小V珍藏大曬冷 - Gucci

La Cuisine De Veronica
加為朋友

Hunger is the best seasoning~ ♥

小V珍藏大曬冷 - Gucci

小V珍藏大曬冷 - Gucci

小V珍藏大曬冷 - Gucci

點煮網贊助

小V珍藏大曬冷 - Gucci

2009-02-25 |

除咗Louis Vuitton 之外,Gucci 係另一個我鍾意既品牌~ In fact, Gucci 其實係我第一個愛上既品牌!  當時十幾歲既我反而唔鍾意LV,覺得太老氣......

 隨住時間既流逝,早年有部份Gucci 比我賣鬼咗; 有部份返香港同V媽媽交換手袋用冇帶返來英國......所以我現時既Gucci 收藏並唔多!

Tom Ford 曾經掌舵Gucci 長達9年 (1994 - 2003),而我鍾情Gucci 既全盛時期亦即Tom Ford 既時期!

 依個係我擁有既第一個Gucci 手袋~ 由於年代久遠,個袋已經一早比我賣鬼咗! 當時我又未有數碼相機 + 冇咁得閒影相存檔,唯有post 返多年前去日本旅行時用依個袋既相......

 當時個個朋友都讚我個袋靚! 不過真係有苦自己知 - 靚係要有代價既!

冇錯~ 個袋我都覺得好靚! (如果唔係我都唔會買啦!),而個袋設計有條竹柄手挽; 另外又有條用作打斜揹袋,但又可拆出來既皮帶~ 不過依個袋打斜揹唔靚,反而將竹柄揹上膊就好好睇! 竹係硬既~ 大家可想而知揹上膊...尤其係揹重野時係點feel!!!

P.S. Gucci 喺1947年推出第一個竹柄手袋,係Gucci 其中一個重點設計 + 長青既款式!

 依個Tote Bag 應該好多人都覺得熟口熟面,因為依個袋早幾年喺香港大熱,幾乎10個著咗10個女人都有一隻! 冇記錯既話 - 依個袋好似有3個唔同sizes,而我依個係最大既size~

講起依個袋我就火滾!

 依個袋係有次我 + 老公去倫敦weekend break 時,喺Harrods 裡面既Gucci counter 買既,當時我 + 老公都係學生。

唔知係我 + 老公太後生,還是個狗眼sale屎特別衰Q格? 狗眼sale屎唔多想so我 + 老公!!!!  當時counter 只陳列咗依個袋既中size,並冇依個最大既size,於是我主動問唔想so我地果舊sale屎......

(英語~)

 我: 請問依個色有冇最大既size? (註:依個色粉紅配棗紅皮邊比較少有~)

 Sale屎: 有~ 不過唔知我地有冇存貨!

(我開始少少火!!!! 

 一,佢答我時根本心不在焉,眼不停射喱地及住其他闊太客; 二,你死架? 你唔知有冇貨唔識去check 架???)

 我:  我想睇吓最大既size!

 Sale屎: 最大size 果個好大架!

(

你理Q得我啫????? 我係要你攞出來,就算我睇完唔買你都吹我唔脹架!!! 好明顯依舊死人sale屎睇死我地唔會買! )

 我: 我知大size 好大,我買來返學用架! 咁你地有冇貨吖? 冇貨既話唔該幫我check Sloane Street 分店有冇貨,我可以過去果邊買! 

狗眼sale屎於是死狗地走去攞貨比我! 依舊sale屎真係好cute - 之前黑哂口面睇死我地唔會買咁既衰樣,到我地比錢佢時,佢又一副烚熟既樣來多謝喎!

依個袋我幾乎已經完全唔用,因為實在太舊款! 不過我唔會揼既 - 因為係老公送比我既!  我間中用來當環保袋去買餸~~~~

 依個係V媽媽送比我既,以前我用來返學~ V媽媽都有一個完全同款,不過唔同色既! ( V媽媽果個係Gucci Monogram~) 我好鍾意依個袋,款式簡單又實用,而且雖然舊款,但外表仍然keep 得好新淨!
Thumbs Up

 依個袋冇乜特別~ 係有次同老公喺置地食完lunch,入去Gucci 打個白鴿轉既戰利品!

 依個係我2年前喺香港機場禁區等緊登機返英國,爭取最後一刻shopping 機會時買既!

好奇怪! 早兩三個月我返香港,竟然見到Gucci shop 買緊一模一樣,仲係正價喎! 仲貴過我2年前買......(咁我咪好潮!!?!!?

) 依個係幾乎係我去旅行時必用 - 又輕又大放得多野,而且有拉鍊!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>

近幾年我已絕少買Gucci 既產品,因為我曾經睇過Sky 既一個購物頻道sell 緊一個舊款Gucci 袋!!!!!

 我當時有d震驚~~~~ 覺得佢地完全唔顧品牌形象!
我唸來唸去都唔明 - 我覺得Gucci 完全冇需要行到依一步喎~ 佢地將手袋放喺購物頻道賣,相等如"慢性自殺"咁去kill 個牌子!!!
 我希望只係one off 啦......

不過震驚還震驚~ 我雖然唔睇好Gucci 咁既做法......不過最近佢地新出既袋,再次令我"產生興趣"!

除咗Gucci 既手袋之外,我仲有佢地其他既產品......

 黑面Logo 錶~ (有隻係白面既!)

 白面手鈪型腕錶~ (我鍾意依隻多d!
)

 V媽媽送既銀包~ 其實我一向比較少用長銀包,不過我好鍾意依個尼龍裙黑皮邊! 仲可以襯返 V媽媽送既黑色袋!

 銀紙位 + 放咭位都好多......

 間格好之餘,反面仲可以放散銀架!

 又係V媽媽送既漆皮鎖匙包~ 全新時本來好靚仔吓架!

 我第一條名牌手機繩就係Gucci 嘞~

 以前曾經好鍾意用Gucci 既皮帶,高峰期有成4、5條! 不過唔知係因為我日日用皮帶? 還是Gucci 皮帶咋?? 爛吓一條又一條......而家只剩返依條~ 不過依條個扣太大個,所以我已好少用! 而家用緊既係H&M 幾鎊銀貨仔,反正d衫遮住都睇唔到牌子~~~~

 帶落好舒服既黑超~ (老公既近視眼鏡都係Gucci 架! 佢都話Gucci 眼鏡框好舒服~~)

 唔記得邊年我送比老公既聖誕禮物 - 純銀狗牌長頸鍊~

 買Gucci 既銀飾物,都一定會附送一個好實淨 + 內裡鋪絲絨既首飾盒~ 我之前仲有一條純銀choker,不過已經唔知去咗邊? 而家得返個盒......

 

 

點煮網贊助

回應

loading
點煮網贊助

小V珍藏大曬冷 - Gucci