閣樓的熊啤啤

La Cuisine De Veronica
加為朋友

Hunger is the best seasoning~ ♥

閣樓的熊啤啤

閣樓的熊啤啤

閣樓的熊啤啤

點煮網贊助

閣樓的熊啤啤

2012-07-22 |




其實幾個月前已經從老公口中得知依件事,
不過當時老公仍然喺南下工作,
我一個人喺屋企唔敢寫啊......
_2368.gif image by veronica_tsim


老公下屬Luke 有一次到預約客戶屋企視察家居結構,
睇吓可唔可以安裝能源效益系統.......
如經測試後證實屋內閣樓結構可以做得到,
將會先起出閣樓地板,鋪上一層絕緣體後再鋪回地板,
絕緣體可以達到保暖效果,從而減低用電量~


客戶帶Luke 上到閣樓,
Luke 見到閣樓一角孤伶伶坐咗隻非常殘舊既熊啤啤公仔,
未待Luke 開口詢問,
客戶已經主動同Luke 講: 你地要點整都好,絕對唔可以搬開個
熊啤啤!
隨後客戶解釋.......


收屋後搬入初期,佢同男友一齊清理上一手業主留低喺閣樓既雜物,
連同熊啤啤在內,佢地將整理好既閣樓雜物暫放車房裡面,
打算遲吓得閒先攞去棄置~


佢地將熊啤啤放咗去車房後既第一晚,
當晚即時有怪事發生......
佢地隱約聽到閣樓傳來小朋友跑步聲!

不過佢同男友無理會,以為只係聽錯......


但第二晚佢地明顯
感覺到喺閣樓跑步既"人"多咗......!
同時佢地開始隱約聽到有小朋友講野既聲音,
不過聽唔到講野既內容......
由於
閣樓雜物不多,加上聽到係小朋友既聲音,
佢地即時聯想到應該同隻
熊啤啤有關!
於是佢地即時去車房攞返隻
熊啤啤掟返上閣樓......


熊啤啤重回閣樓,佢地都以為可以鬆一口氣,
唔會再有怪事發生......殊不知第三晚仲加大鑊!
今次除咗跑步聲 + 小朋友講野之外,
仲多咗一把女人聲 - 類似媽媽既聲音同小朋友"對話"!!



佢地死忍一晚後,第二朝天光先敢走上閣樓,
閣樓除咗熊啤啤之外,並無其他雜物,
更加無"小朋友" + "媽媽"~
正當佢地搲爆頭唸辦法解決時,
男友靈機一觸將熊啤啤放回閣樓角落原來位置......
閣樓既跑步聲、小朋友 + 媽媽既對話....當晚一下子全部消失!
自此佢地就無再聽到閣樓傳來任何怪聲~


原本佢地清理好閣樓所有雜物,
係打算將閣樓改裝成一間睡房,
不過因為依隻位置不能移既熊啤啤,
佢地打消咗
睡房依個念頭,
閣樓至今一直只作為雜物房使用......





Photobucket
點煮網贊助

回應

loading
點煮網贊助

閣樓的熊啤啤