孖T香港日食夜食2008 - 好味宵夜、口痕篇

La Cuisine De Veronica
加為朋友

Hunger is the best seasoning~ ♥

孖T香港日食夜食2008 - 好味宵夜、口痕篇

孖T香港日食夜食2008 - 好味宵夜、口痕篇

孖T香港日食夜食2008 - 好味宵夜、口痕篇

點煮網贊助

孖T香港日食夜食2008 - 好味宵夜、口痕篇

2008-12-12 |

孖T 食乜鬼宵夜......

和民: 我 + 老公都好鍾意食和民! 佢地經常轉餐牌,好似我地咁每年先去到一、兩次和民,去親都覺得好有新鮮感! 果日去旺角既便所餐廳 (Modern Toilet),見到隔離係和民~ 於是當晚行完旺角,就去咗和民食宵夜!

 我既焗海鮮飯~ 熱辣辣又多料,好正!!!

 老公既和風Pizza~ 餅底脆脆地,有少少似印度既popadom!

睇日本漫畫,成日見到佢地食一種叫做"竹筴魚"既燒半乾魚乾~ 雖然只係公仔,但我成日都覺得 - "竹筴魚"一定好好味!

 不過我從來都未試過 + 冇機會試......

 見到餐牌上有個同竹筴魚非常相似既食物 - 花魚燒~ (唔知係咪一樣既呢??) anyway, 條魚燒得好香! 而且啖啖肉~~~ 連老公都話好味!!!

 仲有燒帶子串~

 最後老公要咗杯雪糕~~~

 

花園餐廳: 夜遊旺角之後,食埋宵夜先返沙田,於是去咗花園餐廳鋸扒~~~ 花園餐廳係其中一間我以前好常去既餐廳! 價錢大眾化得來...仲大大份~ 好抵食!!

 扒餐包埋既餐湯,我 + 老公都要羅宋湯~ 佢地d餐包仔都好好食!!!

 我既黑椒牛柳餐~

 老公既雜扒餐~

P.S. 依餐宵夜之前果日,老公患腸胃炎死吓死吓咁款~ 不過第2日已經好返哂...就即刻食雜扒餐!! (死未??) 佢又好野喎 - 腸胃炎冇翻發喎~~~~

 

銀龍: 今次我先發現 - 原來旺角有2間銀龍果喎! 不過我覺得花園街依間好食好多~~~ 是晚宵夜......

 我先來1個羅宋湯~ (茶餐廳 / 快餐店既羅宋湯,通常比餐廳既好飲!)

 來1碟火腿煎蛋飯~ 火腿煎蛋飯係我返香港去茶餐廳時好常點既食物! 有朋友覺得我好怪.....咁鍾意就係鍾意嘛!!!

 再整多杯茶餐廳香濃熱奶茶~

 老公茶餐廳必點 - 炸魚皮~

 依個都係老公茶餐廳必點 - 西多士~

 見餐牌上有豬扒包~ 老公又話要1個!

 

莎莉蛋糕 & 維他錫蘭檸檬茶: 食宵夜唔一定要出街食既~  有一晚我就特登買咗盒莎莉牛油味蛋糕返去做宵夜嘞!

 雖然我唔好甜食,不過我就由細到大都好鍾意食莎莉蛋糕! 不過只限原味!!!! 其他口味試都冇試過 + 唔想試~~~~

 原來老公完全冇食過莎莉蛋糕果喎!!! 因為英國係冇莎莉蛋糕賣既.....
 老公話好香好好食...叫我學吓整!

 盒蛋糕食鬼哂之後好口渴...於是落樓下睇吓雪櫃有乜野飲! (唔係我地屋企來嘛~ 點鬼知啫!!!) 發現一包我完全冇見過既野 - 維他錫蘭檸檬茶~ 依度只有正常果種維他檸檬茶,冇見過依包新野...又幾香幾好飲喎!

>>>>>>>>>>>>>>>>>>>>>>>>>>>>>>>>>>>>>>>>>>>>>>>

太6299朝朝都晨咁早起身去飲早茶,雖然我地好眼瞓,但都會盡量起身陪佢地飲茶......

之但係...我地夜一夜先瞓,咁早起身一時間緊係一d胃口都冇啦! 而且朝朝去同一間酒樓...order 一模一樣點心!

 所以我地去飲茶通常都係唔點食野既~~~~~

"陪飲"完之後搞吓依樣果樣...都差唔多時候食lunch! 所以基本上我地喺香港冇乜機會食早餐.....

大家樂早餐: 有一朝我地陪飲完之後,經過大家樂,我同老公對望咗一陣...就入去食咗2個好味既早餐!

 老公要通粉~ (賣相係核突d......)

 我要腸仔煎蛋配蘿蔔糕~

P.S. 我覺得好味係因為......我好鍾意食雞肉腸! 不過依度又係冇得賣既!!!!!

 

 

>>>>>>>>>>>>>>>>>>>>>>>>>>>>>>>>>>>>>>>>>>>>>>>

發口痕: 老公唔太鍾意蛇羹...其實佢覺得好味~ 只係唔鍾意蛇依個idea! 不過我無論咩時候返香港 + 無論幾多度...都一定必食!

 老公唔食蛇羹...就叫咗碗湯比佢!

街邊小食檔都係我地開餐地方! 老公鍾情雞蛋仔; 而我就愛牛雜, 釀三寶, 辣魚蛋.....(都好多吓~~~~)

 老公除咗鍾意原味雞蛋仔之外......

 仲試咗朱古力口味~~~~

 睇吓我幾鍾意街邊檔!!!!!!

P.S. 寫到依到...開始有d懷疑自己係咪嫁錯咗老公!?!?! 定係老公揀錯地方投胎??!?!? 點解英國乜鬼都冇得賣??!?!?????????

 

點煮網贊助

回應

loading
點煮網贊助

孖T香港日食夜食2008 - 好味宵夜、口痕篇