5遊花都 - 第一日(3月24) 出發啦~~~

La Cuisine De Veronica
加為朋友

Hunger is the best seasoning~ ♥

5遊花都 - 第一日(3月24) 出發啦~~~

5遊花都 - 第一日(3月24) 出發啦~~~

5遊花都 - 第一日(3月24) 出發啦~~~

點煮網贊助

5遊花都 - 第一日(3月24) 出發啦~~~

2008-03-29 |

 

已經係第5次去巴黎嘞! 雖然今次天氣唔太好,不過巴黎依然係咁靚! 地方依然咁好玩,食物依然咁好食,依然冇損我shopping 既興志!!!!!

第1日: 其實舊年4月中我地都去過巴黎~ 當時巴黎天氣超好,仲熱到要著背心! 今次去前都check 過吓天氣,但我唸 - 都3月尾啦,應該唔會同4月相差太遠啩......而且internet 話巴黎同英國相差成6、7度~~~~ 點知架飛機一land,我一望就知大鑊 - 落雪喎!!!!!! 我已經著咗件cashmere + Burberry 褸~ 但一出到去都係凍鬼死我!

朝早去機場前只食咗個餐蛋包~ 拿拿淋去酒店check in 之後已經好鬼肚餓! 出面又落狗屎~ 所以睇吓酒店附近有乜野食......我地發現原來附近有好多中國人開既日本餐廳! 可能多日本人來巴黎買LV(我估!) 所以巴黎都幾多日本餐廳! 但巴黎既日本餐廳有兩種 - 日本人開 + 中國人開~ 我地兩種都食過! 咁點分呢? 日本人開既日本餐廳有好多唔同既食物 + portion 好細; 而中國人開既 - 招牌 + 餐牌...仲有食物味道間間都差唔多~ 一定有魚生壽司 + yakatori 串燒! 仲要大大份 + 好鬼平......不過雖然係中國人開,但好好食架!!!!!!

我同老公咁鍾意食日本野又咁鬼肚餓~ 依個時候中國人既日本餐啱哂我地!!!! 佢地d套餐好鬼抵 - 十幾euro 一個餐,包沙律、麵豉湯、魚生或壽司一大碟、串燒4至5串+白飯一碗...

 酸酸地既椰菜沙律(似coleslaw 但又唔係coleslaw 來~) - 老公好鍾意食! 但我肚餓時唔食凍野,我果兜多數比埋老公; 好好飲既麵豉湯(好濃)!

 老公既串燒+魚生套餐; 我既串燒+壽司套餐......好鬼好味!!!!!!!!!

 食飽飽後仍然落緊大雨~ 反正都去唔到邊度玩,最好去shopping! 我地到巴黎果日係假期Easter Monday~ 有好多舖頭冇開! 巴黎市面好靜 + 少人......所以行咗唔係好耐,不過都有收鑊: 衫、茶包1盒、假眼睫毛、眼線筆、膠砧板1塊 + 廚房掛勾1pack......(WTH?!!!?!?)

 行到有d腳攰~ 就去咗酒店附近著名蒲區"Latin Quarter" 既一間"鹹濕吧"(Latin Corner Cafe)飲野...我話係"鹹濕吧"但唔係指唔正經既地方! 只係吧裡面既裝飾陳設 + menu 上既飲品名稱都係同"性"有關......燈上面掛住好多bra; 飲品竟然叫做"Sex in the kitchen"; 仲有waiter 著件T 恤背脊印住"Fxxk Me!"

 飲完野返咗酒店抖一陣,又係時候出去食晚餐! 我地見到Latin Quarter 果度好多餐廳,我地見餐廳放咗好多食物出來,所以求其入咗一間(Acropolis) - 不過係食希臘野既!

 唔知係咪法國人少見中國人遊客識講法文(老公識講!)...還是佢地覺得我地個樣好爛飲??? 05年去巴黎時,試過喺一間法國餐廳老闆請我地飲咗兩杯紅酒.........今次我地入到依間希臘餐廳,老闆又請我地飲兩杯! 不過依兩杯同之前果兩杯相差好鬼遠! (依兩杯都唔知係乜鬼野來!!!!!! 好鬼難飲~) 因為禮貌...都要乾鬼咗佢 - 老公搞掂!

 希臘野以海鮮+大舊肉為主~ 頭盤我食咗原隻大魷魚塞飯; 老公食咗炸魷魚圈...

 主菜老公食咗串燒大舊肉餐 - 好似有豬牛羊雞+腸; 我就食咗串燒海鮮餐 - 有大蝦2隻、三文魚一大舊 + 2舊好鬼厚肉既墨魚~ 兩個餐都包埋沙律、半隻焗薯 + 一堆淋咗唔知咩汁既飯...好好食 + 好滿足!!!!!!

食完晚飯本來想去紅燈區行吓...但"有人"食得飽得滯要返酒店去廁所!!!! (呵呵~ 唔話你知係邊個~) 所以就call it a day!

****************************************************************************************************

本來我想將4日既遊記放埋一個~ 但啱啱發現每篇blog 只可放20張相! 所以4日分開4篇啦~ 

點煮網贊助

回應

loading
點煮網贊助

5遊花都 - 第一日(3月24) 出發啦~~~