一條冷返香港食食食2009 - 立雜零咀

La Cuisine De Veronica
加為朋友

Hunger is the best seasoning~ ♥

一條冷返香港食食食2009 - 立雜零咀

一條冷返香港食食食2009 - 立雜零咀

一條冷返香港食食食2009 - 立雜零咀

點煮網贊助

一條冷返香港食食食2009 - 立雜零咀

2009-04-28 |

喺香港除咗正餐之外,正餐與正餐之間,我仲會食好多好多立立雜雜野......

Part 1 - 街邊野

好鍾意食台灣夜市裡面既麵線 ,不過而家唔需要去台灣,喺香港都可以食到嘞!

 弼街開咗間阿升麵線.....

 我要咗個大腸麵線多莞茜 + 加辣! 辣到噴火~~~~ 不過真係好好食!!! 加埋莞茜又好香~~~ 我覺得仲好食過台灣既!
Thumbs Up

除咗試咗新野麵線之外,當然仲有我既心水例牌街邊美食......

 牛雜永遠都係我首選!

 食街邊野又點少得"街霸" - 魚肉釀乜乜呢? 個人心水係尖椒、茄子 + 紅腸~ 至於豆腐卜只係掹車邊......

 炸豬大腸~ 要落好多辣醬喎!

 一食入口已知道粉多過咩既街邊燒賣! 雖然明知唔係真材實料,但唔知點解硬係覺得好好味!!?!?

我屋企附近有一檔推車仔賣烚蛋、炒栗子、炒銀杏,我成日經過都會幫襯~~~

 V媽媽成日唔比我食鵪鶉蛋! 所以我要吼V媽媽唔同我一齊時,我先可以偷偷地買 + 偷偷地食!

 第一次試炒銀杏(即白果)!

 估唔到就咁炒熟既銀杏係咁好食! 不過我覺得都幾貴 - 依幾粒野要$10啊~~~~

Part 2 - 買返屋企慢慢歎......

 有日同V媽媽行Sogo 超市,佢地既急凍蜜糖燒火雞脾減價,於是買咗3隻返屋企! 我開咗一隻來做下午茶 - 就咁用刀切肉即食! 不過隻野唔多夠味 ......於是另外2隻比咗人~~~

 某日下午茶 - 雜錦壽司 + 三文魚刺身各1盒~ 依餐夾埋都只係$50!

 三文魚刺身非常新鮮! 靚到吖~~~

 我好鍾意食聖安娜既蛋撻! 整半打返屋企......

 再加盒原味卷蛋!

 雖然我唔鍾意食甜野,不過其實係有例外既 - 只要原味 / 牛油味,極其量芝士味~ 其他味道就免嘞! 我最愛既首選原味莎莉蛋糕~ 仲有嘉頓小牛蛋 / 芝士味雪芳蛋糕!

 由細到大都愛莎莉蛋糕! 我一次過會食2/3盒~~~

 我細個時好鍾意食依隻真魷味魷魚波波,可以話係童年回憶! 但我而家仍然鍾意食,尤其睇電視時發口痕!

有時我既立雜零食可能係我從未試過既新野,令我好奇買來試試! 不過唔係次次試新野都係好味既......

 望落好似幾好味既日本九州燒餅~ 不過味道只係麻麻地......

 之前有網友話我知 - 北海道牛奶非常香濃可口~ 不過因為英國冇北海道牛奶賣,所以一直未有機會試! 今次終於有機會嘞~ 好鬼細包,但好鬼貴!

不過味道......真係把鬼呀!!!! 我完全唔覺得香濃可口喎! 我覺得根本同一般維記、牛奶公司既紙包牛奶冇乜分別~ 同英國既Jersey milk 比的話,唔該行埋一邊!!!

 

 

點煮網贊助

回應

loading
點煮網贊助

一條冷返香港食食食2009 - 立雜零咀