養生蘋果醋

La Cuisine De Veronica
加為朋友

Hunger is the best seasoning~ ♥

養生蘋果醋

養生蘋果醋

養生蘋果醋

點煮網贊助

養生蘋果醋

2013-04-26 |




我從小自恃食極唔肥,一直放肆地如恐龍般暴飲暴食;
Mr.T舊年去咗南
下工作大半年,我成日一人前食無定時,
期間我又經常舟車勞動南下北上.......
最終舊年9月
中我開始有胃酸過多!
經常有好多胃氣,尤其食完野之後,
成日覺得喉頭有野頂住好唔舒服,有時仲覺得抖氣唔順~


情況時好時壞,我以為只係暫時性,所以一直都愛理不理
姑仔係醫生,期間問過佢意見,
佢介紹咗我食一種成藥,但成效不大!

一直拖到聖誕前我終於頂唔順走去睇醫生,
食咗2星期醫生開既藥,情況有好轉,
不過2星期後停藥,又再開始唔舒服......


Mr.T見我睇完醫生仍然唔舒服,
幫我research過話胃酸過多可以試吓飲醋~
仲飲醋? 咁咪酸上加酸?? 唔明白咩原理,唔敢試!

我一向都少食酸野,有胃酸過多之後就更加唔敢食......

早2星期初一我食素餃子,我食餃子習慣一定要沾醋~

見樽餃子醋剩返唔係好多,素餃子又包多咗,
於是連續2日食素餃子時盡快攪掂樽醋,神奇既事發生嘞......
依兩日食完多醋餃子後,條氣幾個月來前所未有咁舒暢!
難道醋真係對胃酸過多有幫助? 令我心思思想試吓飲果醋~

上網做一輪research,發現有好多唔同講法........
有人話胃唔舒服或胃酸過多,不宜飲果醋;
但亦有好多人話果醋對胃酸過多好有成效喎~
原理係 - 醋本身雖然係酸性,
但進入人體
燃燒後既產物會變成鹼性,
可以平衡返胃中酸鹼度,終於明白箇中原理!
雖然現時醫學上未正式確認醋對
治療胃酸過多有成效,
不過就見到好多飲過果醋既人都話有效,
而醋又一直被標榜成健康食物,再加上我食餃子既經驗,
我認為可以一試飲果醋!




買咗大枝台灣出產蘋果醋......


1:5份量加水
稀釋~ 充滿蘋果香,
味道似酸
微既蘋果汁,非常好飲!

咁飲
果醋對我既胃酸過多有無效呢? 我肯定有!
每日食完午餐我都飲一杯稀釋蘋果醋(一日一杯
)
由開始至今日未夠2星期,雖然仲未斷尾,
不過已經再無胃氣 + 抖氣唔順既問題~



飲用蘋果醋除咗幫到我既胃酸過多之外,仲有好多其他好處:
- 蘋果酸具殺菌功效,能清洗消化道,有助排除關節、血管及器官的毒素;
- 果膠能幫助排泄; 磷有防腐功效; 鉀能滋潤細胞及平衡鈉含量;

-
除油膩幫助食物消化 + 吸收,有助控制及調節體重;
- 調節血壓、通血管、降膽固醇功效;
-
有助治療關節炎、痛風症;
- 強健腎臟; 減輕喉部疼痛、痕癢及發炎的不適;
- 預防傷風感冒,令呼吸暢順;
 - 預防防皮膚乾燥、美膚養顏~

飲用蘋果醋有咁多好處,我會持續依個呷醋習慣!

無論有無胃酸過多,大家都不妨試吓吖~







Photobucket
點煮網贊助

回應

loading
點煮網贊助

養生蘋果醋