廚具 / 餐具購物狂

La Cuisine De Veronica
加為朋友

Hunger is the best seasoning~ ♥

廚具 / 餐具購物狂

廚具 / 餐具購物狂

廚具 / 餐具購物狂

點煮網贊助

廚具 / 餐具購物狂

2008-04-22 |

幾個月前因為我撻錯爐,所以燒燶咗個爐頭蓋~ 尋日去InStore,入去前已同自己講過 - 淨係買番套爐頭蓋就走人!!! 點知佢地又減價~~~~~ 所以就"順便"打個轉,就係咁...............又衰咗!!!!

我屋企有好多碗碟餐具~ 除咗筷子係黑色之外,碗碟兜清一色係白色! 當中有成套買番來,亦有分開買......但係我屋企得兩丁友開飯,邊用得咁多碗碟呢??? 不如做個統計...睇吓屋企有乜~~~~

- 飯煲3個: 一個細既西施煲平時兩公婆用; 一個大電腦飯煲,請客多人時用; 一個未開 + 未用過既多功能Tefal 飯煲;

- 飯殼3個: 兩膠一竹;

- 大菜刀4把: 全部同樣用途,我睇心情用邊把;

- Fillet 刀3把: 全部用途相同;

- 砧板3塊: 分開切既食物...一塊生 + 兩塊熟;

- 鑊5個: 平底、grill pan + 炒餸鑊3個...(有一個新買未用過~);

- 鑊剷5個: 兩個膠既用來煎野 + 3個用來炒野既竹 + 木鑊剷

- 湯煲3個: 一大一細 + 一個未用過既高速煲 (唔識用~);

- 湯殼2個: 一大一細;

- 刀叉2套: 一套係平時自己用; 另一套係靚野來 - 請客時先會用;

- 電熱水煲2個: 一個保溫 + 一個只煲水;

- 日式茶具2套 + 茶壺3個 (最返我又睇中一個玻璃既!) + 茶杯3外套(淨係用來飲茶既茶杯...玻璃杯另計~)

- 磨茸器2個: 一大一細;

- 鹽 + 胡椒樽2套;

- 電Chopper / Mixer 3個;

- 其他古靈精怪,唔同用途既廚具e.g. "壽司定形盒" + 白色碗碟兜無數............(唔敢再數!!!)

我有時都覺得自己好sad~ (唉!) 但係我一見到鍾意既餐具就不能自拔!!!! 好想買哂返屋企!!! 我覺得靚既餐具唔單止係餐具,仲係"藝術品"來~ 用靚既餐具食野會食得更happy; 用自己鍾意既廚具煮餸又會煮得特別開心~~~~~~~~

講番我喺Instore 買咗乜鬼: 爐頭蓋1套、大中小3個一套既cookie cutter、純白色細兜2個 + 靚靚白餐碟4隻~~~~~~ 依隻餐碟既外表質感,同靚餐廳用既高級瓷器一樣~ 想忍手唔買都唔得!!!!!!

不過我今後真係要好好控制吓自己.......................!!!!!!

點煮網贊助

回應

loading
點煮網贊助

廚具 / 餐具購物狂