康泰菲律賓團挾持人質事件之反思 (2010年8月31日)

La Cuisine De Veronica
加為朋友

Hunger is the best seasoning~ ♥

康泰菲律賓團挾持人質事件之反思 (2010年8月31日)

康泰菲律賓團挾持人質事件之反思 (2010年8月31日)

康泰菲律賓團挾持人質事件之反思 (2010年8月31日)

點煮網贊助

康泰菲律賓團挾持人質事件之反思 (2010年8月31日)

2010-08-31 |

上星期係全香港最黑暗既日子,每日睇住電視報紙新聞既進展都令我好心痛,心情低落既我足足一星期變咗單眼皮~ 整個星期都好無胃口,更莫講話煮飯......

尋日(8月30日)係bank holiday,不過我 + 老公並無特別安排節目去玩,平平淡淡咁過咗一個long weekend,正好比時間我自己調節返心情~

近幾日見有網友發表既網誌認為不幸事件已發生咗,再追究亦於事無補,唔可以改變失去咗8條寶貴生命既事實,唔應該再有憤怒仇恨云云......

無錯再心痛再憤怒的確唔可以改變不幸既事實,但我個人認為憤怒係必要既! 憤怒並唔係因為要鼓吹種族仇恨! 我自己喺別人既國家住咗咁多年,好明白種族歧視係咩一回事......

憤怒係為咗要表達比菲政府,甚至全世界清楚知道我地重視生命,要令所有人正視 + 重視整件事,唔可以讓事件慢慢不了了之,反而應該從不幸既事當中汲取教訓,將來先可以有改善有進步~ 當中並不只要為死傷者討回公道,我相信同時對菲律賓不幸既國民來講,都會有所得著!

正面地反觀整件不幸既事,除咗令我地見到依個世界真係有捨己為人既偉大高尚情操存在; 事後亦有曾經想自殺既人因為事件從中明白到生命既寶貴而改變初衷; 令好多人明白到清茶淡飯都係一種難得既幸福,令更多既人學懂珍惜眼前人既道理~

另外撇開政治層面,我地既香港特區政府,甚至中央既政府雖然未必係最好,但我覺得佢地一直都好努力不停改善進步,值得所有香港人珍惜! (此處不談政治,不喜勿插!)

當然亦有反面教材e.g. 成龍果番白痴到震,兜完又兜越兜越"火羅"既偉論.......其實依一切都可以令我地反思生命既意義,更珍惜自己所擁有~ 而且無論係正面或反面得到既教訓,都可以讓我地學習做一個更好既人~

(希望阿大哥今次終於可以學識"唔出聲無人話你啞"既簡單道理! 佢都唔係第一次架啦!! 男人老狗幾十歲將近花甲都咁唔化.......悲哀~ )

週日睇網上電視新聞重播,見到香港人團結自發性上街遊行對菲律賓政府作出無聲抗議,做法理智文明~ 甚至有八十幾歲既婆婆冒住酷熱既天氣都要上街支持,我真係覺得好感動 + 好為香港人覺得驕傲,同時為自己身為"港女"覺得好自豪!

因為今次事件,早前有網友留言覺得我好"熱血"~ 其實我喺英國生活咗咁多年,感覺自己身份有d尷尬,甚至畸形......因為英國有不幸事發生我會緊張、擔心 + 傷心; 當香港有事發生時,雖看似我身在外國隔岸觀火唔會有切身體會,但其實我可以接收到既資訊有限,收到既亦未必係第一手消息 - 可謂知d唔知d........我比香港市民可能更加焦急難耐! 依點我相信同我一樣身處外國既其他網友會好明白~

或者我自己太過婦人之仁啦........但其實,無論我喺英國住幾耐都好,就算我既餘生要留喺英國生活 (我希望老公退休後可以返香港生活! ),我始終係一個香港人!

因為我 - 係一個"港女"!

 

P.S. 今朝起身睇網上新聞知道梁頌學腦壓已回復穩定水平,精神為之一振! 希望佢可以快d醒返! 我地要繼續祝福所有傷者 + 為佢地既屋企人加油啊~

 

 

 

點煮網贊助

回應

loading
點煮網贊助

康泰菲律賓團挾持人質事件之反思 (2010年8月31日)