孖T翻啅意大利。羅馬2010 - 超浪漫提早情人節Dinner

La Cuisine De Veronica
加為朋友

Hunger is the best seasoning~ ♥

孖T翻啅意大利。羅馬2010 - 超浪漫提早情人節Dinner

孖T翻啅意大利。羅馬2010 - 超浪漫提早情人節Dinner

孖T翻啅意大利。羅馬2010 - 超浪漫提早情人節Dinner

點煮網贊助

孖T翻啅意大利。羅馬2010 - 超浪漫提早情人節Dinner

2010-02-19 |

第四天 - 2010年2月7日 (Part 2)

是日係我地留喺羅馬最後一晚......

因為1星期後既情人節適逢大年初一,唔可以二人世界,所以我地出發前已決定喺羅馬食餐飯提早慶祝情人節~

之前幾晚返到酒店,老公都用netbook 上網搵羅馬靚餐廳既資料,選擇有好多,但我地一直都決定唔到去邊度食依餐飯......

是日參觀完地下墓穴之後,我地搭車返出羅馬市中心~ 我地仲有幾個舊地想重遊,於是我地喺Termini 火車站落車,一路漫步去目的地......

 沿途一路影吓相講吓笑,感覺真係好寫意 + 好浪漫~~~
_1345.gif image by veronica_tsim

 羅馬街頭馬路兩旁都種咗好多橙樹!

 (2007年6月) 2年多前既夏天,第一次見到橙樹覺得好得意! 喺鬧市竟然有咁多橙樹, 而且樹上仲有咁多橙喎!! 喺英國一早就比d"靚"仔摘到禿哂頭咯......

 唔知道橙樹係咪一年四季都會有橙既呢?

上次夏天時見到橙樹上結滿橙.....

 今次係冬天,樹上既橙一樣多到密麻麻!

 真係好想摘返個!  (作吓狀啫~ 你估我搏拉咩??? )

 突然行到一處熟口熟面...我都未出聲,老公已經話: HonHon~ 妳喺依度影過相架!
_1301.gif image by veronica_tsim

 係呀! 2年多前我喺度影過相架!  (2007年6月)

 依張相Mr.T似唔似一個蕩失路喊緊既"靚"仔?? 哈哈~~~~

 第一個舊地重遊既地方~

 我地又黎嘞!!
_1652.gif image by veronica_tsim

 查實我並唔知依個噴水池咩名堂?  反正依種靚靚噴水池成個羅馬周圍多的是......

 只係我記得honeymoon 時我地曾經喺度留影!  (2007年6月)

是日奇景......

 噴水池附近依間小食店認真巴閉 - 意大利pizza, 土耳其kebab + 日本sushi 都有得賣!!! 但感覺有少少9唔搭8......
_1282.gif image by veronica_tsim

 

影完噴水池,我地繼續行去下一個目的地~ 不過........

   我: HonHon~ 我記得果間有人唱歌既餐廳好似喺依度附近!

 老公: 我都記得好近依度!

   我: 不過我唔記得exactly 喺邊度喎......你記唔記得呀?

老公: 我唔記得呀~ 只係記得喺一條橫街仔裡面......

於是我地再繼續行,突然我望入其中一條橫街........

 好似係依間喎!!!
_1301.gif image by veronica_tsim

當時餐廳裡面有燈但仲未開門,我 + 老公喺門口裝裝吓..... 應該係依間嘞!!?!

再望望餐廳對面 - 肯定係依間嘞!!!  因為餐廳對面係一間好細既Internet Cafe!

當年我地未有netbook,雖然係honeymoon,但有日老公有工事要處理,要搵地方上網......就係咁意外地比我地發現Internet Cafe 對面依間餐廳!

我 + 老公對望咗一下,決定是晚返來依間餐廳食飯慶祝情人節!

2008111213534088.gif image by veronica_tsim

 

再繼續行去下一站 - Piazza di Spagna (西班牙廣場)~

 又黎過! 嘻嘻~~~
_1291.gif image by veronica_tsim

 位於Piazza di Spagna 既Scalinata di Spagna (Spanish Steps - 西班牙階梯)係歐洲最長 + 最闊既階梯!

2008111213534002.gif image by veronica_tsim
 Spanish Steps 共有138級; 由一個叫做Francesco de Sanctis 既人17世紀時設計,不過係由一個法國政府人員Stefano Gueffierwas 比錢興建~

點解喺意大利,但又叫做"Spanish Steps"呢?

_1278.gif image by veronica_tsim

因為17世紀時西班牙領事館位於依個廣場! 順理成章叫做Piazza di Spagna~

 我地背後既Twin Tower 係一座法國教堂 - Church of Trinita dei Monti~ 教堂係1502年由法國國王Louis XII 興建既!

 緊貼住Spanish Steps 右面既建築物曾經係英國詩人John Keats 既住所~

John Keats 1821年死後,住所舊址現時成為咗John Keats 既紀念博物館!

西班牙廣場真係好國際化啊!!!!

 事有湊巧 - 我地honeymoon 時又係最後一晚留喺羅馬時去參觀Spanish Steps 喎!

可見當時既Church of Trinita dei Monti 正在修葺緊~ (大家搵唔搵到我喺邊呢? )

 Spanish Steps 下面,仲有個出名既Fontana della Barcaccia (破船噴泉); 建於1627年~

_1282.gif image by veronica_tsim
 我: HonHon~ 何解你一副"嘍打"咁既樣??

_1303.gif image by veronica_tsim
 老公: 依度好多人打荷包架!!!

 

離開西班牙廣場後,我想起我地只日間到過Piazza di Trevi (許願池)~ 但我見到店既明信片有許願池既夜景,打哂燈好鬼靚......

反正都係喺附近,就過去及及啦!

 真係好靚啊!!! (我講緊我 + 老公!! )

 反正都來咗......再許多幾個願先!

 老公又唔執輸許埋一份......

  (設計對白)

 

去完許願池之後,我地就返去honeymoon 時去過既餐廳 - Il Giardino di Albino 食飯提早慶祝情人節!

Il Giardino di Albino 裡面好大,間隔分開3間大餐廳~ 一個老闆樣既阿伯招呼我地入座最大既"garden"廳,當時裡面大約有3、4枱客人......

依個時候老公同老闆樣講: 請問我地可唔可以坐隔離張枱? 我地2年前honeymoon 時來過依間餐廳,當時係坐果張枱~

老闆樣即時笑笑口比我地坐隔離張枱!

 餐廳同記憶中既完全一樣無變過! 只係有幾張枱椅既擺放位置改動咗少少......

 仍然有人現場彈唱意大利民歌! 不過我就唔記得唱歌既係咪同一個人嘞!!?!?

哈哈~~~ 佢唱既歌有幾首都比"軟硬天師"改編過!!

_2145.gif image by veronica_tsim
 開餐嘞!!!!!!!!!!

 我既頭盆 - Spaghetti alle Vongole Veraci (鮮蜆意粉)~

Honeymoon 時我地喺羅馬既一星期裡面,我每一日都不停食蜆~ 果次食咗好多次鮮蜆意粉,但以Il Giardino di Albino 最好食!

_542.gif image by veronica_tsim

意粉煮得剛好al dente 得來唔太硬,只簡單地用橄欖油、白酒、香草來烹調,意粉有微辣配合鮮蜆既鮮甜味......實在太太太好味~~~~~ 而且佢地比好多蜆!

今次依碟味道同記憶中一樣! 依然好多蜆,味道依然係咁正!! 真係整多碟比我都食得哂呀~~~~~

 老公頭盆 - Pappardelle a Modo Nostro (蜆肉忌廉闊麵)~

老公依個蜆肉先去咗殼 (可能因為有忌廉汁,先去殼會方便d~),香濃creamy 同樣帶微辣既忌廉汁,加埋白酒 + 香草,配合充滿蛋香既全蛋闊麵......what more can I say?

查實依2大碟pasta 應該係"First Dish - 第一道主菜"先啱!

意大利人進餐一般會先食Antipasti (Appetizer / 頭盆); 跟住Primi Piatti (First Dish / 第一道主菜); 再到Secondi Piatti (Second Dish / 第二道主菜); 最後先到甜品 / 咖啡或茶。

不過我地都係習慣平時頭盆 + 主菜只2個course 既食法,所以多數會skip 頭盆或第一度主菜!

 我既主菜 - Grigliata Mista (燒海鮮)~

雖然海鮮好新鮮好鮮甜,不過好細碟啊!!!!  好彩頭盆既意粉好鬼大碟補返數啫~

 老公主菜 - Maialino al Forno Con Patate (大舊燒豬配燒薯仔)~

好正呀~~~~~

_1351.gif image by veronica_tsim
 豬皮燒到卜卜脆香噴噴,而且成大舊都係淨肉來無骨架!

 另外點咗一大碟Insalata Mista 沙律兩份分~ 兩大枝Balsamic Vinegar + Extra Virgin Olive Oil 任我淋幾多都得!

 睇返舊照,原來我上次點既頭盆 + 主菜同今次一模一樣喎! 我真係好鬼專一既啫~~

不過好似上次既海鮮 + 蜆肥美好多喎~  可能因為上次係夏天啦!

 

Il Giardino di Albino 既氣氛非常好,除咗有人現場彈唱之外,餐廳所有侍應都好好客活潑友善,整間餐廳充滿咗地道意大利人進食時熱鬧歡樂既氣氛!

Il Giardino di Albino 位於小橫街裡面,而且周圍並非重點旅遊景點,可能因為咁比較少遊客會留意 / 發現到依間餐廳! 我地見到進門既客人,幾乎全部都好似同餐廳既人好熟絡,一入門口就熱烈擁抱 + 互相問候過不停......

另外可能就係因為少遊客光顧,侍應們既英文非常麻麻~ 不過佢地就算明知自己講得唔好,都好肯嘗試用英文同我地溝通; 而當我地用意文講一聲"grazie"向對方道謝,佢地會誇張地露出開心驚喜既表情~ 超友善 + 熱情既服務搭夠,補返哂滿分!!

Il Giardino di Albino 地址: Via Zucchelli, 29 00187 Roma

 

 喺"預告篇"出現過既佢,其實係今次serve 我地既侍應~ 上次我地來Il Giardino di Albino 時佢已經喺度,我一入門口已經認得佢!

點解我咁肯定呢?

因為我覺得佢個樣好似"小木偶奇遇記"Pinocchio 個老豆!!!

 上次並唔係"小木偶老豆"serve 我地,而係依位男士~ 不過..........

依張2年多前既相係由"小木偶老豆"渣機架!

_1344.gif image by veronica_tsim

上次"小木偶老豆"渣完機,鬼馬地扮哂收埋我部相機; 今次同佢一齊合照完,佢又重施故技~

我地當然認為"小木偶老豆"會認得我地啦! 不過依種舊地重遊,重見故人既感覺好得意! 唔識點形容........

雖然並唔真正認識"小木偶老豆",但2年多後再次見到佢,佢仍然咁活潑友善,有種好warm 既感覺啊! 希望下一次再到羅馬時會再見到佢啦!

情人節前夕重溫honeymoon 時到過既地方,我 + Mr.T 第11個情人節真係過得超級浪漫啊~~~~ (

2008111213530154.gif image by veronica_tsim
我覺得!)

 

 

 

點煮網贊助

回應

loading
點煮網贊助

孖T翻啅意大利。羅馬2010 - 超浪漫提早情人節Dinner