V女廚房3歲嘞! (2011年3月11日)

La Cuisine De Veronica
加為朋友

Hunger is the best seasoning~ ♥

V女廚房3歲嘞! (2011年3月11日)

V女廚房3歲嘞! (2011年3月11日)

V女廚房3歲嘞! (2011年3月11日)

點煮網贊助

V女廚房3歲嘞! (2011年3月11日)

2011-03-14 |

剛過去既星期五(3月11日)係La Cuisine De Veronica 3rd Bday!

果日老公休息陪我去GP例行檢查傷口,醫生話我傷口埋得好好;

而且同一日傷口終於開始甩線,而家只甩剩一條線;

本來我應該好開心......

 

不過一起身就睇到日本大地震既新聞,有人死有人傷有人失蹤,數以千計既人家園盡毀,見到一個我好鍾意,而且咁靚既國家一下子變成澤國,真係覺得好心痛...... 

點都好啦,畢竟事情已經發生咗~ 衷心祝福佢地可以盡快渡過難關啊!!

 

有感而發既題外話 - 最近好興講"公民教育"......

公民教育呢...就唔一定要親身喺事發現場先學習得到既! 而且事發地點亦唔一定要係自己生活緊地方!!

好似今次日本大地震,唔需要親身去到日本災場,連日來透過電視新聞片段見到日本人處理是次飛來橫禍臨危不亂,好有系統、好團結、好守秩序 + 好正面咁去面對.....

真係好由衷佩服日本人理智堅毅既民族性!

別人國家冷靜得體處理突發事件,國民守法唔會趁火打劫承機趁亂搞事 - 依個絕對係一個唔洗上街遊行,坐喺屋企都可以學習得到既"公民教育"啊!

 

講返我個blog......

真係有感時間過得越來越快! 原來我已經寫咗V女廚房3年......

其實我有寫blog 既念頭並唔止3年,只係3年前既3月11日我終於的起心肝去實行!

寫吓一篇,寫吓又一篇......咁就寫咗3年!!!

等我回顧一下依3年來用過既大頭相 + 標題背景......

 第一代老翻大頭相 - PhotoShop 手痕之作!

 第二代大頭相 - Mr.T 之作!

 第1個標題背景

 Xmas Special......

 

>>>>>>>>>>>>>>>>>>>>>>>>>>>>>>>>>>>>>>

過去一年最值得記低既blog 事,就係終於有機會同幾位認識咗好耐既blog 友見面,可以面對面咁同佢地食飯暢談真係好開心!

 另外一件小事就係舊年4月中"V女廚房上"咗Yahoo 用戶分享!

(張相咁鬼濛,一睇就知唔係我影架啦!! )

 

其實舊年"V女廚房"2週年時,我定下咗大咋目標要完成......

不過軟皮蛇既我有好多都無實行到!

咁......就唯有順延成為今年3週年既目標啦!! 哈哈~~~~

 

無論已經睇咗3年、或睇咗3個月,或者只睇咗3日......甚至係路過既網友都好,在此多謝每一位來訪過"V女廚房"既你 + 妳啊!

 

 

 

點煮網贊助

回應

loading
點煮網贊助

V女廚房3歲嘞! (2011年3月11日)