孖T翻啅意大利。羅馬2010 - 閒逛羅馬市

La Cuisine De Veronica
加為朋友

Hunger is the best seasoning~ ♥

孖T翻啅意大利。羅馬2010 - 閒逛羅馬市

孖T翻啅意大利。羅馬2010 - 閒逛羅馬市

孖T翻啅意大利。羅馬2010 - 閒逛羅馬市

點煮網贊助

孖T翻啅意大利。羅馬2010 - 閒逛羅馬市

2010-02-13 |

睇開我個blog 既網友應該對依張相既pose 熟口熟面!

因為我 + 老公決定以後每到一個地方旅行,都要喺當地既出名地標影一張啜爆相! 哈哈~~~~

 

第三天 - 2010年2月6日 (Part 1)

是日離開酒店後第一件事,就係去逛酒店附近既超市!

因為每日我地玩完返到酒店時,依2間超市已經關咗門~

不過依2間超市都係大同小異,而且比我想像中細......

除咗counter 後面果大咋火腿豬脾之外,其他貨品並唔太吸引到我~

 依種喺好多超市都見到外型古怪既西蘭花 - Broccolo Romanesco~ 我覺得佢個樣幾核突......

 

 行完超市發現隔離有間超級大既家品店!! 做減緊價喎~~~~~

 裡面好鬼大!!! 賣既家庭用品、廚具款式多仲好鬼靚~~~~~~

咦.....................竟然有我套喎! 不過賣得好鬼貴.......

原來仲有依個彩色系列既刀仲有其他款式呢!

我喺店裡面忘形到爭d打爛人地野 ......都係走為上著嘞!!!

2008111213530173.gif image by veronica_tsim

 

話咁快又到食野時間啦!  

 係呀~ 又係Sandhu Caffe' 呀!  (5日行程,我地食足4日~ )

是日午餐......

食極唔厭既薯仔炆腸仔~ 依種腸仔超似香港既廚師牌雞肉腸! 英國無得食......

 我一定要食既"苦苦菜"~

茄汁肉丸~ 個汁就好好味! 但d肉丸就麻麻地......太淋!!!

 唔知咩雞~ 好好味但太少肉.......

 是日有驚喜呀!!!!!! 有牛肚食啊~~~~~ 正正正!

2年多前honeymoon,喺佛羅倫斯一檔小食流動車,意外地發現牛肚包,我先至知道意大利人除咗會食雞雜之外,原來豬牛羊雜都啱喎!

不過果時我以為意大利咁大,食內臟既習慣只係地區性......

 正當我狼吞虎嚥時......

老公不忘贈我一句: HonHon~ 妳依幾日食野真係好勁!  妳唔係eating for 2吓哇!!?!?!?

傻傻地架! 你第一日識你老婆呀?

2008111213530190.gif image by veronica_tsim

 

飽餐一頓後,我地就舊地重遊......

雖則話上次到羅馬時已到過大部份旅遊重點,不過覺得最有代表性果幾個地標,每次重返都應該去留返條腳毛!

是日落毛毛雨~ 趁住天色唔太差,去咗Colosseo (羅馬鬥獸場)兜咗個圈 + 影吓相......

 我地上次已經入過鬥獸場裡面,所以今次並無排隊入去!

 I'm touching it~~~~ 我掂緊千幾年前既建築物呀!!! (老公問我有無"感應到"舊時代既鬼? )

 

老公之前搵到羅馬市Testaccio 區,有出名食內臟既食店旅遊資料~ 決定是日帶我去試試! 去完鬥獸場之後,我地就去Testaccio 區搵內臟食店所在位置......

Testaccio 區日頭非常平靜,並唔係旺區~ 不過一入夜依區會另有一番面貌 - 因為依區而家變咗night life 地區,酒吧、disco 林立,夜晚比日頭人流旺盛!

不過果頭橫街左穿右插,就算日頭都好容易迷路!!! 我同老公渣住地圖喺果頭都兜到頭都大哂!!!

唯有停喺附近一間好正既咖啡店咪地圖......

 依間咖啡店好鬼大!

 糕點五顏六色,款式五花八門,睇到眼都花~~~~

 佢地有好糕點都係細細件,又整得好鬼靚! 連唔鍾意食甜食既我都覺得好吸引!!!

 最後我都係忍唔住點咗2件迷你cream puff; 老公就點咗個巨型cream pastry~ 好食啊!!!

意大利既甜品好似唔太甜喎! 等我下次有機會再試清楚先~~~~

休息完查清楚地圖後,我地終於搵到果區最出名既內臟餐廳嘞!!!!

不過.............佢地晏晝休息!!!! 要7pm 先再開門!!!

2008111213534059.gif image by veronica_tsim

其實Testaccio 區既內臟食店唔止一間,但大部份都係唔起眼既小店; 而且好多羅馬既餐廳習慣中午開幾粒鐘,但晏晝就休息,到晚飯時間先再開門......

Testaccio 區晏晝靜到咩店都關哂門......我地唯有搭車返出Rome City Centre 行街,等晚上再來過!

 

搭巴士時見到車上掛住一個個牌,老公八卦走埋去望吓......

 原來係卡夫忌廉芝士廣告! 上面仲有幾個食譜可供自取~ 雖然係意大利文,但我都攞咗啊!

 

 落車後去咗Fontana Di Trevi (許願池)附近食雪糕!

許願池位於Piazza di Trevi - 係一個面積相當細既廣場!

當年第一次到訪許願池時,我好詫異一個建築咁宏偉既大型噴水池,竟然座落喺一個四周被小橫街圍繞既小廣場之上! 感覺怪得來好得意啊~~~~

廣場實在太細,而且許願池經常爆滿遊客,唔方便set 三腳架~ 合照都要請其他遊客幫忙!

 話咗每個出名地標都要影依張相架嘛!  哈哈~~~~

 等我都許返個願先! (查實我好貪心地許咗幾個.......)

許願方法: 先背向許願池誠心許願 ,然後將錢幣向後拋入許願池內~

傳說只要你喺度許過願,將來一定會舊地重遊!

2008111213530154.gif image by veronica_tsim
真係浪漫得過份~~~

 搞掂! 希望我"果咋"願望全部都可以實現啦!

 路經依間咖啡店,門口有個好可愛既擺設~ 無幫襯都要影返張相! 嘻嘻~~~~

 老公排隊排到出門口......

 就係為咗我手上依大枝野 - Gelati! 我地選咗士多啤梨、朱古力 + 檸檬味~
th000000101.gif image by veronica_tsim

 睇吓Mr.T食得幾鬼滋味!

 

食完雪糕後,仲未係晚餐時候,繼續周圍漫無目的閒逛......

 依間係一間專賣pasta 既店~

 裡面尤如pasta 博物館! 乜野型既pasta都有......

錢形pasta~ 適合發錢寒既人!!!  哈哈~~~~~~~~

 墨西哥帽型pasta~ (依個唔知點煮呢?? )

 我買咗一包依隻"玫瑰pasta"!  唔知會係咩味既呢? 遲d試吓話過你地知! (最左手邊既係咖啡味 .......咪搞我!)

 

行完街我地就返去Testaccio 區食內臟晚餐嘞!

 

 

 

點煮網贊助

回應

loading
點煮網贊助

孖T翻啅意大利。羅馬2010 - 閒逛羅馬市