二人世界hea 後晚餐 - 2011年10月30日至11月3日 (附食譜)

La Cuisine De Veronica
加為朋友

Hunger is the best seasoning~ ♥

二人世界hea 後晚餐 - 2011年10月30日至11月3日 (附食譜)

二人世界hea 後晚餐 - 2011年10月30日至11月3日 (附食譜)

二人世界hea 後晚餐 - 2011年10月30日至11月3日 (附食譜)

點煮網贊助

二人世界hea 後晚餐 - 2011年10月30日至11月3日 (附食譜)

2011-11-05 |




10月30日: 香辣淡水小龍蝦; 炸銀魚 & 油菜


每次hea 完後我都有個後遺症...

返到屋企要宅返幾日我先有心機煮飯!

查實因為無論出國抑或喺英國境內short break 都好,

每次返到屋企總係左一大堆shopping,右一大咋污糟衫!!

齋係處理依2堆野都足以令我無咩心情再煮飯~



今次跟老公出trip 幾日返來後情況都係一樣,

加上親戚準時探訪勁攰,想承機偷懶耐d!

但今次我由Birmingham 返來後第二日即時煮咗依餐三餸無湯,

本來真係唔想煮,不過......


原因1 - 因為有依咋野!

趁佢生生猛猛夠哂新鮮嘛,擺得太耐就唔好啦~

由於佢地太生猛,洗佢地 + 煮佢地時都怕比佢地拑親,

加上又有少少唔忍心......(好矛盾! )

所以煮既成個過程我喺廚房V嘩鬼叫,

我每嗌一次,

Mr.T 就會問我: erm...Honhon~ Are you OK ?



同小龍蝦經過一輪搏鬥,終於香噴噴上枱!


用依樽早排買既泰國香辣蒜油醬來炒小龍蝦真係好惹味!

(咁炒一炒就無咗大半樽!!)


 
原因2 - 因為有依包野!

喺蘇格蘭好少買得到whitebait,

今次喺Birmingham 街市魚檔見到有大包雪藏又抵買,

咁就買啦~

以為有個保溫袋加上天氣凍,可以捱到返去蘇格蘭,

點知返到屋企成包已經完全解凍哂......

唯有第二日拿拿淋一次過煮哂佢!

雖然係洋人炸法,不過酥脆 + 鹹香送白飯一流~~~


成包一次過炸哂出來一大碟!

咁大包whitebait 只係£4幾真係好抵買,


依碟係之前出街食既,得果幾條仔要成£5賺死佢!


就係咁,hea 完好唔想煮飯既情況下都焗住煮咗依餐~

但睇見老公好enjoy 咁食得津津係絕對值得既!  

而老公就幫我搣蝦殼來報答我,

不過第二日我發現佢彈咗好多辣椒汁喺牆上既痕跡......

香辣淡水小龍蝦食譜click here~


Fried Whitebait (炸銀魚)食譜click here~




10月31日: Marrow瓜扎肉湯螺絲通粉


雪櫃有舊未開封既扎肉;


仲有我離家出走前剩底半條marrow 瓜......

偷懶時想快手有得食,飽肚又好味就一定係煮依個湯粉!

節瓜肉片大地魚湯螺絲通粉(參考食譜)click here~




11月1日:勁多蔥餐蛋湯烏冬

是晚Mr.T 開會晏返,我肚餓唔等佢~

簡單地煮咗個烏冬,煎咗2隻粉藍靚蛋


仲開咗罐瑪莎午餐肉~

午餐肉我平時食開Spam 既,

依罐瑪莎只係未試過買來試吓,

不過我覺得唔夠香肉又好實,

都係Spam 最好味!


不過我好鍾意佢地用條匙依種原始開罐方法,我覺得好好玩呢!

(Spam已經變咗方便拉罐嘞......)




11月3日: 叉燒蛋炒飯

之前一晚攰到連公仔麵都唔想煮,

於是叫老公買盒叉燒返來,

我齋走去煲飯求其搞掂一餐~

剩低既叉燒當然最好用來做快手炒飯啦!

叉燒蛋炒飯名稱食譜click here~ 



hea 得差不多時間嘞~ 今晚來返個三餸一湯先!

Photobucket

 
點煮網贊助

回應

loading
點煮網贊助

二人世界hea 後晚餐 - 2011年10月30日至11月3日 (附食譜)