一條冷返香港食食食2009 - 損友飯局

La Cuisine De Veronica
加為朋友

Hunger is the best seasoning~ ♥

一條冷返香港食食食2009 - 損友飯局

一條冷返香港食食食2009 - 損友飯局

一條冷返香港食食食2009 - 損友飯局

點煮網贊助

一條冷返香港食食食2009 - 損友飯局

2009-04-28 |

返到香港當然要同損友們見吓面啦~ 去蒲我就冇乜心情嘞,不過飯始終要食!

朗豪坊泰蘭花 (3月23日)

是晚約咗Joanne, Erica + Karen 喺朗豪坊泰蘭花食泰菜~ 依餐普普通通,個人覺得"泰蘭花"都係屬於fusion 果隻多過正宗泰菜!

 生蝦刺身配秘製酸辣汁~ 成餐最好食既食物! 生蝦刺身好鮮甜,同秘製酸辣汁非常配合,好惹味!

 冬蔭功~ 熱既時候還可以,一凍咗少少就完全唔好飲!

 烏欖肉碎炒蜜糖豆~ 我好似冇掂過依個餸......因為完全唔記得係咩味!

 肉片濕炒貴勺~ 好普通! 冇乜泰菜feel......

 泰式明爐青檸辣烏頭~ OK! 不過雖然條魚有火爐烘住,但唔知點解完全唔夠滾既呢? 我曾經喺西貢一間露天泰式餐廳食咗依味菜,西貢果間餐廳就整得好好味嘞!

 豬頸肉就唔錯! 唔太甜又夠爽口~~~

一向對依種新派裝修既餐廳都冇乜好感! 尤其仲要係做某一類特定菜式,經驗話我知 - 多數都唔足正宗 + 就算唔難食都唔慌好食......唔通要食好食既泰菜一定要去九龍城???

(不過依餐志在同損友們聚聚! 傾計多過食......)

地址: 旺角朗豪坊L8-02鋪

 

帝京酒店花月庭 (4月2日)

 

是日約咗V姨丈 + 一眾auntie 出來食飯!

 人多最好就係食自助餐! 乜都有得食,唔洗唸餐死食乜野~~~~

 今次老公冇返香港,V爸爸 + V媽媽兩個都係完全唔食日本野,所以冇人陪我食! 自助餐有壽司就啱哂我嘞!!!! (仲有我好鍾意既牛肉壽司喎~~~~ 呵呵!!!)

 有好多海鮮! 我最鍾意翡翠螺 + 蟹腳~~~

 酥皮忌廉魚翅龍蝦湯~

 味道普通~ 不過裡面真係有龍蝦肉 + 魚翅架!

 仲有大大隻燒龍蝦~ 我發現香港人食自助餐有一個非常失禮既習慣......

當晚燒龍蝦每次新鮮出爐,排頭位果位仁兄 / 阿姐都好似前世未食過龍蝦咁款,不停猛咁夾夾夾......爭在未成盆捧去自己枱! 完全唔洗理其他客人~~

相中箭咀所指既係蜜糖豆炒桂花蚌,不過每次更新咗後,好多客人只會夾哂桂花蚌,留返好多蜜糖豆~~~ 真係衰格到冇人有!!!

 今次佢地有隻日式燒薄牛扒好正! 我 + V媽媽都認為好食過平時既燒牛肉~~~ 仲有相中串住既係龍蝦球天婦羅都好好味!!

 平時我唔食甜品,不過去親花月庭食自助餐,我都一定會食佢地既豆腐花! 好香豆味之餘,仲非常滑滑!!

今次仲有迷你燕窩蛋撻 + 芝士餅 (朱古力果個唔記得咗係咩~),個芝士餅非常香濃! 好好食!!!

一向我都幾鍾意花月庭既自助餐,不過今次返香港,我覺得食物比以往更好~ 好驚喜經濟低迷之際,佢地都冇降低質素將貨就價!

地址: 旺角太子道西193號帝京酒店2樓

 

Herpa Cafe (4月3日)

 是晚約咗由細玩到大既幼稚園同學兼伴娘Cass 喺銅鑼灣食飯~

 Herpa Cafe 係一間以飛機模型為主題既餐廳......

 餐廳裡面周圍都可見飛機模型陳設!

其實餐廳並冇乜特別,食物價錢非常大眾化,不過水準普普通通,但環境就非常適合飲野傾計! 餐廳位於天樂廣場36樓,如果唔係Cass 帶我去,我都唔知香港有間咁既餐廳!

我地每人點咗一個set dinner......

 餐湯可選忌廉湯......

 亦可選羅宋湯~

 餐湯包埋蒜蓉包~

 主菜我地都係要牛扒意粉! 佢地煎扒又煎得唔錯喎~ 我話要五成熟,真係五成喎!!

 甜品朱古力慕司~ 唔知咩味,因為我冇食到!

食物係其次~ 不過Herpa Cafe 真係一個同朋友傾計既好地方! 依餐我地由8點食到人地開燈收工(11pm)!

地址: 灣仔摩利臣山道9號天樂廣場36樓

 

 

點煮網贊助

回應

loading
點煮網贊助

一條冷返香港食食食2009 - 損友飯局