阿V搗藥,Mr.T伐桂!

La Cuisine De Veronica
加為朋友

Hunger is the best seasoning~ ♥

阿V搗藥,Mr.T伐桂!

阿V搗藥,Mr.T伐桂!

阿V搗藥,Mr.T伐桂!

點煮網贊助

阿V搗藥,Mr.T伐桂!

2013-09-18 |




聽日就係中秋節嘞,
去年Mr.T畫咗"阿V奔月",
今年
阿V化身成玉兔去搗藥,
Mr.T就代替吳
剛伐桂! 哈哈~~~~


阿V近日忙於整月餅派比人!

99已經兩年無喺英國過中秋,
今年99返咗來英國,
早兩星期前99已經問我今年整唔整月餅,
叫我整埋佢果份.........

所以第一水就整比99! (另外仲有幾隻留返比自己 + Mr.T~)

上星期攞月餅返去比99,
剛啱99同朋友girls night in 喺屋企睇緊篤篤撐,
其中有位auntie 鍾意食豆沙月餅,
於是99叫我整盒豆沙月比
auntie
仲用咗
auntie 自製紅豆沙去整.......
所以99又話要多2隻豆沙月餅!

今年連一向似鬼妹多過似中國人既姑仔都話要月餅,
我唔想分幾次開爐,於是星期六晚一炮過整咗廿隻!

因為有白蓮蓉 + 豆沙2種餡; 又有朋友唔食蛋黃齋要餡.......
所以要分餡又要分有蛋黃無蛋黃~

開工前已先計好邊種月餅要整幾多隻........
點知一開工發現auntie 既自製豆沙無落油,所以雪過後硬如石頭!
(後來99告知原來auntie 既自製豆沙係用來煲紅豆沙糖水,所以唔落油!)
幸好機智既阿V情急智生唸到解決方法~

先將部份auntie 既自製豆沙用好駛好用既Bamix 打碎,
再混入少許台灣罐頭紅豆沙(好彩我有存貨!)拌勻成豆沙餡,
終於可以順利開工嘞!
(阿V真係好醒目啊! 呵呵~~~ )



攪足一晚終於完成!



每盒當然唔少得Mr.T幅大作啦!


第二日星期日帶埋月餅約咗99 + 姑仔afternoon tea,
再約朋友比月餅佢地!



朋友客氣地回禮......
(我未來得切影相,已經比Mr.T鯨吞咗差不多一半!  photo _1282.gif)


其實我今年仲未整哂月餅架........
不過星期日落足一日雨,天氣突然一下子凍咗好多,
星期一朝早難以置信竟然只得5C!!
可能我冷親發燒了~~~~~
不過今日已經退燒,聽日要作最後衝刺整埋今年最後一水!

廣式月餅做法click here~


---------------------------------------

我大大大愛今年玉兔V既造型!
我想過咗中秋都可以成日見住依個公仔,
不過唔係中秋仲搗乜鬼野藥呢?


所以Mr.T將玉兔V改咗少少野........


印咗件top,咁我就可以成日對住佢嘞!



Mr.T仲手痕畫咗張玉兔銀行"100蕉"!


仲要印埋出來! 我有200蕉,唔知買到乜野呢?


祝大家人月兩團圓,有個開開心心既月餅節啊!  photo Smiling-Small.gif







Photobucket
點煮網贊助

回應

loading
點煮網贊助

阿V搗藥,Mr.T伐桂!