5月既情人節癲拿 (2011年5月9日)

La Cuisine De Veronica
加為朋友

Hunger is the best seasoning~ ♥

5月既情人節癲拿 (2011年5月9日)

5月既情人節癲拿 (2011年5月9日)

5月既情人節癲拿 (2011年5月9日)

點煮網贊助

5月既情人節癲拿 (2011年5月9日)

2011-05-13 |

好似好耐無寫過出街食飯......

其實仍然一直有出街食飯,只係越來越唸唔到出街有乜好食,所以幾乎食來食去都係果d,無咩好寫!

 

今年既情人節,因為我手術後傷口未好返,所以無出街食飯慶祝,打算我傷口完全好返先去食返餐好既補慶祝~

傷口已好返九世,不過飯就一直未食! (打邊爐果d唔算啦!! )

 老公間唔中就問: Honhon~ 出年情人節都來緊嘞! 妳究竟唸到想食咩 + 幾時想食未?

無錯~ 係我既問題  - 一係唸唔到想食乜; 一係我唔想出街食......

最後拖吓拖吓,剛過去既星期一(5月9日)我終於有mood 想食buffet!

就係咁我同老公講: 你唔好再問我想食乜嘞,依餐就當係補祝我地今年既情人節啦!

 唔記得影我最愛又最好味既頭盆 - 雞肝醬!!

 塊sea bass 麻麻地,完全食得出係養魚; 火腿燒得太乾 + 有少少太鹹.......

主菜個燒牛肉仍然好味,不過我掛住食唔記得影!

 甜品怪Mr.T.......

 左邊既Bailey's 芝士凍餅幾好味,不過食唔出有Bailey's味道........

 我既Creme brulee, Banana bread + Apple cake~

Creme brulee 仍然係咁好食;

Banana bread 都唔錯~ 唔太甜,可惜太乾爭爭;

Apple cake......我見apple cake 好似幾得意,所以攞咗一塊試吓~ 點知食咗一啖就賴野 - 係肉桂!

我由細到大都好憎肉桂陣味,我覺得"好臭"~~~~

細個時無論去到任何一間麥麥,我都覺得有陣"臭味",後來我發現"臭味"來自麥麥既蘋果批......

(所以我從未食過麥麥蘋果批! )

不過當時既我唸極都唔明 - 蘋果明明唔係咁既味架?

再後來我開始愛上煮野食,慢慢就知道蘋果批裡面除咗有蘋果之外,仲有肉桂! 而且洋人煮野食,蘋果 + 肉桂係兩夫婦 - 蘋果在,肉桂在......

今次因為我食頭盆 + 主菜食懵咗,一時大意忘記咗洋人煮食蘋果 + 肉桂既關係!

果啖apple cake 比我勉強地吞咗,我隨即用大啖creme brulee 來除去仍然徘徊喺口腔裡面既肉桂味道......

至於只比我咬咗一啖既apple cake,緊係Mr.T 幫我搞掂啦!

 

 

點煮網贊助

回應

loading
點煮網贊助

5月既情人節癲拿 (2011年5月9日)