續 - 康泰菲律賓團遭槍手挾持事件 (2010年8月23日)

La Cuisine De Veronica
加為朋友

Hunger is the best seasoning~ ♥

續 - 康泰菲律賓團遭槍手挾持事件 (2010年8月23日)

續 - 康泰菲律賓團遭槍手挾持事件 (2010年8月23日)

續 - 康泰菲律賓團遭槍手挾持事件 (2010年8月23日)

點煮網贊助

續 - 康泰菲律賓團遭槍手挾持事件 (2010年8月23日)

2010-08-24 |

事件喺一個遺憾,令人失望既結果底下結束......

由今朝起身得息事件後,我一直緊追Sky News + 網上新聞直播,曾經一度見現場氣氛並唔緊張,我並無預料事件會有個咁既結果......

原本開開心心既旅行,最後變成畢生難忘既慘劇......雖然我並唔認識事件中既死傷者,但事件中有網友既朋友遇害,我一路留意事件發展,一路心都好痛.......

 依位太太係事件中既女英雄! 雖然我唔認識佢,但我由衷向依位太太致敬~ 佢絕對係我地香港人典範!

 

我未到過菲律賓,一直對依個地方認識唔多~ 但我一向對菲律賓人印象並不差! 因為一手湊大我表弟妹既姐姐係一個好好既人!!

不過菲律賓政府既處理手法真係好有問題! 今次事件有咁多人傷亡,佢地難辭其疚!!

 槍手手持步槍,嘗試進入旅遊巴既警方當中竟然有人手持細細把手槍~

有網友甚至留意到有警方雙手合十扮持槍.......真係好荒謬!

 

槍手已被革職近2年,點解佢仲可以著住制服?

 槍手曾經一度揭開旅遊巴窗簾,佢喺車上挾持住十幾條人命,菲律賓方面話一早有sniper 戒備,點解菲警唔趁機射殺槍手結束事件??

 

我整日留意事件發展,較早前槍手一直表現平靜 + 願意談判~ 點解情況會突然一下子變壞導至慘劇?

菲律賓總統事後終於出來發言,指槍手喺旅遊巴上聽咗一通電話後情緒突變,究竟係咪事實??

我一直留意網上新聞update,睇到依位自稱身在馬尼拉當地既網民,喺Sky News website 不停留言update 跟進事件最新發展.......

 佢留言提到槍手本來一直表現冷靜,直至槍手開咗旅遊巴士上既電視,睇到自己親人被菲律賓警方推上警車,情緒先開始變得激動!

 

當然我唔知道事件真相係點,但我眼睇到新聞片段,司機逃走後第一時間接觸到既竟然係傳媒而唔係警方!

好明顯菲律賓方面完全無控制到傳媒,連外國傳媒都一致認為菲律賓傳媒太接近事發現場!! 我唔意外佢地會將槍手親人押上警車既畫面全國播出!

菲律賓政府處理今次事件真係好混亂 + 一塌糊塗!!!! 我認為今次事件罪魁禍首係菲律賓政府!

今次事件已成為咗香港人一個傷口~ 身為香港人依一刻既感覺非筆墨可形容!

我從新聞知道有2名喺事發地點幫遊客影相既菲律賓攝影師,肯親身上車換取釋放出來既人質~ 佢地既人格都係高尚既!

但事發後曾蔭權嘗試聯絡菲律賓總統,但並唔成功~ 依個究竟係咩國家來?? 希望菲律賓方面盡快徹查事件,比死傷者親屬 + 所有香港人一個交代!!

在此希望所有死者可以安息;

同時希望仍然在危既傷者可以吉人天相;

死傷者親屬可以折哀順變~

身在英國我接收到事件既資訊有限~ 我好感謝一班今日陪我一齊留意事件發展經過至結束既網友留言 + msn! 多謝妳地~

希望今次不幸既事件,可以令所有人學懂"珍惜眼前人"!

 

 

 

點煮網贊助

回應

loading
點煮網贊助

續 - 康泰菲律賓團遭槍手挾持事件 (2010年8月23日)