一份廿年前既情人節禮物

La Cuisine De Veronica
加為朋友

Hunger is the best seasoning~ ♥

一份廿年前既情人節禮物

一份廿年前既情人節禮物

一份廿年前既情人節禮物

點煮網贊助

一份廿年前既情人節禮物

2009-02-10 |

仲有幾日就係情人節嘞!  唔知大家買咗禮物比另一半未呢?

依隻紅寶鑽石戒指係廿幾年前一份情人節禮物~ 不過唔係我既,我冇咁堅幾歲就有情人節禮物收...... 其實依份係當年V爸爸送比V媽媽既情人節禮物! 原本並唔係戒指,而係一條紅寶鑽石頸鍊~~~

當日V爸爸送頸鍊比V媽媽既時候,我都在場~ 而且到依家仲記得好清楚!  當年我仲讀緊小學,應該係放農曆新年假,西方情人節咁啱仲係學校假期,所以我返咗V家住......

情人節當日V爸爸早收工返來,攞咗個紅色首飾盒出來比V媽媽,跟住攬住V媽媽咀咀! 其實V爸爸只係輕輕咁鍚V媽媽一啖

 不過當時我細個,雖然我都覺得好sweet,不過同時又覺得鍚咀好大件事 + 難為情~~~
 所以我掩眼大叫跑咗出廳......

隔咗一陣我返入房,V爸爸坐喺V媽媽隔離溫馨地一齊"欣賞"條頸鍊~  我走埋去問V媽媽係咩來......

 V媽媽: 靚唔靚呀? (將首飾盒遞比我睇~)

 我: 好靚呀!!! (當時細個覺得所有閃閃令既野都好靚!!!!)

 V媽媽: 靚咩........

 V媽媽: 呵呵~~~~ 有人冇禮物喎!!! (V媽媽特登整鬼我......)

 我:.........

依個時候V爸爸從購物袋裡面攞出3盒童話故事書比我!

 

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

咁紅寶鑽石頸鍊點解會變咗紅寶鑽石戒指呢????

自從V爸爸送咗依條頸鍊比V媽媽後,咁多年來 - V媽媽一次都冇帶過!!!!! 因為個款完全唔掂~~~ 

 而且依廿幾年來,間中會聽到V媽媽埋怨V爸爸: 成4千銀走去買條咁既鍊blah blah blah......

直至幾年前我放暑假返香港,喺V媽媽房間閒聊,唔知點解又講起依條頸鍊...V媽媽仍然係果句 - 成4千銀買條咁既野返來!!! (由"咁既鍊"變成"咁既野"~~~) V媽媽突然攞出條頸鍊來......

 我: 唉~ 依條鍊真係慘! 由出廠到而家咁多年來都冇比人帶過......

 V媽媽: 咁既款點帶呀大佬!?!!!?? (我大個咗後都頂唔順個款!!!)

 V媽媽: 阿妹~ 不如妳攞走吖? 妳後生女帶襯妳架! (V媽媽非常認真地提議...)

V媽媽講完之後,同我對望咗3秒......之後一齊爆笑!!!!!!

 V爸爸聽到我地既對話一臉尷尬......

 V爸爸: 咩野啫.....依條鍊好野來架~ d石好靚架!

 V媽媽: 廿幾年前成4千銀緊係靚啦!!! 但個款咁攞膽點帶呀?? 我真係服咗你咁既款都揀得落手!!!

 V爸爸: 咁果陣時興依d款嘛.......

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

其實條頸鍊並唔算醜樣~ 只係個款真係老土過時咗d! (最衰冇影相存底!!!!!

) 亦幾難襯衫~ 所以我都唔會帶出街......

就係咁...V媽媽將頸鍊送咗比我~ 我擺埋咗一段時間,不過我真係唔想浪費咗依條頸鍊,於是老公就帶我去佢一位家族生意做鑽石工場既朋友 (老公求婚時就係託依位朋友喺比利時訂粒鑽石返來再鑲~ ),佢地既設計師幫我將頸鍊重新設計成為戒指!

(當時係我話想整戒指......而家唸唸吓真笨!!!!! 戒指我有好鬼多~ 應該叫佢地改造另一個鍊咀就差唔多!!!!!

)

原本頸鍊係由K黃金、1粒心型既紅寶石 + 13粒碎鑽組合而成既; 我同設計師講想改成簡單唔花巧既款式~

 設計師同我解釋 - 因為總共有13粒碎鑽,所以最好造成"V"形~

 若只用碎鑽圍住紅寶 / 鑲圈...會用唔哂所有碎鑽!  造成V型 - 心尖底下1粒碎鑽; 另兩邊每邊用6粒來鑲圈~ 咁就用得哂所有碎鑽嘞!

 

唔知係咪因為依條頸鍊?

 從此過時過節,V爸爸都係比現金V媽媽自己買禮物......

 

 

點煮網贊助

回應

loading
點煮網贊助

一份廿年前既情人節禮物