Good Luck Ryan! (2011年10月9日)

La Cuisine De Veronica
加為朋友

Hunger is the best seasoning~ ♥

Good Luck Ryan! (2011年10月9日)

Good Luck Ryan! (2011年10月9日)

Good Luck Ryan! (2011年10月9日)

點煮網贊助

Good Luck Ryan! (2011年10月9日)

2011-10-10 |

星期六晚老公從一位朋友既FB得知,

Anthony Nolan - 一個專幫助血癌病患者既慈善機構,

尋日(10月9日)會喺East Kilbride 一間酒店,

為一名年幼血癌病患者Ryan,尋找可以提供合適骨髓作移植既捐贈者~

小Ryan 其實係老公朋友既朋友既兒子...我地並唔認識小Ryan 既家人。

 

老公知道依件事後,戰戰兢兢咁問我: Hon~ 妳覺得我應唔應該去?

我唸都無唸: 你同我都應該去! 我相信換轉任何人,都希望會有人肯幫自己!!

不過,原來老公問我既原因係......

N年前99發現老公填咗捐贈器官卡,鬧到老公飛起!

我了解老一輩中國人既傳統思想覺得大吉利是,

而老公亦知道我某程度上好婆仔地堅持一部份既中國人傳統......

不過此事不在我"婆仔表"上之列!

 

隔咗一陣間......

老公: Hon~ 妳怕唔怕痛呀? 如果妳怕痛,我可以自己一個整果喎!

(我唸Mr.T 比我年頭做完果次手術嚇驚咗!! )

我: 聽日去比口水sample 之嘛,都唔洗抽血~ 就算我sample 吻合要抽骨髓都唔驚! 我手術個肚都開2個窿啦,抽骨髓開1個窿之嘛!!

我深信相比起患病者,身體健康既人肉體上既少少痛苦相當微不足道~

就係咁,我同老公決定第二日一齊去比sample!

 

到達酒店門口時已見人頭湧湧,睇來大家都好熱心支持小Ryan~

不過現場所見...除咗我 + 老公之外,全部都係Caucasians!

我同老公即時有個疑問 - 唔知不同種族可唔可以做捐贈者既呢?

不過接待處工作人員問明我地想比sample 後,就每人比咗份表我地......

 

入咗Ball Room 裡面坐滿填表既人,我 + 老公都即時搵咗個地方準備填表,

不過......

朝早刷牙時磅過自己108磅(約49kg);

 但捐贈者資格體重最少要51kg!

換句說話 - 我唔合格!!

 

知道自己唔符合資格有d失望......

雖然我既骨髓未必適合,但多1個人就多1個機會嘛!

就算今次幫唔到小Ryan,登記後機構會將化驗結果紀錄在案,

將來可能有機會幫其他病患~

最後老公一個登記,填完表後上樓上一間房累啖口水落個膠樽仔就搞掂走人!

 

 

可愛既小Ryan~

希望可以早日搵到適合你既骨髓!

你要加油啊!!

 

 

點煮網贊助

回應

loading
點煮網贊助

Good Luck Ryan! (2011年10月9日)