孖T跨年回"香"省親2010 - 廚房既收穫 (特長!!!!)
2011-03-04 | ♥ 孖T跨年@HK 2010-2011
我個香港跨年之行仲未完果喎! 
話哂今次返香港返得耐嘛，仲有好多餐香港美食未記低呀......
不過今篇唔講玩唔講食，而講吓喺香港有咩收穫!
衫褲鞋襪果d就唔講嘞，因為逐件攞來影相都幾係野......
講吓香港之行後，我個廚房多咗d乜野啦! 
雖然Mr.T 先返英國時幫我帶走咗好多野，不過就係因為我恃住佢幫我帶咗好多野返英國......所以之後我又大買特買! 
Emirates 每人可以有30kg~ 結果老公37kg; 我自己35kg! (無罰錢啊~ )
唔洗錢既收穫......
是咁的......我一直好想買一套類似咁既英式茶杯組~ 不過我唔係真係用來飲茶，只係想用來影相! 
話明係英式，依度當然有得賣，不過一直揀唔啱我鍾意既花紋......
我記得之前返香港喺Sogo 見過好多好靚，2百零3百蚊一套既英式茶杯組，所以今次返香港前同老公提過返到香港搵日去Sogo 睇睇~
返到香港當晚我地返V家見V爸爸V媽媽，傾傾吓計V媽媽突然攞咗2套咁既茶杯出來問我要唔要......
老公一睇都即時"咦......"咗一聲! 
我 (問V媽媽): 妳點知我想要一套依d杯架?
V媽媽: 我唔知架! 我喺街邊檔見到幾靚覺得妳會鍾意咋，如果妳唔要我就送比人架嘞!
哈哈~~~~ 真係知女莫若母呀! 
我根本從來都無同V媽媽提過我想要一套英式茶杯組~
雖然依套只係幾十蚊既街邊檔貨仔，但個花真係好靚我好鍾意!! 
99知我鍾意整野食，佢行街時見到依個量羹覺得好得意，買咗送比我! 
上海街戰利品.....
間中會整蛋糕比99或朋友，但英國好難搵到依種靚靚蛋糕盒! 今次一口氣買咗10個盒 + 10個蛋糕托，有排用!
大魚 + 細魚模因為太大，要剪走d角位先放得到入鑊蒸! 
想買依套野好耐架嘞，英國既唧花咀套組下下要幾十鎊一套架! 
啱啱去到上海街睇頭頭果幾間店已經見到依套野(一模一樣!)，但價錢全部要過百，當時老公催我快d買 - 佢費事我後悔遲吓要行返轉頭......
不過我最後証明咗 - 買廚具依家野始終都係女人叻! 
因為行到尾尾幾間，比我搵到一間依套野只賣$95~ 成交!!
哇哈哈~~~~~~ 
Jusco 10蚊店戰利品......
一得閒我就走去行Jusco 10蚊店! 
因為其實依個pan 都幾無聊! 
我好鍾意 
仔型既廚具架! 每次見到都一定唔會放過~
)
)
今次喺香港唔敢再狂買化妝護膚品，因為上次返香港買咗太多，有好多仲未開呢......
其實我本身都有一塊，不過果塊好鬼大......
咁點解今次買咗2塊細呢? 因為我第一次去心急買咗塊細綠色，後來再去時先見到塊粉紅色，我貪靚買埋佢~ 
想試吓玩日式插花好耐嘞! 不過英國買唔到劍山，上網買又好貴~
深水埗意外收穫......
陪老公去深水埗黃金商場，經過一間裝修簡陋既廚具貨尾夜冷店......
想買一個燉盅好耐架嘞!
不過中式超市既燉盅一律係白色配死人藍花紋 
食得落肚既收穫......
基本上英國無低筋麵粉賣，所以之前返香港會買日清薄力粉帶返來~
今次試吓依隻台灣低粉，價錢比日清平一半啊! 
除咗有2罐鮑魚之外，仲有......
Auntie 曬既菜乾，係我食過最好食最香既菜乾呢!
自家製真係零舍唔同! 
回應
社交網