孖T翻啅意大利。羅馬2010 - 驚險霸王巴士
2010-02-22 | ♥ 孖T@Rome 2010
第五天 - 2010年2月8日
開心既時間過得特別快，是日要同羅馬講拜拜嘞! 
是日一早起身到酒店餐廳食完早餐後，我地就返房收拾行李準備check out~ (無錯~ 酒店係包buffet breakfast 既! 不過每朝早去食早餐既時候，我都留咗相機 + 手機喺房叉電.....)
) 是日我地係夜機返Glasgow~ 同來既時候一樣 - 要先飛去Amsterdam Schiphol 轉機，所以我地仲有一整個上、下午可以留喺羅馬!
Check out 後我地就攞住行李去搭巴士......
Honeymoon 時我地只搭過地鐵(Metro) + 火車;
羅馬既巴士同英國既好唔同 -
車頭不設車費錢箱; 而巴士停站既時候，車頭 + 車尾門都會同時打開 - 乘客可以自由從車頭或車尾上落巴士!
因為羅馬巴士咁既運作方式，依幾日旅行中我地所見大部份巴士乘客，由上車到落車都從未打票 - 即係搭霸王車!!! 甚至連修女都係咁......
車票係巴士 + Metro 都通用既，巴士 + Metro 系統簡單，亦唔會分"Zone"所以無論目的站距離遠近收費都係劃一!
車票大至分為4種:
1. 單程票: 只搭一程巴士或Metro就會作廢，售2 euros;
2. 一天票: 單日無限次乘搭巴士或Metro，午夜12時作廢，售4 euros;
3. 三天票: 由買票當日計起，3天內可無限次乘搭巴士或Metro，第4天零晨12時作廢，11 euros;
4. 七天票: 與三天票類同~ (唔知幾錢! 
)
我地今次5日行程，由於第1日仲未熟路所以買過一次單程票，之後都係搭的士;
依張三天票到咗第5日就過咗期嘞~ 但酒店附近並無售票既地方......
所以我 + 老公膽粗粗搏一搏搭咗一程霸王巴士 - 由酒店出City Centre!!!! 
出到City Centre 我地先買返張一天票搭Metro 去買souvenir......
一行出地鐵站，竟然見到整條街四面都佈滿差佬!!! 
我 + 老公好似其他路人一樣企喺度八卦吓咩事......
不過我地等咗成10分鐘都無事發生，d警員就收隊離開......到而家我地都唔知咩事咁大陣象!
羅馬奇景......
雖然羅馬陽光普照，而且每日都成十幾度 (我地去果5日試過最高18度! 
)
我 + 老公都覺得好奇怪 - 佢地唔熱既咩??
買完souvenir 後，我地搭巴士去食野啦......
上巴士後老公打完車票，因為車上乘客越來越多，老公又拉住行李，於是我地分開咗坐，我坐車尾，而老公就坐車中間~
沿途我一路望窗外既街景......突然有人叫我一聲，我轉過頭來，見到一個著深藍色制服既男士同我講: Ticket please!
坐我對面有5個韓國男女，我見有另一個著深藍色制服既女查票員問佢地攞票，不過佢地全部都無車票!!!! 
其中一個韓國男勁呀 - 女查票員問緊佢d friend 時，佢全程扮瞓著 
~ 女查票員推醒佢啦......佢又扮聽唔明!! 
真高招~~~~ 
(不過扮乜都係比人捉到......)
我對到佢地正一正，聽到女查票員同果5個韓國男女講 - 要佢地全部交出passports，仲要位位罰款50 euros!!! 
巴士到達總站後，兩位查票員將韓國人們帶落車，逐個抄低佢地護照既資料.......
) 初時我 + 老公見到咁多人搭霸王車，好懷疑巴士點會賺到錢? 
照計佢地應該會蝕到入肉先啱架! 不過果5個韓國人咁比佢地罰一罰就有250 euros 進賑......而家我地終於都知道佢地點賺錢嘞! 
我 + 老公好好彩!! 
雖然我地朝早果次係迫於無奈搭霸王車，但我地事實上真係搭咗一程霸王車嘛! 好彩果程無人查票啫......
不過真係試都唔好試! 
下次再買唔到票既話，我寧願行路都唔會冒險搭霸王車!!!
喺羅馬食既最後一餐......
是日serve 我地果男仔好鬼孤寒!!!! 依碟雞雜只係平時份量一半左右!!
老公必食既薯仔炆牛腩~ 是日炆得特別入味.....
) 老公無厘頭要既薯條~ (已經有咁鬼多薯仔啦!!! 
)
)
食完野再喺Termini 火車站附近周圍逛吓，我地就搭機場巴士去Fiumicino Airport 返歸嘞......
) 
(唔知係印錯字定係特登懶得意呢? 佢地將Seafood 寫成Sea Fruits......
回應
社交網