點煮網贊助
獎品 (2013年6月19日)
2013-06-19 | ♥ V乜鬼蛋糕批撻
今日終於收到Cake Pop比賽既獎品嘞!
無獨有偶又會咁橋......
送獎品來既竟然係上星期六送Bamix來果位嬸嬸!
Small world!!
開門時我一時間認唔出係同一位嬸嬸，
只係見嬸嬸手上包裹印住大大隻Lakeland字樣，
我就知道係我份獎品，即時流露出興奮神色~
上篇都講過，我收到個Bamix時相當興奮.......
唔知係咪我上次太失儀態令嬸嬸印象深刻，
簽收時嬸嬸同我講: 次次我送包裹來妳都咁開心既!
我先醒起原來係佢~
跟住佢再問我: 究竟上次果盒係咩野來?
獎品係依本The Clandestine Cake Club Cookbook~
打開裡面立吓我先突然醒起.......
原來依本書我之前喺書店睇過吓 + 想買!
但唔記得點解最後無買到.......
哈哈~~~~ 其實好彩當時無買到呢~~
雖然今次比賽我只攞到第2名......
雖然獎品只係一本食譜書，唔係咩名貴野.......
不過是次比賽係一個好好既經驗，
係別人欣賞我作品既一個肯定，
同時亦係我證明自己"I can do it"既證據!
今次應該係我成年後第二次參加公開比賽~
第一次係3年前參加既業餘攝影比賽，攞咗個第3名(網誌);
今次整cake pops就攞個第2名，
似乎睇咁既走勢.........下次我應該好大機會攞第1名!
所以我要為下次攞第1名好好準備一下........
(講到尾......咪又係藉口買野!!
)
點煮網贊助
回應
點煮網贊助
社交網