去年今日之"孖T香港婚紗記" (2007年9月10日)

La Cuisine De Veronica
加為朋友

Hunger is the best seasoning~ ♥

去年今日之"孖T香港婚紗記" (2007年9月10日)

去年今日之"孖T香港婚紗記" (2007年9月10日)

去年今日之"孖T香港婚紗記" (2007年9月10日)

點煮網贊助

去年今日之"孖T香港婚紗記" (2007年9月10日)

2008-09-10 |

我地既婚紗相係07年9月返香港 + 台灣補影既~ 事關06年婚前返過香港造禮服 + 籌備婚禮...到完成哂英國 + 香港2個婚禮,已經用鬼哂老公果年既假期! 預唔到時間影婚紗相 + 去Honeymoon.........

 

 依幅就係我地既油畫相嘞! 而家掛咗喺廳~~~~~

去年今日 - 2007年9月10日,我地喺"法國婚紗"補影婚紗相~ 比我遲個半月結婚既伴娘都係幫襯法國婚紗,之前我睇過伴娘既相,覺得好靚! 雖然我係補影,反而有好處喎 - 伴娘06年影時,只影得1個舊studio; 07年法國婚紗開多咗個studio,所以兩個studio 我都有得影哂!

呵呵~~

我有3個唔同造型...拖尾色丁婚紗配拖地長頭紗 (係我自己既婚紗~); 銀色lace 晚裝 & 另1件deep V低胸婚紗 (伴娘都有揀依件! ) 其實老公都包1套禮服,不過佢好衰 - 佢話唔鍾意果套禮服! 揀相時幾乎全部揀哂自己帶去既蘇格蘭裙禮服~~~~

香港婚照小插曲......

- 唔知我係咪返到香港水土不服呢? 影相前我冷親發燒病足一個星期! 到影相前一日我都仲係溫溫燉燉.....不過好彩果朝一早起身精神返哂! 但之前果晚我就水都唔敢飲多滴~ 怕起身時塊面會水腫......

- 因為我帶咗臍環~ 影相時束衣箍得好緊,臍環"銀"住...好鬼痛!!!

- 老公個大頭蝦~ 記得帶衫但唔記得帶袖口鈕! 好彩法國婚紗近又一城,襯我化緊妝時,佢有時間去又一城買返...不過佢冇買到袖口鈕,反而買咗件恤衫返來~ 化妝小姐問老公洗唔洗幫佢燙吓件恤衫摺痕? 老公話Aquascutum 知道佢買來影婚紗相,已經幫佢燙好咗! (在此一讚又一城Aquascutum staff 既貼心服務!!

)

- 可能喺香港比較少見蘇格蘭裙? 記得果日老公一換完套蘇格蘭裙出來就好矚目! 連幫第二位新郎化緊妝既化妝小姐都停哂手行過來湊熱鬧!!! 搞到果位新郎哥即時黑哂口面.....;

- 老公係一隻一日大頭兩次既蝦!!!! 我帶咗私伙首飾去影相,有d帶完就放咗入去婚紗舖既locker,鎖匙由老公保管......點知影完相,老公換衫時竟然忘記咗喺褲袋入面既鎖匙!!!! 要麻煩人地搵返佢條褲出來......

喺香港影完婚紗相,4日後我地就喺台灣再影過嘞......

 

 

點煮網贊助

回應

loading
點煮網贊助

去年今日之"孖T香港婚紗記" (2007年9月10日)