Weekend 買買買之"交換禮物"

La Cuisine De Veronica
加為朋友

Hunger is the best seasoning~ ♥

Weekend 買買買之"交換禮物"

Weekend 買買買之"交換禮物"

Weekend 買買買之"交換禮物"

點煮網贊助

Weekend 買買買之"交換禮物"

2008-10-06 |

星期日唔洗返6299度食飯,成個weekend 躝街躝足2日! 真係爽~~~~ 

連續2日都早起身,老公落街買早餐返來,食完就去行街~ 星期六(10月4日)天氣麻麻,所以只喺Glasgow 行吓 + 做吓grocery shopping; 尋日星期日(10月5日)天氣超好,我地就去咗愛丁堡!

去親愛丁堡,都會去我最最鍾意既舖頭 - LV 打個白鴿轉! 因為Glasgow 冇LV Shop...

 早幾日喺LV website 睇到依條Sweet Monogram Bracelet~ 好鬼鍾意!

Sweet Monogram 系列有介指、頸鍊、手鍊、耳環 & 頭箍; 而且有3個色: 金色鍊配紅色系吊飾、金色鍊配粉色系吊飾(搵唔到相) + 銀色鍊配黑色吊飾......

 本來我鍾意依條銀鍊配黑色~ 仲想買埋matching 既耳環......但去到shop 一帶上手試,最唔靚既竟然係黑色! 至於金鍊配粉色就唔夠sharp; 耳環個款雖然好靚,但比我預料大隻好鬼多!!! 唔多襯我......

 所以最後只買咗金鍊配紅既手鍊~ (緊係老公送啦!
) 好鍾意啊~~~~

上次老公去愛丁堡開會,我去join 佢食dinner,本來打算join 佢前去LV 買份禮物比佢做小小驚喜......點知我一到愛丁堡,老公就電話到,失去咗個好機會......尋日買完手鍊離開咗LV Shop,老公話想去睇games,不過要行好多條街......見機不可再失,我就話: 我唔陪你睇game 嘞~ 我去Jenners 睇廚具!  

於是老公送我去Jenners 後自己行去睇games~~~ 我見老公行走咗,我就即刻行返出Jenners 門口,反方向行返去LV Shop...點知依個時候老公竟然回頭望!

 佢走返來問我做乜行返出來?
 我求其講咗個藉口打發佢走~~~
確定老公真係行走咗,我就快步走返去LV Shop,因為唔知老公睇games 睇幾耐 + 會唔會改變主意行返轉頭!!!

原本想買條呔~ 不過最近潮流興幼呔,LV 冇幼既; 99上星期去美國返來,送咗條Hugo Boss 幼呔比老公......

 所以買咗個新款Damier Graphite 銀包比老公~

 新鮮熱辣既深灰色Damier,出咗個零月左右~ 之前我喺網上睇到,
第一眼已經覺得好襯老公!!! 好可惜暫時依個色既產品不多......

老公睇完games 就返來meet 我~ 當我比袋禮物佢時,佢個樣驚喜 + 開心! 不過佢就玩野同我講: 咦~ 妳又返去買埋對耳環呀?

老公話好鍾意個銀包 + 佢好感動...

 唔係淨係收禮物先開心架! 見到老公咁開心,我都好開心架!
咁個銀包 + 手鍊就當係拍拖9週年既禮物嘞~~~~

P.S. 人地話LV 銀包閒閒地可以last 最少10年~ 不過老公就一定用唔到10年!!! 佢平均用3年,個銀包仲係完整既已經要偷笑......同老公一齊9年,我已送過1個Hugo Boss + 2個LV 比佢~~ 不過果2個LV 個樣已經變到好vintage......

>>>>>>>>>>>>>>>>>>>>>>>>>>>>>>>>>>>>>>>>>>>>>>>>

喺愛丁堡發現有間新開賣古怪小玩意既舖頭......

 好可愛既巨型rubber duck~ 不過買來都唔知放喺邊好......所以都係影張相算嘞!

 超搞笑既拖鞋烏蠅拍~

舖頭裡面好多人~ 不過我地發現大部份人都係搞搞震冇幫襯! 我地唔係架~~~~ 我有幫襯架!!!

 我買咗2盒火柴形種子: 混合香草 + 士多啤梨~

 只要插喺花盆裡面,淋水就可以種架嘞~~~ (佢話!)

行完愛丁堡,我地就去咗Livingston Mcarthur Glen Designer Outlet,不過只行咗個零鐘買咗少少野就閊門! 順便喺Mcarthur Glen 裡面食咗餐唔多好味既中式自助餐...咁就返屋企嘞!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

依個weekend 收穫幾豐富!

星期六我仲喺Lakeland 買咗一大堆廚具用品......

 最近整撻整上癮! 於是買咗欖形撻模,唸住整鮮果撻~~~

不過都係老公穫豐富d~ (無幾可...) 因為佢仲買咗部Nintendo DS + 一大堆games! 

 知老公莫若體貼既我~  買咗咁多新games 佢一定好心急想玩!! 所以星期六既晚餐,買咗好多急凍中式點心,返到屋企用電蒸籠蒸熟就食得! 食完佢就開工打機~~~~  

點煮網贊助

回應

loading
點煮網贊助

Weekend 買買買之"交換禮物"