小V珍藏小曬冷 - Louis Vuitton

La Cuisine De Veronica
加為朋友

Hunger is the best seasoning~ ♥

小V珍藏小曬冷 - Louis Vuitton

小V珍藏小曬冷 - Louis Vuitton

小V珍藏小曬冷 - Louis Vuitton

點煮網贊助

小V珍藏小曬冷 - Louis Vuitton

2008-06-09 |

手袋 - 我唸係女人都唔會嫌多! 我依個凡人都係一樣~ 而我自己最鍾意既手袋品牌就係Louis Vuitton.......依2張相係2004年LV 慶祝150週年時,喺巴黎旗艦店外既巨型手袋廣告影既~ 睇我咁狂野要爬上去 - 就知我有幾鍾意啦!!!

無聊既我有時會攞哂所有手袋出來影全家褔~ (

 太得閒!) 有時同網友討論緊手袋,網友都會想睇吓我有乜收藏......但好抱歉 - 全家褔只供我個人鑑賞! 我係唔會公開既 (所以今次係"小曬冷"!),免得比人話我扮哂野!
 

所以只喺度講部份我覺得比較特別既LV~ (只係對我自己來講覺得比較特別 + 有sentimental values......而唔係特別貴!!!!)

 我第一隻LV...老公送既"Pochette Accessoires"~ (我成日記錯咗係V媽媽送我第一隻LV...但其實係老公!!!) 當時我地住既地區仲未有LV 分店,仲係學生既老公特登帶我去倫敦買!
個袋我已好少用,因為太細,但我覺得好珍貴~~~~ 已經
唔鬼記得幾耐之前咯! 只記得買果日要排隊 + 每人只准買1個,唔夠15分鐘依個款已經賣清!!!  之前條帶濕咗水分開變咗兩條,我特登攞去LV store 換返條帶.......

 03年第一次去巴黎比人打鬼咗荷包
,V媽媽為咗氹返我開心,特登喺香港買返個一樣既銀包(Monogram Zipped Compact),另加一個Damier Naviglio 手袋速遞比我........(
 感動~~~)

 College 畢業時,V媽媽 + 阿姨過來參加我既畢業典禮~ 佢地來英國前順道跟團去歐洲旅行...喺米蘭買比我既畢業禮物 - "Cite MM" + Monogram 波鞋1對~~~~~

 已停產既"Josephine PM"~ 唔記得係邊年老公送既聖誕定係生日禮物~ 不過我好鍾意依個袋!

 05年去巴黎旅行時,喺旗艦店老公送既戰利品 - "Popincourt Long"~ 已停產 + 我本來已經唔記得依個袋叫乜名,多謝網友Princess 話我知個名~

 05年12月第一次去LV Cocktail Party 時買既"Klara"~ 當時我唔知依個袋原來係限量只出一季既,加上全間店只來貨1隻咁大把! 好彩我手快~~~ 嘻嘻!

 06年4月為咗參加Stuart + Fiona 既婚禮,特別買咗套新裙...為咗襯返套新裙買咗依個杏色既Vernis "Roxbury Drive"~ 依個款仍然有得賣,有其他新顏色...但杏色已停產! 所以早排又有人話我講大話.......

 我其中一件嫁妝 - V媽媽買既"Pegase 50"手提旅行喼~ 06年7月尾,V媽媽、V爸爸 + V姨丈過來出席我同老公喺英國既婚宴,V媽媽去LV 朝聖時買比我既~ 佢話依個喼當係我出嫁既衣箱! 唔好睇佢喼仔細細,其實擺到好鬼多野架!

 LV既行李 + 部份款式既手袋會附送埋Name Tag~ 買袋時亦會免費幫你喺Name Tag 上刻上姓名既initial~ 我未嫁前係姓"Lee"既,所以initial 自然係"VL"......睇落去好有"A貨feel"!!!!

 07年4月時喺巴黎買既"Antigua Cabas Navy Striped MM"~ 依個袋好似只出一季 (我買時唔知~),而家成個系列都停產嘞.........

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

除咗手袋之外,我仲有好多其他LV 小配件 e.g. 鎖匙包、化妝袋、電話繩、頸巾、雨遮 etc之類濕濕碎碎既野........

 我用緊既係"Monogram Agenda Fonctionnel PM" 記事簿~

 簿套側有個插筆位...但就細到乜鬼原子筆都插唔落!
 

 依枝銀色既"Golden Agenda Ballpoint Pen" 其實一d都唔好寫 - 太幼! 但為咗方便搵筆,都焗住買咗佢! (我覺得LV 係特登整到個位咁細焗人地買佢既筆既!!!!
)

 "Monogram Multicolore" 既鏡連鏡套~ 而家好似已經停產...(好似~) 鏡係金屬造既,所以唔會打爛! 不過我好後悔買咗白色 - 雖然靚,但易污糟 + 抹唔甩......!!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

我買野一向唔追新款亦更加唔會買limited edition! (亦買唔起...),只求自己鍾意 + 用得開心~~~

 所以我擁有既其他LV 都係大路貨色,冇乜特別......

 不過依2張04年Louis Vuitton 150 週年既明信片 (同款唔同色~) 就係有錢都買唔到! 04年買野時送既......

Louis Vuitton 下一個150週年我都死鬼咗咯.......

 

 

點煮網贊助

回應

loading
點煮網贊助

小V珍藏小曬冷 - Louis Vuitton