一條冷返香港食食食2009 - 西貢1日遊之松記車仔麵 (3月18日)

La Cuisine De Veronica
加為朋友

Hunger is the best seasoning~ ♥

一條冷返香港食食食2009 - 西貢1日遊之松記車仔麵 (3月18日)

一條冷返香港食食食2009 - 西貢1日遊之松記車仔麵 (3月18日)

一條冷返香港食食食2009 - 西貢1日遊之松記車仔麵 (3月18日)

點煮網贊助

一條冷返香港食食食2009 - 西貢1日遊之松記車仔麵 (3月18日)

2009-04-16 |

是日V媽媽突然癮起 - 想食西貢出名既松記車仔麵!

 於是就即搭車入西貢......

以往暑假返親香港,成家人浩浩蕩蕩去西貢掘蜆係指定活動來~ 掘完蜆帶住一身污泥,去西貢市中心松記食一碗熱辣辣既車仔麵~ 真係賞心樂事!  不過近年我返香港都係秋天多,加上屋企人各有各忙,已經冇依枝歌仔唱咯......

已經好多年冇去過西貢,西貢市中心面目全非!

 巴士站隔離整咗個大水池~ 離遠睇仲以為依幾隻雀仔係真既添!!!

 行近睇真d...原來係假野來! 裝飾船仔做成好似報紙摺既小船,真係好鬼似~~~~

 松記位於一條狹窄小巷入面......

 不過大街處有指示牌~ 所以並唔難搵!

 又係得我 + V媽媽兩丁友......先來一人一碗多料到幾乎滿瀉既車仔瀨粉!

食到一半意猶未盡,再order 2碗野來瓜分......

 淨豬腸 + 豬紅~

 仲有一碗豬紅、豬腸 + 豬手瀨粉!

松記既車仔麵真係好食! 不過V媽媽好鍾意食既豬手,我就覺得普普通通~~~

食完車仔麵為咗幫助消化

,我地去咗碼頭海旁行吓!

 真係太耐冇來過西貢嘞! 我連整咗個牌坊都唔知......

 我發現幾乎每間海旁既海鮮食肆,都整咗一個超級大魚缸! (好似鬥大咁款......)

 見到咁多生猛游水海鮮,冇得食一樣好興奮! (英國冇依d奇景嘛~~~)

 久違既"全記"原來已經榮升米芝蓮食肆!

 唔怪之裝修到咁金碧輝煌啦!

以前都食過全記好多次,不過個人覺得不及流浮山既邦記......唔知係咪真係進步到值1粒米芝蓮星呢???

 全記門口張貼咗好多名人光顧既相片~ 眾多名人之中,我突然見到美國著名廚師、作家兼電視節目主持Anthony Bourdain! Anthony 係我 + 老公既偶像~ 唔知香港人知唔知佢係乜水呢?

 西貢碼頭旁邊泊咗好多小艇,售賣各類游水海鮮~ 價錢仲好鬼平! 平過海鮮店好多!!!

 除咗生猛海鮮,仲有各種乾貨海味~

 有工人喺漁船上即捕即開新鮮攞到既海膽~ 岸上既遊人可以買架! (以每個白色外賣發泡膠盒計,好$20盒!!?!??)

 原來西貢有好多白鷺喎......

 哈哈~~~ 我個相機真係犀利
- 影到咁清楚艇仔下面有好多魚仔!!!

可能食飽咗既關係?

 雖然見到咁多超抵平靚生猛海鮮,不過我地乜都冇買到喎!

 

 

點煮網贊助

回應

loading
點煮網贊助

一條冷返香港食食食2009 - 西貢1日遊之松記車仔麵 (3月18日)