化悲憤為食慾!

La Cuisine De Veronica
加為朋友

Hunger is the best seasoning~ ♥

化悲憤為食慾!

化悲憤為食慾!

化悲憤為食慾!

點煮網贊助

化悲憤為食慾!

2010-08-31 |

雖然上星期胃口不佳,但我又未至於強到完全唔洗食野......

傷痛過後要振作向前看(大家都要振作啊! ),食野既時候,無論好食與唔好食,我都同樣好感恩 - 活著真係好! 想食乜就食乜~

 8月24日又去咗食YO!Sushi~

不過心情 + 胃口都好差,完全無心情影相,仲創咗個新低紀錄 - 只食咗16碟!

老公為咗氹我笑,將毛豆畫成擬人化~ 可惜佢唔成功.......

 

8月28日

 是日都係YO!Sushi!

 胃口未完全回復 - 17碟加一碗味噌湯~

 依碟Yellow Tail 刺身要£5! 可惜麻麻地......(唔知中文係乜! )

 老公order 既咖喱吉列雞扒飯~ 幾好味! 不過個汁太稀,杰返少少仲加好~

 最近食得太多餐壽司,真係開始有少少厭 ........我唸暫時短期內都唔會再食壽司!

 是晚老公約咗麻甩朋友夜蒲,我煮咗大兜湯粉食自己! 正~~~  (節瓜肉片大地魚湯螺絲通粉食譜)

 

8月29日

是日去開West End Waitrose 買野......

 就腳去咗Mario's Plaice 食好鬼貴但好好食既炸魚薯條!

平時果位認得我地既嬸嬸唔知去咗邊?

今次幫我地落單果位新既嬸嬸suggest 我地要個平少少,同時細份少少既炸魚薯條茶餐,我緊係唔制啦!

依位嬸嬸就半開玩笑地同我講: 妳一定要食得哂喎! 唔准浪費食物呀!!

睇來嬸嬸睇死我食唔哂一份炸魚薯條......

 依份配茄汁豆係老公既~

 依份配青口係我既~ 不過 - 塊炸魚細塊過老公果份既!!!!
_1296.gif image by veronica_tsim

 老公繼續畫畫畫......

 我太"呢啡".......一路食野一路有青豆逃走碌落枱!
_1272.gif image by veronica_tsim

 睇小我食唔哂?? 嘿!
_1267.gif image by veronica_tsim

老公埋單時,嬸嬸再問我: 妳有無食哂個餐? (因為係另一位嬸嬸收碟~)

 之前果晚煲湯螺絲粉太好食嘞~  是晚再整多煲,不過屋企無節瓜,用西芹代替!

 

8月30日

尋日喺屋企磨咗成日都唔煮飯~ (假期嘛! )

夜晚果餐叫咗外賣,叫返上次又快又好味既Royal China!

我有理由相信Royal China 係全世界最快手既外賣店! 但最奇怪佢又唔係最近我屋企果間外賣店喎......

尋晚依頭放低電話,同老公傾咗幾句就有人禁鐘嘞!! 快到好神奇~

 我既薑蔥大蝦配白飯~ 大蝦爽脆,個汁好香酒味,而且好鬼多蝦! 正~~~~~

 老公既Special Fried Rice~ 有叉燒、雞肉、火腿 + 大蝦!

咪睇佢淋咁鬼多汁,就以為佢黑忟忟會好鬼鹹喎! 其實個汁唔鹹,味道啱啱好,好正架!!

 再整多2條好好味脆卜卜既春卷~

 

上次喺泗和行買咗好好食既Tiramisu Cream Cake~

 Weekend 見到同牌子有原味Custard Cake! 買咗盒試吓.......

不過我都係鍾意Tiramisu 味多d! 依盒原味要拜託老公搞掂佢嘞~

 

成個幾星期無煮過飯,今晚要煮返餐好既!

 

 

 

點煮網贊助

回應

loading
點煮網贊助

化悲憤為食慾!