織女V~

La Cuisine De Veronica
加為朋友

Hunger is the best seasoning~ ♥

織女V~

織女V~

織女V~

點煮網贊助

織女V~

2009-02-23 |

 依條係我2年前織比老公既頸巾~ 早排落雪天氣好鬼凍,老公日日攬住返工~

老公話依條係佢最靚 + 最舒服既頸巾喎!

靚...手工就講唔上嘞 ,不過d冷就好靚好軟熟! 舒服...緊係啦~ 我特別去John Lewis 買有茄士咩成份既冷!

Thumbs Up
 計落買冷既錢可能仲貴過買條現成頸巾...係織比老公我先捨得買靚冷咋!!!!

 我覺得依隻深灰色好襯老公! 返工又得; causal 去街又得~~~

我冬天有帶帽既習慣,不過我大部份帽都係淺色~ 想要一頂深色既冷帽好耐......早排見到網友織冷帽織得好靚~~~

不如我又自己織一頂啦!

於是我上星期去咗買冷......

 未織過冷帽,唔知要預幾多舊冷? 不過我唸應該少過織頸巾,所以買住2舊先...織比自己唔洗要茄士咩咁靚嘞~ 要靚少少既extra fine merino wool 得嘞!

點知返到屋企搵冷針先發現......

 原來屋企仲有4舊靚冷喎!!!!!

 先唸起原來上次織頸巾比老公,買冷時心大心細決定唔到要黑色定灰色.....於是買哂2隻色返屋企先慢慢決定! 最後織咗灰色~~~~

屋企有本英文初級編織書有教織冷帽~ 不過d款太鬼老土......

 (依度買d書係咁上下架嘞!)

 後來醒起前年返香港時喺Sogo 11樓旭屋書店,買咗本圖解日文編織書,應該有教織冷帽啩!!?!??

 點知冇!!!!! 買書時本書包鬼咗我又冇check,買咗後又冇點拮過......

 唔通我一世都只可以織頸巾???????

 

 

點煮網贊助

回應

loading
點煮網贊助

織女V~