孖T回"香"省親2010 - 和味蟲蟲餐@和味館 (2010年12月4日)

La Cuisine De Veronica
加為朋友

Hunger is the best seasoning~ ♥

孖T回"香"省親2010 - 和味蟲蟲餐@和味館 (2010年12月4日)

孖T回"香"省親2010 - 和味蟲蟲餐@和味館 (2010年12月4日)

孖T回"香"省親2010 - 和味蟲蟲餐@和味館 (2010年12月4日)

點煮網贊助

孖T回"香"省親2010 - 和味蟲蟲餐@和味館 (2010年12月4日)

2010-12-07 |

今次一定要多謝blog 友晶晶介紹和味館比我 ,我 + Mr.T 先可以唔洗去台灣都重溫到炸蜂蛹既美味,同時仲嘗試到3種新既蟲蟲食物!

其實我之前都聽過和味館有蟲蟲食,不過我搵到既都係新蒲崗已結業既舊店資料......

 和味館現店位於深水埗順寧道~

搭地鐵到深水埗落車後要行一段時間先到,雖然唔係好就腳但唔算難搵,因為店面好大!!

網上見人話想食蟲就要預早order~ 不過是日我地好幸運,打電話order 時竟然4種蟲蟲都有齊哂,擇日不如撞日 - 是晚即刻去同蟲蟲見面!

 4種蟲蟲分別係......

 椒鹽竹蟲 - 初食落感覺如炸薯條平平無奇,不過越食就慢慢發現竹蟲有種獨特淡淡香味,越食越滋味!!

 炸蠍子 - 脆卜卜好香口,有少少似北海道果種連殼既日式炸蟹仔~

 和味龍 - 水曱甴一直係我最想試既! 因為我由細細個已經聽V婆婆講和味龍點香點香......終於一嘗水曱甴果種香味!!

 仲有舊相好炸蜂蛹 - 重溫台灣嚐到既味道! 依味真係百食不厭~

 和味龍大戰毒蠍子! 哈哈~~~~

 阿哥仔建議食蠍子時唔好食尾部既勾,因為蠍子既毒集中哂喺尾部~

 和味龍要先做d功夫先食得落肚 - 先去兩翼,再去腳,最後去頭慢慢拉埋條腸出來,搞掂!

 求知慾驅使下我再將佢分屍,睇吓佢既身體既內部結構......即係一pat 野!

 

雖然此行最主要為咗食蟲蟲,不過齋食蟲蟲又點食得飽呢?

所以我地另點咗2個小菜食正常晚飯......

 老公揀咗椒鹽骨 - 炸得夠乾身但肉質唔會乾,唔錯~

 見餐牌上有我久違既焗魚腸點可以錯過? 即時整一砵!!

 哇~ 幾足料!!!!

我從未食過焗魚腸有咁多魚腸!! 而且魚腸新鮮味道甘美,一d腥氣都無,蛋焗得夠乾身香噴噴.......真係好鬼正!!

初時我唸住我可以一個人獨霸焗魚腸唔洗預Mr.T,佢有佢碟椒鹽骨啦......

 點知end up 佢好鬼鍾意喎!  (依條魚腸好鬼長~~~~~ )

 

咪以為依餐只係貪得意食蟲蟲,除咗係貪得意新嘗試外,依餐仲係好有水準既!

滿足好味既一餐,我 + Mr.T 非常滿意~~~~

 

是晚返到屋企Mr.T 急不及待將我地既食蟲經驗upload 上FB!

佢d洋人朋友睇到哇哇聲又話想嘔又盛.......

不過有人覺得我好勇敢!

 

 

點煮網贊助

回應

loading
點煮網贊助

孖T回"香"省親2010 - 和味蟲蟲餐@和味館 (2010年12月4日)