飲飲食食買買買倫敦2009兩日遊 - Restaurant Toku@ Japan Centre
2009-10-26 | ♥ 孖T@London 2009
今次倫敦兩日遊既第二個目的 - 食日本野!
As I said 好多次 - 蘇格蘭幾乎完全無好食既日本野! 所以每次去倫敦我都會食日本野食返夠本!!!
倫敦好多日本人，所以周街都係日本餐廳，攞走外賣堂食任選，而且仲好鬼平!
喺眾多倫敦既日本餐廳，我 + 老公情有獨鍾 - Japan Centre 裡面既Restaurant Toku~ 
我地每次去倫敦都會幫襯Restaurant Toku 超過一次! 
今次2日內我地一連食咗3餐都係Restaurant Toku......
星期五(10月23日)朝早到達倫敦，第一餐就係等Japan Centre 中午12點開門入去食餐勁!
我點咗2個餐......
Sushi Set~ 包一碗味噌湯! 加碗細枝豆......
再整多碗辣雞肉味噌湯麵~
老公就要咗碗佢期待已久既牛丼~ 包生雞蛋一隻!
同日既晚餐......又係Toku!
今次老公改食免治豬肉湯麵餐~ 包豬肉煎餃 + 白飯一碗!
而我就點咗我既Toku 每次必點招牌套餐 - Beef Teriyaki~ 包味噌湯 + 白飯各一碗! 
食剩一半牛肉時，套餐包既白飯已經無鬼哂......要另外點多一碗白飯!!! (好似餓鬼上身咁清鬼哂!!! )
星期六去完動漫展，臨返上蘇格蘭之前，再去Toku 食咗餐early dinner!
老公既吉列豬扒套餐~
佢地既煎豬肉餃子超好食! 點咗一碟兩份分~~~~
我又係Beef Teriyaki 套餐.......
例牌一碗白飯唔夠食，要再來多一碗!!
Toku 有積分咭優惠 - 每幫襯£5吸印1格; 吸滿12格 (£60) 就送甜品一客; 吸滿20格 (£100) 埋單時可減£5~
2日內一連食咗3餐，已經吸滿14格，老公claim 咗碗綠茶雪糕! 
屋企有好多張未吸滿既Toku 積分咭 - 我地次次去親倫敦都會幫襯Toku，不過次次再去倫敦都唔記得帶埋未吸滿既積分咭......
社交網