麥當V - 豬柳蛋漢堡 (附English Muffins 做法)
2011-11-26 | ♥ V乜鬼異國風味
麥當V又來嘞~~~~~
上次係麥當V牛肉漢堡;
今次有麥當V豬柳蛋漢堡(Sausage & Egg Muffin)!
先做English Muffins - 英式鬆餅(約6個):
1. 高筋麵粉2杯(500ml 平量杯); 快速酵母1又1/4茶匙; 鹽3/4茶匙; 砂糖1/2茶匙; 食用梳打粉1/4茶匙，全部材料放入mixing bowl 中。
2. 牛奶和清水各130ml，混合加熱至約110F(約43C)。
3. 牛奶水加入mixing bowl 中，開動mixer (dough hook)將所以材料打勻後續打5分鐘至光滑。 
4. 搓粉處灑上Cornmeal - 玉米粉~ 係用曬乾粟米粒磨碎而成既幼粉，顏色淡黃。千其唔好同煮餸用既粟粉(Corn Starch)混淆呀! 
5. 雙手沾麵粉，將粉糰用麵粉棒壓平約1.5cm，用cooking ring 吸出圓形。
P.S. 唔一定要用cooking ring 既~ 用杯用碗悉隨尊便! 
6. 將圓形放在灑上cornmeal 的平面上，在上面灑上cornmeal，用保鮮紙封好發酵45分鐘。
P.S. 依個麵糰係好黐手既，所以處理前雙手一定要沾麵粉! 
7. 平底鑊用廚房紙抹上少許油燒熱，放上麵糰。 
8. 以中大火每面烘約4至6分鐘，烘至麵糰慢慢脹大變厚和兩面微黃即成。 
9. 雞蛋放在cooking ring 中煎熟。 
10. 豬柳煎熟。 
11. Muffin 切半後略烘，塗上少許牛油。 
12. 放上芝士，豬柳和蛋即成。
暫時我仲未搵到同麥麥豬柳味道相近既pork patties......
(其實都無點正式去搵過! 
)
所以今次我用咗依香腸肉來做patty......
味道呢，基本上係完全唔似麥麥豬柳既! 
不過好過無啦......至少加埋塊芝士整體味道有麥麥既7、8成~
英國麥麥只有早餐時間先可以食得到豬柳蛋漢堡，
每朝過咗10:30am 就無得食......
不過自己整，咁就10:30pm 都有得食啦!
ba,ba,ba,ba,ba I'm lovin it! 
回應
社交網