結婚6週年蛋糕 - 彩繪蛋糕卷心得分享

La Cuisine De Veronica
加為朋友

Hunger is the best seasoning~ ♥

結婚6週年蛋糕 - 彩繪蛋糕卷心得分享

結婚6週年蛋糕 - 彩繪蛋糕卷心得分享

結婚6週年蛋糕 - 彩繪蛋糕卷心得分享

點煮網贊助

結婚6週年蛋糕 - 彩繪蛋糕卷心得分享

2012-10-17 |







買咗"彩繪蛋糕卷1 + 2"N年咁耐,
我終於的起心肝整咗我第一個彩繪蛋糕卷,
作為我 + Mr.T結婚6週年既蛋糕嘞!


第一次整彩繪蛋糕卷,
Mr.T大讚我整得好靚好cute又好食,
我自己認為成品尚算滿意,
至低限度個蛋糕卷部份非常鬆軟可口,合格有餘,
不過繪圖技巧上仍然有好多要改善既地方!

我打算趁啱啱整過一次仲記憶猶新,
聽日再整多一次當練習 + 改善吓技巧......
(今日因為要食花齋唔整得雞蛋!
)
食譜我係跟足書,留返下一篇先分享;
今篇我想分享一下第一次整
彩繪蛋糕卷既少少心得~


雖則話今次係我第一次整彩繪蛋糕卷,
但其實我2日內用咗一打雞蛋,
整到第3個先至成功! (即係相中既成品~
)

我一向都認為 - 最好既學習方法就係親身去實踐~

親身去實踐,結果未必達標或大成功先叫做學到野喎,
有時結果可能未如理想,甚至乎徹底失敗,
但其實喺實踐既過程當中,不知不覺中已經有好多得著!


好似我頭2次整依個彩繪蛋糕卷一樣,
明明蛋糕卷部份好成功,
2個都又鬆又軟又好味兼點捲都唔會爆......
但點解我照足書中材料份量做法,
2次既公仔都全部黐住牛油紙唔甩呢?


第1次我以為自己有步驟做錯或做得唔夠好;
不過當第2次結果都係一樣時,
我就開始唸 - 可能唔係我問題喎...應該係我既用具有問題!

果然不出我所料 - 真係牛油紙既問題!!
書係台譯本,書中稱可入爐既紙叫做"烤盆紙"或"烹調紙";
而香港就叫做"牛油紙"~

其實"牛油紙"係泛指一種半透明用作烘焙既紙,
喺英國既超市可以買到2種唔同既牛油紙:
Greaseproof Paper + Baking Paper~
Greaseproof Paper 多數係白色;
而Baking Paper 大多係淺啡色,
2種同樣都係半透明又可以入焗爐,
而且仔細一睇包裝盒上用途指示......完全一模一樣!

唯一唔同既係 - Greaseproof Paper 會建議你作烘焙用時要先掃油~


我一向只用開Greaseproof
Paper
頭2次我就係用佢,依照書中指示先掃油來整彩繪蛋糕卷,
結果2次都失敗,2次所有公仔都黐到阿媽唔認得!



唔憤氣~ 於是上網做吓research.......
發現另一種牛油紙baking paper 係指明non-stick,
一口氣去勻Asda + Tesco 買哂2卷
baking paper 返屋企!


Asda 果卷係
greaseproof & baking 混合體,
不過重點係指明
non-stick 就得嘞~


Asda greaseproof & baking paper (白色);
Tesco baking paper (啡色);
2種baking paper 質地都好幼滑~


如果將Asda 既non-stick greaseproof & baking paper
同普通
greaseproof paper 來比較......
用肉眼就咁睇唔出有任何分別,
但摸上手就會發現
non-stick 果種紙質較薄 + 幼滑好多(左)~


以我個人首次彩繪蛋糕卷經驗既結論係:

(1) 一定要用
non-stick 既牛油紙(baking paper),
我認為叫做"烘焙紙"會更加貼切;

(2)
Baking paper 本身有non-stick coating
所以唔需要掃油都可以放心一定唔會黐紙
(其實就算想掃油都掃唔到!);

(3) 用一般無non-stick 既greaseproof paper,掃咗油都係嘥氣!
若掃得太多油仲會令紙曲起變形,仲會令繪圖既麵糊浮起甚至走位!!

所以有意想試做彩繪蛋糕卷,首要慎選牛油紙啊!



我建議第一次做彩畫蛋卷時可以跟返書中附送既紙型,
無書既話可網上搵一d類似既卡通圖案,
因為書中列明調不同顏色麵糊所需既份量,
跟書來試做一次可先掌握吓技巧!


我今次情況有少少特別......話哂我 + Mr.T結婚6週年,
無理由整隻無厘頭鬆弛熊架嘛......


所以我揀咗上次同Mr.T放天燈時,畫喺天燈上面既公仔圖!


我覺得初做彩畫蛋糕卷宜選一d比較簡單 + 線條比較粗既圖案,
因為線條太幼的話,撕開牛油紙時會好容易斷開~


所以我都先將公仔圖盡量簡化,
Mr.T既恤衫 + 呔被我簡化成T shirt;
而好似公仔五官依d咁細微既部份就要留空,
等蛋糕卷捲好後先再用畫筆 + 食用色素畫返上去~


所以要準備一set 小號既畫筆!
市面上有一d裝飾蛋糕有專用既畫
筆,
不過我做過research 買唔到蛋糕
專用筆,
可以用一d質素好既尼龍毛筆代替,
尼龍毛筆易清洗又唔容易甩毛~


因為我用自己既圖,
所以要自行計算返各種顏色麵糊既份量~



繪圖 + 填色麵糊用既唧袋 + 唧樽~
其實可以只用唧袋,
或跟返書中所教 - 自己用牛油紙摺成錐形做成唧袋,
不過我覺得用唧樽來畫線條會容易好多!
填色我就用返唧袋~


最後就係要選用質素較好既食用色素!
其實英國超市售賣既食用色素
全部都係絕對安全既,
就算超市自家廉價出品
都係標榜天然,
所以食用安全方面完全無問題,
不過我發現超市
自家出品上色效果強差人意,
尤其係深色如黑、藍或紫,效果都比較差,
所以選用烘焙大牌子出品,效果會較好!







Photobucket
點煮網贊助

回應

loading
點煮網贊助

結婚6週年蛋糕 - 彩繪蛋糕卷心得分享