜嘞!


9. 刻好後將刻出既南瓜肉清理乾淨,放入tealight 蠟燭並點燃,蓋回連著瓜蒂的蓋即成。


我 + Mr.T 都認為......
刻南瓜好好玩,而且比我地之前想像中容易好多!
所以我地玩足5個! 睇吓我地既作品.....

Mr.T 同朋友哈囉喂party 當晚,
我就喺屋企刻咗我第一個作品~
我建議大家第一次玩刻南瓜,千其唔好刻字!
因為太多細微既地方,好容易整爛!!


實在太好玩!
Mr.T 睇完我第一個作品又話想試吓,
急不及待第二日又買2個南瓜返去刻......

Mr.T 刻咗龍貓......個頭!


我隻都係貓! 不過係招財貓~


兩個大細路仲未玩夠喉,
趁南瓜售罄之前再接再勵.......

今次Mr.T 刻咗隻變態Pedobear.......


我就刻咗隻屎面貓頭鷹~


我自己最鍾意最後依2個!
實在太好玩~ 出年一定再玩過~






點煮網贊助

回應

loading
點煮網贊助

我們的哈囉喂2013 Part 2: 刻南瓜 (附教學)